VEƊE 2:9 - JAA TƏMARWAŊ

⁹ Ten bə asə-ase gəəli daana caaca nəətiŋ (səma a gəəziŋa ha'aŋ, aŋ kaa kə hurma). Wəra də dərəŋ minti kaa kəman yaŋ bə waataŋ səmaŋa baymele, kaa teŋ bə ufi kuya minti té kaanə Ziwifi, anaaŋa paapa, yə haa kaa kə tapə-tepe ciiri kə *Sataŋ.

VEƊE 2:9 Iomraidhean Croise

MATIYE 4:10

Kəya, Yeesu waatəna minti: «*Sataŋ, zee la wəra sarəna tooto! Gud maa mo Kefter kə Pepeŋ wəra bə jeerə-jeere minti: ‹Kaa awalnaŋ la a Barkaŋ Pep nəmtiŋ, jəətə digiŋ la a nuunu təwa.›»

LIKI 12:21

Yeesu wəətənəy pa minti: «Kel ji bədoona ana sar hulum bə minti kote cəərə begeŋ a kusru təwaŋ, səma wə paapa hulum bə bege dər Pepeŋa ba.»

LIKI 22:65

Daana yə sərtunu də kel gaalaŋ-gaalaŋ pa.

LIKI 4:18

«Tiirə Barkaŋ dəərən gud bə minti wə zeenen wəra dəra'i bə waate *Kel pəsaŋ kəmarwaŋ nuutuŋ a kaa kə caacaŋ. Wə gaanan a waate kaa kə daŋgay minti yə bədəŋ ne wəra, a waate kaa kə bəwə-bəwiŋ minti diri pəŋtəŋ ne wəra, a bidi kaa gə minti kaŋ bə ləsəyaŋ wəra,

LIKI 6:20

Kəya Yeesu haŋ duru apəya cəərə *kaa gə guuduŋa, wə wəətənəy minti: «Waaleŋ nəəti, aŋ kaa kə caacaŋ, gud bə minti *Kumna kə Pepeŋ nəəti.

Kel pəsaŋ kəmarwaŋ gə minti Zaŋ jiiriniy 16:33

Ten waatənaŋ kel teŋ haa minti tarməyaŋ jəə la kəkaɓi gud tepe nəətiŋa dəərən. Yə ləsaŋ yaŋ cəərə seŋkaŋa. Səma aŋ teŋə dərəŋ la, Ten wəra bə pəə-pi bulum cəərə kar gə cəərəŋa keɗe!»

JOŊRE 14:22

Giidə vil tá soope'iŋaŋ, yə zeŋ gud kaa kə doo-deŋ minti yə əsə la ŋəŋ a deŋa daana yə wəətənəy minti: «Áŋ gə minti gə doo-deŋ, áŋ kir se gəəli ablaw bə ɗe a ve a *Kumna kə Pepeŋa.»

JOŊRE 26:11

Ten saksaki haa bə kalte wəra giidə *kuli bə toose kə kaanə Ziwifiŋa keɗe, bə ɗe a ji daŋgay də kaa kə doo-deŋ minti yə waatə la wəra kas kusri minti té de gud Yeesu pəda. Sərkə də kel teŋ raawənan cəərən wəra səm moŋ, ten ɗeŋ hãã bə ɗe a ləsəy warna giidə vil də minti taŋ paapa náŋ baŋ.

ROMEŊ 12:12

Aŋ jəə la də waale gud karman bə minti ɗiki dəŋ bə malə-mele cuuruŋ, aŋ məə la ku gəəliŋa, aŋ jəə la saksaki bə toose Pepeŋa gəm.

ROMEŊ 2:17

Tam bə minti bə waate minti tam bə Ziwifiŋ, ko nəmti bə garge kaasam haa *ku gili kə Moyisiŋ, tam bə ufi kuma minti tam kə Pepeŋ.

ROMEŊ 5:3

Ada pə ɗaw haa minti, áŋ ufi ku áŋ dər lasi də awte cəərə áŋa gud bə minti wəra də dər áŋ minti lasi taŋ kolə áŋ gə nakə-neke bə halaŋ.

ROMEŊ 8:35

Maa toŋ neke bə ɓarse áŋ wəra də bele kə Kristuŋ mo? Lasiŋ mo, gəəli bə dere laawe a áŋ mo, kaa kə ji caa a áŋ mo, tay mo, caacaŋ mo, ko bə siiti meŋ mo, meŋ də kusru gadi faɗi mo?

ROMEŊ 9:6

Kar gə minti Pepeŋ a wəətənəy səməy wəra a kaanə Israyel, wə jiiniy bə moŋ, ten waate paapa bədoona ba. Wə jiiniy nuutu, səma koloŋ kaa kə Pep gə minti Israyel də gəəzə-gəəziŋ, paapa kaŋ keɗe gə minti waŋ a kaasaw də moomo di Israyelaŋ ba.

II KOREŊTƏŊ 6:10

Yə kolte are laawe, səma are saksaki də waale. Are nuutu də caaca, səma are kolte kaŋ də hurma ablaw ɗaw. Are gole damdi karman paapa kasi are ba ana, səma a gəəziŋa kar wəra keɗe naare ɗaw.

II KOREŊTƏŊ 8:2

Gidiirə gəəli ablaw a tupnuy nuutu faɗi, səma waale neeteŋ zeedeŋ guudu haa zeede ɗaw. Də caaca neeteŋ anə keɗeŋ, yə ayaŋ ablaw də tərməyi pəsaŋ.

II KOREŊTƏŊ 8:9

Gud maa mo pisi bə minti Barkaŋ náŋ Yeesu Kristuŋ juunu sar kaŋaŋ, wə də dərəŋ. Wə a haa hulum bə hurmaŋ ɗaw, wə koloŋ kusru wəra də caaca guudəŋa minti aŋ kolə la də hurma gud caaca kə toŋa.

1 TESALONIKIŊ 3:4

Bə minti are a jəŋ səraŋ daŋ, are a waatənaŋ wəra ajewa minti áŋ se lasiŋ yaŋ me'i. Aŋ asə la wəra minti bəŋ haa kel teŋ ta.

I TIMOTE 1:13

A dayday ha'aŋ, ten a bə wəətu səmu baymele, ten a bə ləsu daana ten a bə sərtutu gəm. Ana doloy də teŋ keɗeŋ, Yeesu jəŋ giidu pəsaŋ sarəna, gud bə minti kel gə minti ten a bə jiya dayday, guudiŋ a paapa də dərən ba, gud maa mo ten a paapa bə doo-de guudu bə gəm.

I TIMOTE 6:18

Waatə kaa teŋ la minti yə jəə pisiŋ la, hurma neeteŋ jəə la haa joŋre pisiŋ bə minti yə bə jəwaŋ, daana yə jəə la kaa gə giidi pəsaŋ, kəəsi jəə la bə aye gəm.

VEƊE 1:9

Kəna ten seeneŋ Zaŋ. Gud tapi náŋa də Yeesuŋ, ten haa kumsəŋ bə minti giidə *Kumna kə Pepeŋa gəm, ten bə se gəəliŋa daana ten bə mi ku damdi aŋ ana gəm. Yə gaanan warna cəərə ajomga də Patmosi na haa gud bə minti ten a waataŋ kel kə Pepeŋ wəra daana kel gə minti Yeesu a jəŋ bar kəkəy ciiriŋ wəra a kaŋ.

VEƊE 2:13

Vil də minti aŋ gə əsə-isi adaŋ yaŋ nuutu də dərən, haa vil də minti *Sataŋ də əsə-isi kumna ada gəm. Səma aŋ əsəŋ ŋəŋ gə tapə-tepe dəərən, aŋ maltaŋ kuŋ cəərə de nəəti bə guudən ba, koo nuutu bə minti yə awaŋ Antipasi, bərdə kəkəy katən ɓetiŋ wəra gerdəŋa, a ko bə minti Sataŋ də əsə-isi kumna adaŋ.

VEƊE 2:2

Ten bə asə-ase joŋre nəətiŋ, bande nəətiŋ, də mi bə ku gəəli nəətiŋ. Wəra də dərən minti aŋ paapa gə doo-de haa bə hale kaa kə sərkəŋ aduubə dəŋa ba. Kaa gə minti ji kusri minti té *kaa kə vaa-veŋ, aŋ gulnuy kuɗiy wəra, aŋ əsnəy wəra minti yə kaa kə ŋete kel.

VEƊE 2:24

Səma aŋ kaa gə Tiyatir gə minti doŋ haa də hate bə baymele toŋ baŋ, də kel kə metə-mete kə *Sataŋ bə gəm, ten waataŋ minti ten məlaŋ eele baalaŋ cəərəŋa ada pəda.

VEƊE 3:9

Golə la, kaa té gə tapə-tepe ciiri kə *Sataŋ, kaa kə ŋete kel gə minti ji kusri minti té kaanə Ziwifi anaaŋa yə paapa kaanə Ziwifi baŋ, ten əyəy yaŋ kaasəŋa. Ten ji yaŋ kir minti yə ɗee la a feke də gigiiri tiiniŋa, kəya yə ase yaŋ minti ten bəlaŋ.

VEƊE 7:14

Ten minti: «Bərdənti, yə haa də dərəm.» Wə waatənan minti: «Yə bəŋ haa ku lasi mooto hasaŋ da. Yə baadaŋ jamba neeteŋ wəra, yə kolna wəra bərwa də kor də Kormə Taaməkaŋ.