VEƊE 2:7 - JAA TƏMARWAŊ

⁷ Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, ten əyu kəkəy bə hame we də kəbaŋ gə aye dədərgə də bay teweŋ yaŋ ger Pepeŋ na a *Paradisi naŋ.›»

VEƊE 2:7 Iomraidhean Croise

MATIYE 11:15

Hulum bə minti jəəne də kosoŋ kirka əskiŋ, wə əskə la pisi faɗi!

MATIYE 13:43

Də ko toŋ kəyaŋ, kaa gə minti a bə jəəti kel ɗekeriŋaŋ, yə kole yaŋ bə welɗe a Kumna kə Biriŋ da damdi cəwaŋ də apəyaŋ ana. Aŋ jəəne də kosoŋ, aŋ əskə la pisi!»

MATIYE 13:9

Hulum bə minti jəəne də kosoŋ kirka əskiŋ, wə əskə la pisi faɗi.»

MARKƏ 4:9

Kəya Yeesu wəətənəy minti: «Hulum bə minti jəəne də kosoŋ kirka əskiŋ, wə əskə la pisi faɗi!»

MARKƏ 7:15

Karman bə hame anə məna minti kele giidə hulum na bə kulu paapa cetceti dər Pepeŋa baŋ, paapa. Səma karman bə minti kole hulum wəra paapa cetceti dər Pepeŋa ba, haa nayto bə minti kele warda ku tərmuyu daŋ. [

MARKƏ 7:16

Hulum bə minti jəəne də kosoŋ kirka iskiŋ, wə əskə la pisi faɗi!».]

LIKI 23:43

Yeesu hərnu kel minti: «Gəəzi ten waatam, dayna tam ɗe yaŋ dəərən a *Paradisiŋ.»

LIKI 8:8

Surduŋ vaŋ a ko bə cimə-cimiŋa. Wə dəyaŋ wəra, wə suŋ wəra, wə waŋ degeɓ-geɓi. Kolɓoy bə məna, kəəsu məna waŋ pisi kəsi mo, bədoona.» Yeesu waataŋ koloŋ minti: «Hulum bə minti jəəne də kosoŋ kirka əskiŋ, wə əskə la pisi faɗi!»

Kel pəsaŋ kəmarwaŋ gə minti Zaŋ jiiriniy 16:33

Ten waatənaŋ kel teŋ haa minti tarməyaŋ jəə la kəkaɓi gud tepe nəətiŋa dəərən. Yə ləsaŋ yaŋ cəərə seŋkaŋa. Səma aŋ teŋə dərəŋ la, Ten wəra bə pəə-pi bulum cəərə kar gə cəərəŋa keɗe!»

I KOREŊTƏŊ 2:10

Pepeŋ vəɗnu wəra a áŋ haa də Tiiruŋ. Gud maa mo, Tiiruŋ də nakə-neke bə gole dər kar wəra keɗe, koo nuutu ɗiki bə ku tarmə Pepeŋ.

I ZAŊ 2:13

Aŋ kaa kəmtəŋ, ten jeere a nəənəŋ gud bə minti hulum bə minti a jəŋ warda hãã a mele bə gud ko daŋ, wə də dərəŋ. Kəmar kaalay, ten jeere a nəənəŋ gud bə minti aŋ pəŋ bulum wəra cəərə Nər Sərkəŋa.

VEƊE 13:9

Tam hulum bə minti kosnom adaŋ, jeɓrə la pisi:

VEƊE 14:13

Kəya ten əskəŋ dordə karman kəman bə waate kel da apəy da minti: «Jeerə kel teŋ la kəya: dər ko bə hebkənaŋa faɗi, waaleŋ kə kaa gə minti fəlaŋ meŋ gə tapə-tepe də Barkaŋ.» Tiiru Cetcetaŋ minti: «Ãã bədoona! Yə faake máŋ kas joŋre neete bə gəyəy ta, gud maa mo joŋre bə minti yə a juunuŋ ɗe diiri apəya daana waate kel yaŋ wəra ciiri gəm.»

VEƊE 15:2

Kəya ten asaŋ karman kəman ada damdi kan gə minti aŋ ase kar gə guudiŋ wardaŋ ana, duru bə tapə-tepe də cəwa. Ten asaŋ kaa gə minti a pəŋ bulum cəərə bege bə waraŋa də karman bə minti yə a ɗəmpunu bə haw, bege tó bə minti səmu wəra bə vaɗə-veɗe də numraŋ. Yə əstəŋ gil-gil cəərə karman tó bə he kan kəmtəŋa, gundi bə minti Pepeŋ a əytənəy diŋ kəəsi kay-kay.

VEƊE 2:11

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, me bə ɓasiŋ ji karman suru pəda.›»

VEƊE 2:17

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, hame bə minti yə məntu «man» bə metə-meteŋ, ten əyu du yaŋ. Pərki gibirwi bə minti sam kimirwiŋ bə jeerə-jeere cuuruŋ, ten bə əyu du gəm. Sam kimirwi toŋ haa də dər hulum bə minti fəlaŋ pərki toŋ neŋ təwa.›»

VEƊE 21:7

Ten aye werke bə kar teŋ yaŋ a hulum bə minti pəŋ bulum neŋ. Ten bə ji yaŋ Pep nuutuŋ, wə bə ji yaŋ kormon gəm.

VEƊE 22:14

Waaleŋ cəərə kaa gə minti baadaŋ dəməəmə neeteŋ wəraŋ kir minti yə falə kəkəy la bə ve aləw na ku kuli bə giidə vil na, bə ɗe a hame we də kəbaŋ gə aye dədərgəŋ.

VEƊE 22:17

Tiiru Cetcetaŋ də mar Kormə Taaməkaŋ əsəŋ bə wəətu minti: «Bəəda!» Hulum bə minti əskəŋ kel teŋ neŋ, wə waatə la gəm minti: «Bəəda!». Hulum bə minti kinkin duunuŋ neŋ, wə bəəda. Hulum bə minti də caadə kan kə aye dədərgəŋ, wə bəəda a doy boobo faɗi.

VEƊE 22:2

Wə ɓarsaŋ kəəsu ɓasi, aduubə di, a ko bə minti kəkəy bə vil tapte adaŋ, kəbaŋ gə aye dədərgəŋ ada gə garə-gere. Yə we a leŋa kampa hor cuuru ɓasi, yə we kampa məna a kitira, kusniŋ seerte gidiirə kaŋ wəra gəm.