VEƊE 2:1 - JAA TƏMARWAŊ

¹ «Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Efesiŋaŋ minti: ‹Hulum bə minti seska seeɗa'aŋ a kəəsu kemeraŋ, bə minti bə gəryi aduubə də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, bə waataŋa minti:

VEƊE 2:1 Iomraidhean Croise

MATIYE 18:20

Gud maa mo, kaa kəman təpaŋ ciiri ne ɓasi mo, soope mo, a ko kəmana gud səmanaŋ, ten ji yaŋ aduubə di faɗi gəm.»

MATIYE 28:20

aŋ hətəy la minti yə doo kel gə minti ten a waatənaŋ ciiri la wəra keɗe'i. Aŋ asə la faɗi minti ten də kusrən, ten yaŋ dəərəŋ a hitiŋa saksaki hãã a tewe bə koŋa.»

Kel pəsaŋ kəmarwaŋ gə minti Zaŋ jiiriniy 5:35

Zaŋ a jəŋ haa damdi lampa də minti yə do'a bə wele koŋ wəraŋ ana. Aŋ doŋ haa bə ji waale dər pəɗaki taŋa dər ko anə ga'i bagŋ.

JOŊRE 18:19

Kəya yə ɗeŋ a tuli warna Efesi na. A ko toŋa anə Pol ɓarsaŋ də Pirsil daana Akilasiŋ. Kəya Pol kooroŋ giidə kuli bə toose kə kaanə Ziwifiŋ bə ɗe a nele diiri cəərə kel kə Pepeŋa.

JOŊRE 18:21

A kəkəy bə kooreŋa, wə wəətənəy kəm nuutu minti: «Pepeŋ aynan kəkəy neŋ, ten hare yaŋ da hõy bə bi a helɗeŋ kəm pa.» Kəya wə luŋ giidə turtiŋa Efesi,

JOŊRE 19:1

Bə minti Apolo giidə vil də Koreŋtəŋaŋ, Pol cakɗaŋ seŋka də minti aŋ falte pərkiŋ ada giidə Azi Cəncəŋa, wə ɗeŋ a tuli Efesi. A ko toŋa ta, wə fəlaŋ sərdə kaa kə doo-de ada.

II KOREŊTƏŊ 6:16

Kuli kə Pepeŋ də kar gə minti kaŋ guluy pepe neeteŋ, yə ji a ko bə məna naanaanə mo? Gud maa mo, áŋ də kusrə áŋ haa kuli kə Pep bə dədərgəŋ faɗi, damdi wə a waataŋ warda ana minti: «Ten isi yaŋ aduubə di, ten ɗe yaŋ aduubə di gəm. Ten bə ji yaŋ Pep neeteŋ, yə bə ji yaŋ kaa katən gəm.»

VEƊE 1:16

Seska a kəəsu kemera seeɗa. Caafay də kəsnə ɓasa gə kaa-ke kəlaŋ warda ku da. Tiinu welɗe damdi cəwa də daaway ɗeker-keraŋ ana.

VEƊE 1:20

Seska seeɗa'a tá də minti tam a asna a kaasən kemeraŋ, də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, gud kel di gə metə-meteŋ haa minti: seska seeɗa'aŋ haa *kaa gə digi kə Pepeŋ gə minti bə gole cəərə kaa kə Tapi gə giidə vil seeɗa'aŋaŋ. Lampa seeɗa'aŋ haa Tapi taŋ faɗi gəm.»

VEƊE 12:1

Kəya kel kəmtəŋ kəman gə ŋili kaŋ vəɗaŋ warda apəy da. Kel teŋ haa həlgə kəman də darə-dere cəwa də wele koŋ sara, kampara gə maltə-malte cəərə kitira, kaŋkəlaŋ gə kumnaŋ gə ɗampə-ɗampe də seska hor cəərə ɓasi gə malə-mele cəərə.

VEƊE 2:12

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Pergamaŋ minti: ‹Hulum bə caafay də kəsnə ɓasa gə kaa-keŋ bə waataŋa minti:

VEƊE 2:18

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Tiyatiraŋ minti: ‹Kormə Pepeŋ bə minti duru də goleŋ damdi kəsəlɗə cəwaŋ ana, kəmpuru welɗe damdi kooso pisi bə yoorə-yooreŋ ana, bə waataŋa minti:

VEƊE 2:8

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Simirnəŋaŋ minti: ‹Hulum bə ajew, hulum bə adoroŋ, bə minti a meŋ wəra daana haraŋ wəra dədərgəŋ, bə waataŋa minti:

VEƊE 3:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Sardəŋaŋ minti: ‹Hulum bə Tiiru Seeɗa'a kə Pepeŋ, də seska seeɗa'aŋ kəəsuŋ bə waataŋa minti: Joŋre nəətiŋ də dərən, kaa ablaw bə ɗiki cəərəŋa haa minti aŋ dədərgə zugi, ana doloy ha'aŋ, aŋ wəra gə mee-me.

VEƊE 3:14

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Lawdiseŋaŋ minti: ‹Hulum bə minti yə məntu *Amen, Bar kəkəy ɓeti daana bə gəəzə-gəəziŋ, hulum bə minti Pepeŋ jəŋ kar keɗe duuruŋ, bə waataŋa minti:

VEƊE 3:7

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Filadelfiŋaŋ minti: ‹Hulum Cetcetiŋ, hulum bə Gəəzə-gəəziŋ, hulum bə minti lakəle bə ku kuli kə kumna *Davidiŋ kəəsuŋ, hulum bə minti wə bəŋəŋ ku kuli neŋ, hulum baalaŋ neke bə gisu ba; wə gisnu neŋ, hulum baalaŋ neke bə buŋu bə gəm, bə waataŋa minti: