VEƊE 2:3 - JAA TƏMARWAŊ

³ Aŋ halaŋ gəəliŋ, aŋ saŋ lasiŋ gud səmana, aŋ gəyaŋ ba.

VEƊE 2:3 Iomraidhean Croise

MARKƏ 15:21

Bə minti yə bə ɗe naŋ, yə ŋəfaŋ də hulum kəman, səmu minti Simoŋ. Wə haa hulum bə Siren, wə haa bar anə Aleksandərə də Rufusi. Wə a jəŋ maska da. Kəsootoŋ həənu guudu bə he kəbaŋ gə larga kə Yeesuŋa.

LIKI 14:27

Hulum bə minti haŋ kəbaŋ gə larga nuutu də baŋ daana haanan bəlam dən baŋ, wə neke bə ji hulum bə guudən ba.

LIKI 18:1

Kəya Yeesu waataŋ kel də *ku kumti a *kaa gə guuduŋ, bə gay diri minti yə kirka toose a kuɗuŋa saksaki daana minti yə a dere hor bə hasi.

LIKI 21:19

Aŋ əsə la ŋəŋ, aŋ seere dədərgə dəŋ yaŋ wəra haa bədoona ana.»

LIKI 5:5

Simoŋ hərnu kel minti: «Hulum bə hateŋ, are həŋ bə geye a joŋreŋa, are doŋ aska anə məna ba. Səma, gud kel nəmtiŋa, ten ve amaayaŋ yaŋ dər kana.»

LIKI 8:15

Kaasaw gə minti raytaŋ a ko bə cimə-cimiŋaŋ, haa kaa gə minti iski kel kə Pepeŋ, yə doy ŋəŋ ku tərməyi ɗeker pasaŋ. De neeteŋ ɗe ajewa pisi gud bə minti yə de giidi dər gəəliŋa.»

Kel pəsaŋ kəmarwaŋ gə minti Zaŋ jiiriniy 15:21

Yə bə jəŋ bədoona gila keɗe haa gud səmana gud bə minti hulum bə minti gaanan daŋ paapa də diri ba.

ROMEŊ 12:12

Aŋ jəə la də waale gud karman bə minti ɗiki dəŋ bə malə-mele cuuruŋ, aŋ məə la ku gəəliŋa, aŋ jəə la saksaki bə toose Pepeŋa gəm.

ROMEŊ 16:12

Ten bə mirki Terifena daana Terifozi, kəram té ɓasi gə minti gəyaŋ kusri a joŋreŋa a Barkaŋ. Ten bə mirki karmə giidən Persidi də minti gəyaŋ kusrə ablaw a joŋreŋa a Barkaŋ gəm.

ROMEŊ 2:7

Wə aye dədərgə də bay teweŋ yaŋ a kaayaŋ gə minti ayaŋ kusri saksaki bə ji haa pisiŋ kir minti Pepeŋ aŋkə té laŋ, wə haa cəərə té la apəyaŋ, daana wə ayə dədərgə də minti me pədaŋ la a teŋ.

ROMEŊ 8:25

Səma jəəne minti áŋ gə malə-mele ɗiki də áŋ cəərə karman bə minti áŋ əsnu kəm wəra də dər áŋ baŋ, áŋ isi haa ŋəŋ bə məwa faɗi.

I KOREŊTƏŊ 13:7

Wə sete kel suru keɗe, dər kela keɗe wə raawe də deŋ saksaki, ɗiki du bə malə-mele saksaki, wə mi ku gəəli muntu muntu mo keɗe.

I KOREŊTƏŊ 16:16

aŋ humə kosoŋ la cəərə gom də kaa teŋa daana cəərə kaa gə minti bə ji joŋreŋa də səɓaki diiriŋ gəm.

II KOREŊTƏŊ 10:15

Ufi bə ku areŋ paapa bə raawə-raawe damdi wə sə a ji bə minti are a ufu la gud joŋre bə minti kaa kaayaŋ a juunu ana ba. Ana ɗaw ha'aŋ, ɗiki də are saksaki bə malə-mele minti de nəətiŋ zee guudu la pisi ze. Kəya joŋre naare bə aduubə dəŋ ze guudu yaŋ pisi ze də aŋar də gədəəgi bə joŋre bə minti Pepeŋ əynu kasi areŋ.

II KOREŊTƏŊ 11:23

Yə minti té kaa kə joŋre kə Kristu? Ten haa hulum bə joŋre nuutu dəŋəy ɗaw! (Ten waate kel kəm damdi cəərən wəra də ɓalkə-ɓalke ana!) Ten gəyaŋ də joŋreŋ dəŋəy faɗi, ten hamtaŋ daŋgay dəŋəy, yə latnan ablaw dəŋəy, ten jəŋ ku kel kə meŋa kampa ablaw dəŋəy gəm.

II KOREŊTƏŊ 4:1

Pepeŋ gud ji bə giidu pəsaŋa ayaŋ digi taŋ a are. Gud teŋa ta tarmə are paapa də darə-dere hor ba.

II KOREŊTƏŊ 4:16

Gud teŋa ta, tarmə are paapa də darə-dere hor ba. Kusrə are jəəne nuutu bə ze guudu geyeŋ pisi ze ɗaw, gal giidə are ha'aŋ, Pepeŋ bə aye səɓaki ada a hiŋa saksaki.

II KOREŊTƏŊ 5:9

Jəəne nuutu minti are kəm zugi də kusrə are bə adawraŋ, ɗawba are yəəkunu ne wəraŋ, are golde ajew anə faɗi haa minti are doo dər Barkaŋ la.

II KOREŊTƏŊ 6:5

Yə lətaŋ are, faktaŋ are a daŋgaya, dabtaŋ kaŋ cəərə are. Are gaytaŋ wəra, faltaŋ dər are bə awe kin ba daana bə hame karman bə gəm.

GALATIŊ 6:2

Aŋ kayə kumsuŋ la adəwaldə kumsəŋa bə hale gəəliŋa. Aŋ jəŋ ne bə ji bədoonaŋ, aŋ doŋ haa *ku gili kə Kristuŋ faɗi.

GALATIŊ 6:9

Bədoona ta, áŋ a geye kas ji bə pisiŋ ba, gud maa mo, áŋ gə minti gəyaŋ baŋ, áŋ bə fele kar pəsaŋ yaŋ bə minti ko bə werke nəkaŋ də neŋ.

FILIPIŊ 2:16

a waate bə kel kə aye dədərgəŋa a kaŋ. Aŋ jəəne bə ji bədoonaŋ, dər hi bə hare kə Kristuŋ daŋ, cəərən ji yaŋ ateŋa də haa-he apəya gud kel dəŋa, gud bə minti joŋre bə gəəli-gəəli bə minti ten juunu guudəŋaŋ bəsaŋ wəra sarəna boobo ba.

FILIPIŊ 4:3

Ten bə waatəma gəm, tam seenən bə minti jəŋ joŋreŋ dəərən anə ɓet-ɓetiŋ, kayə kəram té ɓasiŋ la bə tepe kuya, gud bə minti are kuuruŋ bə waate *Kel pəsaŋ kəmarwaŋa wəra a kaŋ haa də kumsə are keɗe. Kelemaŋ də kaa gə minti are jəŋ joŋreŋ diiri keɗe, gə minti Pepeŋ jiiriniy səməy giidə kefter kə kaa gə minti fəlaŋ dədərgə də bay teweŋ, jəŋ joŋreŋ də are gəm.

KOLOSIŊ 1:11

Wə ayaŋ səɓaki yaŋ anə kaŋkaŋ də səɓaki nuutu mooto hasaŋ, kir minti aŋ nakə la bə hale daana bə mi ku gidiirə kela keɗe də waale.

1 TESALONIKIŊ 1:3

Bədoona ana, a tooseŋa tiinə Pep Bar áŋaŋ, are bə ɗiki cəərə joŋre bə minti aŋ bə jəwa gud de nəəti bə gud Yeesu Kristuŋ, cəərə bele nəəti bə minti ji joŋre, daana cəərə mele bə ɗiki bə minti aŋ məlnu wəra anə kaŋkaŋ bə mi Barkaŋ náŋ Yeesu Kristuŋ.

1 TESALONIKIŊ 2:9

Kəsaanə areŋ, cəərən gaŋ joŋre bə gəəli-gəəliŋ daana geye naareŋ ba. Gud maa mo, bə minti are adəwaldəŋ da bə waataŋ Kel pəsaŋ kəmarwaŋ kə Pepeŋaŋ, are jəŋ joŋreŋ də kasi are daaway də duugŋ keɗe kir minti kel də are a eele hulum aduubə dəŋa anə məna ba.

1 TESALONIKIŊ 5:12

Kəsaanə areŋ, are bə waataŋa minti aŋ humə kosoŋ la cəərə kaa gə minti bə ji joŋreŋa aduubə dəŋa, gə minti Barkaŋ əynəy kəəsi haa minti yə amaŋ cəərəŋ la daana yə kaŋ kosnoŋ la ada gəm.

II TESALONIKIŊ 3:13

Kəsaanə areŋ, nəətiŋ ha'aŋ, aŋ a geye kasi ji bə pisiŋa ba.

II TESALONIKIŊ 3:5

Barkaŋ haraŋ tarməyaŋ la haa cəərə bele kə Pepeŋaŋ daana cəərə talma də mi kə Kristuŋa.

II TESALONIKIŊ 3:8

are mantaŋ hulum minti wə ayə hame la a are boobo bə gəm. Ana ɗaw ha'aŋ, are jəŋ joŋre bə gəəli-gəəli bə geye areŋ daaway də duugŋ keɗe minti are a eele hulum anə məna aduubə dəŋa ba.

I TIMOTE 4:10

Gud teŋa ta, áŋ saksaki a joŋre bə gəəli-gəəliŋa daana bə bande də səɓaki gud minti áŋ məlaŋ ɗiki də áŋ wəra də səɓaki cəərə Pep bə dədərgəŋa. Wə haa Hulum bə seere kaŋ keɗe, daŋgeŋ haa kaa gə minti doŋ gud Kristuŋ.

I TIMOTE 5:17

Kaa kəmtəŋ gə tiinə kaa kə Tapiŋ gə minti ji joŋre neeteŋ a kuɗuŋa ha'aŋ, yə kir ape werkeŋ kampa ɓas-ɓasi. Aŋ humə kosoŋ la daŋgeŋ haa cəərə kaa gə minti bə geye bə waate kel kə Pepeŋa wəraŋ, daana bə hate kaŋa diiriŋ.

HEBEREŊ 10:36

Aŋ kir ji kaa gə minti isi ŋəŋ ku kela bə de ku karman bə minti giidə Pepeŋ bəluŋ wəra. Bədoona ana ta, aŋ fele kar gə minti wə a waatənaŋ simiy wəraŋ gəm.

HEBEREŊ 12:1

Bədoona ana, kaa teŋ gila keɗe gə minti jəŋ bərdə kəkəy cəərə de neeteŋa, yə wəra bə ɓəkə-ɓiki cəərə áŋ cẽẽ tə pə moŋ, áŋ raytə kar kə eele gə sar áŋ la wəra keɗe, bə fi taraŋ də minti áŋ kir fəərəŋ tat-tatiŋ bay dere hor. Kar kə eeleŋ daŋgeŋ haa baymele bə minti larkete sar áŋa bay gəəli anə faɗ-faɗi.

HEBEREŊ 13:13

Bədoona ana ta, áŋ vaa da warda bə ɗe warna sar Yeesu na taakaw na, daana áŋ doo haa la minti kaŋ hagə la də áŋ baahãy damdi yə hagaŋ duuru baahãy ana gəm.

HEBEREŊ 6:10

Gud maa mo Pepeŋ paapa gula ba. Cuuru paapa bə gaa-ge joŋre nəəti bə minti aŋ bə jəw duŋ daana minti aŋ bə bəluŋ ba. Wə bə asə-ase haa cəərə keye bə minti aŋ a kaytaŋ kaa nuutuŋ daana aŋ kəm bə kəyəya hebkəna paŋ.

HEBEREŊ 6:12

Aŋ a arse wəra a kəkəya ba. Aŋ haa la haa kel kə kaayaŋ gə minti doŋ gud Pepeŋa daana məətəŋ ku kelaŋ ɗaw. Kaa teŋ fele kar gə minti Pepeŋ a wəətənəy səməy wəra a niiniŋ.

HEBEREŊ 6:15

Abraham məŋ kel teŋ duru ɗəl, kəya wə bə fəlaŋ karman bə minti Pepeŋ a wəətunu səmu wəra a nuunuŋ.

II PIYER 1:6

Də ase bə Pepeŋ, aŋ gaa ame bə kusrəŋ la ku. Də ame bə kusrəŋ, aŋ gaa mi bə ku gəəliŋ la ku. Də miŋ, aŋ gaa aye bə kusrəŋ wəra keɗe a Pepeŋ la ku.

VEƊE 1:9

Kəna ten seeneŋ Zaŋ. Gud tapi náŋa də Yeesuŋ, ten haa kumsəŋ bə minti giidə *Kumna kə Pepeŋa gəm, ten bə se gəəliŋa daana ten bə mi ku damdi aŋ ana gəm. Yə gaanan warna cəərə ajomga də Patmosi na haa gud bə minti ten a waataŋ kel kə Pepeŋ wəra daana kel gə minti Yeesu a jəŋ bar kəkəy ciiriŋ wəra a kaŋ.

VEƊE 3:10

Aŋ doŋ kel nin də mi bə ku gəəliŋ tə bə moŋ, ten də kusrən, ten goloŋ cəərəŋ yaŋ də ko bə gəəli bə minti bə tuuki yaŋ cəərə kaŋa keɗe bə guluy kuɗiŋ.