VEƊE 2:2 - JAA TƏMARWAŊ

² Ten bə asə-ase joŋre nəətiŋ, bande nəətiŋ, də mi bə ku gəəli nəətiŋ. Wəra də dərən minti aŋ paapa gə doo-de haa bə hale kaa kə sərkəŋ aduubə dəŋa ba. Kaa gə minti ji kusri minti té *kaa kə vaa-veŋ, aŋ gulnuy kuɗiy wəra, aŋ əsnəy wəra minti yə kaa kə ŋete kel.

VEƊE 2:2 Iomraidhean Croise

MATIYE 7:23

Səma ten bə wəətəy yaŋ wəra anə kaŋkaŋ minti: ‹Aŋ a jəŋ də dərən hõy ane mo? Aŋ zee la warna sarən na, aŋ kaa gə minti jəəti baymeleŋ!›»

Kel pəsaŋ kəmarwaŋ gə minti Zaŋ jiiriniy 6:6

Yeesu waataŋ kel teŋ haa bə gole koɗ Filipi. Karman bə minti tó Yeesu bə jəw wəra də duru ajew ɗaw.

GALATIŊ 1:7

A gəəziŋa ha'aŋ, Kel pəsaŋ kəmarwaŋ gaalaŋ pa pəda. Səma sərdə kaa yaŋ bə ɓalkaŋ ɗiki dəŋa daana yə golde haa minti té kole Kel pəsaŋ kəmarwaŋ gə minti bə waate sam Kristuŋ, karman baalaŋ.

EFESIŊ 4:14

Bədoona kəya tə bə moŋ, áŋ bə ji paapa damdi kəmar koncoŋ kəman gə minti bə halye dər gidiirə hate hãy-hãyiŋa ana pəda. Gud maa mo yə damdi kətartawaŋ gə minti bə halye dər kan gə acceŋa minti kaŋkaw bə təkəyaŋ ana. Aye hate toŋ haa kaa gə minti ji kaŋ də tiwki bə ɗe a vay wəra dər kel kə ləŋəya.

1 TESALONIKIŊ 1:3

Bədoona ana, a tooseŋa tiinə Pep Bar áŋaŋ, are bə ɗiki cəərə joŋre bə minti aŋ bə jəwa gud de nəəti bə gud Yeesu Kristuŋ, cəərə bele nəəti bə minti ji joŋre, daana cəərə mele bə ɗiki bə minti aŋ məlnu wəra anə kaŋkaŋ bə mi Barkaŋ náŋ Yeesu Kristuŋ.

1 TESALONIKIŊ 5:21

Səma aŋ golə dər kar la keɗe, aŋ doo pəsaŋ di la.

II TIMOTE 2:19

Səma kel gə gəəzi kə Pepeŋ teŋ kole ba. Yə damdi gud kuli bə minti Pepeŋ gəənu tó də kusru ana, wə daɓye ba. Gud kuli toŋ wəra bə jeerə-jeere cuuru minti: «Barkaŋ ha'aŋ kaa nuutuŋ də duru», daana pa minti: «Hulum bə minti waataŋ ne wəra də ku minti tó kəna kə Barkaŋ, wə yaakə ji bə baymeleŋ la».

HEBEREŊ 6:10

Gud maa mo Pepeŋ paapa gula ba. Cuuru paapa bə gaa-ge joŋre nəəti bə minti aŋ bə jəw duŋ daana minti aŋ bə bəluŋ ba. Wə bə asə-ase haa cəərə keye bə minti aŋ a kaytaŋ kaa nuutuŋ daana aŋ kəm bə kəyəya hebkəna paŋ.

I ZAŊ 4:1

Aŋ gə minti giidən bəlaŋ ablaw, aŋ a tope haa gud kaa gə minti waate minti Tiirə Pepeŋ giidə teŋ anə cəlam-cəlam faɗi ba. Səma aŋ guluy kuɗiy la wəra kəm, bə ase minti diiri haa nuutu Tiirə Pepeŋ gəəzi mo, paapa mo. Ten waataŋ bədoona haa gud bə minti *kaa gə jogte ku mini ablaw gə ceme teteŋ yaŋ wəra gə duusə-duusi giidə seŋkaŋa.

VEƊE 2:5

Aŋ ləŋaŋ haa a ko muntu moŋ, aŋ harə la bə ɗiki cuuru. Aŋ kolə kerkeŋ la a baymele nəətiŋ. Joŋre bə minti aŋ a jəŋ bə jəwa ajew, aŋ harə la bə jəwa. Aŋ doŋ haa ne bə kole kerkeŋ a baymele nəətiŋ baŋ, ten bi yaŋ a he lampa nəətiŋ wəra a ko bə minti a də malə-mele adaŋ.

VEƊE 2:6

Səma ten bə aŋkəŋa agal ha'aŋa gəm: aŋ məlaŋ dər joŋre kə kaa kə Nikolaŋ wəra, damdi ten a məlnu duru wəraŋ ana gəm.

VEƊE 2:9

Ten bə asə-ase gəəli daana caaca nəətiŋ (səma a gəəziŋa ha'aŋ, aŋ kaa kə hurma). Wəra də dərəŋ minti kaa kəman yaŋ bə waataŋ səmaŋa baymele, kaa teŋ bə ufi kuya minti té kaanə Ziwifi, anaaŋa paapa, yə haa kaa kə tapə-tepe ciiri kə *Sataŋ.

VEƊE 3:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Sardəŋaŋ minti: ‹Hulum bə Tiiru Seeɗa'a kə Pepeŋ, də seska seeɗa'aŋ kəəsuŋ bə waataŋa minti: Joŋre nəətiŋ də dərən, kaa ablaw bə ɗiki cəərəŋa haa minti aŋ dədərgə zugi, ana doloy ha'aŋ, aŋ wəra gə mee-me.

VEƊE 3:15

Joŋre nəətiŋ də dərən, minti aŋ paapa də cəwa ba, aŋ paapa gə arsə-arse bə gəm. Aŋ a jəə la də cəwa, kumundu ba gə arsə-arseŋ, a haa marya ɗaw!

VEƊE 3:8

Joŋre nəəti də dərən. Golə la, ten yaakənaŋ ku kuliŋ wəra bə bəŋə-biŋi tiiniŋa, hulum baalaŋ neke bə gisu ba. Wəra də dərən minti səɓaki dəŋ də kerpə-kerpe, də teŋ keɗe aŋ doŋ kel katən, aŋ maltaŋ kuŋ cəərəna ba.