VEƊE 2:10 - JAA TƏMARWAŊ

¹⁰ Aŋ a ji walka kas lasi də minti aŋ bə saara yaŋ palpal ba. Golə la, Nərtitiŋ bə feke sərdəŋ yaŋ a daŋgaya bə goloŋ koɗoŋ, aŋ bə se lasi yaŋ kir hiti hori. Aŋ əsə la ɓeti jəəne nuutu minti yə awaŋ, kəya ten ayaŋ werke bə bulum yaŋ, werke toŋ haa dədərgəŋ.

VEƊE 2:10 Iomraidhean Croise

MATIYE 10:22

Kaŋ keɗe bə məlaŋ dərəŋ yaŋ wəra gud səmana. Səma hulum bə minti əsəŋ ne ŋəŋ ku kel teŋa hãã a me duŋ, wə seere yaŋ wəra.

MATIYE 10:28

Aŋ a ji walka kasi kaa gə minti awaŋ kusrəŋ wəra təwa, anaaŋa yə paapa gə nakə-neke bə awaŋ tiirəŋ baŋ ba. Aŋ jəə walka la ɗaw haa kasi Pep bə minti wəra bə nakə-neke bə awaŋ kusrəŋ wəra də tiirəŋ keɗe daana bə vay dər cəwaŋaŋ.

MATIYE 24:13

Səma hulum bə minti əsəŋ ne ŋəŋ ku kel teŋa hãã a me duŋ, wə seere yaŋ wəra.

MARKƏ 13:13

Kaŋ keɗe bə məlaŋ dərəŋ yaŋ wəra gud səmana. Səma hulum bə minti əsəŋ ne ŋəŋ ku kel teŋa hãã a me duŋ, wə seere yaŋ wəra.»

MARKƏ 8:35

Gud maa mo hulum bə minti bele anə ɗaaməna minti tó jəə la caw saksakiŋ, wə bese dədərgə du wəra haa bese ɗaw. Səma hulum bə minti bəsaŋ dədərgə du ne wəra gud kel dəna daana gud *Kel pəsaŋ kəmarwaŋa, wə seereŋ dədərgə du wəra haa seere faɗi.

LIKI 21:12

Səma, ajew də kar teŋa keɗeŋ, yə topoŋ yaŋ, yə ləsaŋ yaŋ, yə bə taɗtaŋ yaŋ warna ku kəətiŋ na giidə *kuli bə toose kə kaanə Ziwifiŋ na, yə fəkaŋ yaŋ a daŋgaya, yə ɗe yaŋ dəərəŋ tiinə kaa kə dəməəməŋ na, keɗe haa gud səmana.

Kel pəsaŋ kəmarwaŋ gə minti Zaŋ jiiriniy 12:25

Hulum bə minti bele dədərgə du də adawra təwaŋ, wə basa wəra haa bese ɗaw. Səma hulum bə minti paapa bə bele dədərgə du də adawra təwa baŋ, wə ji yaŋ caw a dədərgə də bay teweŋa gəm.

Kel pəsaŋ kəmarwaŋ gə minti Zaŋ jiiriniy 13:2

Yeesu də kaa gə guuduŋ a jəŋ bə hame. Nərtitiŋ a koloŋ ɗiki bə baymele ku tarmə Zudasi kormə Simoŋ Iskariyotiŋa minti wə malə gud Yeesu la wəra.

Kel pəsaŋ kəmarwaŋ gə minti Zaŋ jiiriniy 13:27

Zudasi doŋ mappaŋ anəkay, *Sataŋ vaŋ cuuru faɗi gəm. Yeesu əsəŋ bə wəətu minti: «Karman bə minti tam sə a jəw, jəw la cəlam faɗi.»

JOŊRE 20:24

Katən ha'aŋ, ten jəŋ ne caw, ten jəŋ nuutu caw ba, ɗamnan ba. Kel gə ɗəman, haa gə minti ten jəə la bə əsə-isi ŋəŋ a ɗe katəna hãã a me dəna, joŋre bə minti Barkaŋ aynan dən kaasəna, ten ɗe duuru hãã bə ɗe a məlu wəra a kuɗuŋa gəm. Joŋre toŋ haa waate bə *Kel pəsaŋ kəmarwaŋ wəra cəərə pisi bə minti Pepeŋ bə jəwa sar kaŋaŋ.

JOŊRE 21:13

Səma wə haraŋ kel a are minti: «Aŋ a haran ɗiki dən adoro də hage nəəti toŋ ba. Ten toŋ ha'aŋ, ten wəra bə ɗampə-ɗampe cəərə ənti tó bə Zeruzalema. Səma, yə bəlaŋ ne nuutu minti té awan gud kel kə sam Barkaŋ Yeesuŋaŋ, ten hay kuy bə gəm.»

I KOREŊTƏŊ 9:25

Hulum bə fi tara mundu mundu mo jeŋe kusru ha'aŋ, paapa boomə-boome ba. Yə jeŋe kusri ha'aŋ gud werke bə bulum kəman bə minti ɓalke wəra ɗaw. Áŋ jeŋe kusrə áŋ ɗaw ha'aŋ, gud werke bə bulum bə minti ɓalke hõy baŋ gadi faɗi.

EFESIŊ 2:2

Aŋ a jəŋ ateŋa toŋ ha'aŋ, ɗe dəŋ a haa anə derra damdi kə kaa gə cəərə seŋkaŋ ana faɗi. Aŋ a jəŋ bə ɗe haa gud kumna kə kəwala. Tiiru taŋ ha'aŋ, ji joŋreŋ hebkəna giidə kaa gə minti paapa bə de ku Pepeŋa baŋ haa tá.

EFESIŊ 6:12

Gud maa mo, duuri náŋ paapa də kaa kəsarkaŋ ba, duuri náŋ haa də kəkamna gə apəyaŋ, kar kə səɓakiŋ, kəmnə də ko bə tilməŋ daana kəwal gə minti dər ko bə apəyaŋaŋ keɗe.

ZAKI 1:12

Waaleŋ kə hulum bə minti bə əsə-isi ŋəŋ dər gəəliŋaŋ. Gud maa mo, gəəli bə gulu kuɗuŋ təwaŋ ne wəraŋ, wə fele dədərgə də bay teweŋ yaŋ. Haa werke bə gud bulum bə minti Pepeŋ a wəətunu səmu wəra kaŋkaŋ a kaa gə minti bə bəluŋ.

I PIYER 5:4

Yə jəəne bə ji bədoonaŋ, werke bə bay tewe bə minti dəŋaŋ kumsuŋ wəra keɗeŋ, yə bə fəlu yaŋ dər hi bə minti Kumna bə kaa kə ameŋ veɗe kusru yaŋ wəraŋ.

I PIYER 5:8

Aŋ jəə la wəra gə ɗampə-ɗampe saksaki, aŋ amə kusrəŋ la pisi. Nərtitiŋ, hulum bə acukur nəətiŋ, bə ɓəkti agəjaŋ dəŋa, bə golde huluma bə ɓəlku wəra damdi googoŋ hage bə golde karman bə liki ana.

VEƊE 13:14

Wə lenteŋ kaa gə cəərə seŋkaŋ wəra də miɗi bə minti wə nəkaŋ bə jəw də dər bege bə ajew. Bege tó bə ɓasiŋ haŋ gud kaŋ minti yə ɗampə karman la damdi bege bə ajew ana bə əyu tokɗeŋ. Bege toŋ, yə a ŋiinu də caafay, wə haraŋ wəra dədərgə.

VEƊE 13:2

Bege toŋ haŋ kiiriw ana dege'-dege'i, kəmpuru kəmtəŋ də kaaɗe ana simik-simik, gilirgu kempeleŋ ana sĩĩt-sĩĩt gəm, ku damdi ku googoŋ ana. Kəya dəragoŋ boblo əynu səɓaki nuutuŋ, jaaŋa nuutu də kumnaŋ, abay nuutu həmhəmaŋ gəm.

VEƊE 13:7

Yə əynu kəkəy minti wə duurə kaa kə Pepeŋ la daana wə pəə bulum la ciiri. Yə ayaŋ səɓaki də cəərə kaasaw də kaŋ, gidiirə kaŋ, ku kaŋ, daana gidiirə seŋkaŋ keɗe kəəsu.

VEƊE 17:14

Bege bə waraŋ də kəkamna horiŋ duuri Kormə Taaməkaŋ yaŋ. Kormə Taaməkaŋ bə pi bulum yaŋ ciiri gud maa mo wə haa Barkaŋ kə kəmnə də kaŋ keɗe, wə haa Kumna kə kəkamnaŋ. Kaa gə minti Pepeŋ məntənəy, gə minti wə a ŋəmtənəy daana kaa ɓetiŋ bə pi bulum yaŋ duuru keɗe.»

VEƊE 2:13

Vil də minti aŋ gə əsə-isi adaŋ yaŋ nuutu də dərən, haa vil də minti *Sataŋ də əsə-isi kumna ada gəm. Səma aŋ əsəŋ ŋəŋ gə tapə-tepe dəərən, aŋ maltaŋ kuŋ cəərə de nəəti bə guudən ba, koo nuutu bə minti yə awaŋ Antipasi, bərdə kəkəy katən ɓetiŋ wəra gerdəŋa, a ko bə minti Sataŋ də əsə-isi kumna adaŋ.

VEƊE 2:9

Ten bə asə-ase gəəli daana caaca nəətiŋ (səma a gəəziŋa ha'aŋ, aŋ kaa kə hurma). Wəra də dərəŋ minti kaa kəman yaŋ bə waataŋ səmaŋa baymele, kaa teŋ bə ufi kuya minti té kaanə Ziwifi, anaaŋa paapa, yə haa kaa kə tapə-tepe ciiri kə *Sataŋ.