VEƊE 18:3 - JAA TƏMARWAŊ

³ Gud maa mo gidiirə kaŋ keɗe saŋ kumuy naataŋ. Kumuy bə waŋ toŋ haa dəglə naata də raawə-raawe hasaŋ. Kəkamna gə cəərə seŋkaŋ jəŋ piwpiw dəərə. Kaa kə celeere gə cəərə seŋkaŋ koloŋ kusri wəra də hurma gud həryəm də kar pəsaŋ naata gə səɓak-səɓakiŋa.»

VEƊE 18:3 Iomraidhean Croise

LIKI 7:25

Jəəne paapaŋ, aŋ ɗeŋ a gole haa maa mo? Hulum bə ganə-gene də dəməəmə pasa mo? Səma kaa kə hurma gə minti gə ganə-gene də dəməəmə pasaŋ, teŋ ger kəkamnaŋa.

I TIMOTE 5:11

Səma, kəram gə bay gə minti teŋ kəm gawnaŋ, a jiiriy səməy giidə kefter bə sam kəram gə baya ba. Gud maa mo, kusri əsəŋ ne bə ləydəyaŋ, yə kole kirki a Kristu, yə hare də tolka də tope kaŋkar.

VEƊE 14:8

Hulum bə digi bə ɓasiŋ bəŋ adordə naayaw tó bə ajew da. Wə minti: «Babilon, vil mootoŋ awaŋ ne wəra adawra, a awaŋ ne wəra. Gud maa mo gidiirə kaŋ keɗe saŋ kumuy naata. Kumuy bə waŋ toŋ haa dəglə naata də raawə-raawe hasi.»

VEƊE 17:2

Kəkamna gə cəərə seŋkaŋ jəətəŋ piwpiw dəərə. Kaa gə cəərə seŋkaŋ markaŋ wəra kas jəəti bə piwpiwaŋ də maswaŋ damdi kaŋ markete wəra kas kumuy ana.»

VEƊE 18:19

Yə kaŋ godor ciiri, yə hagaŋ, yə laawaŋ bə naakte kuya minti: «Toŋ haa gəəli maa bədoona day mo? Vil mooto də minti koloŋ kaa gə minti a jəŋ də kətartaw kəmtəŋ kəəsi bə hoɗe cəərə kan kəmtəŋaŋ wəra də hurma kas bege bə giidəŋ, dər lera ɗaaməna anəkay faɗi, kar naata teŋ gila keɗe bəsaŋ wəra!»

VEƊE 18:23

Lampaŋ wele ko wəra gerda hõy pəda. Kaa gə minti tope kəram kəmarwaŋ, hulum iskiy səməy hõy gerda pəda gəm. Kəəti toŋ gila keɗe bə bi cəərə haa gud bə minti kaa kə celeere naataŋ a jəŋ haa kaa kə samsam, daana kaa kə zal naataŋ a kaŋ ku gidiirə kaŋ wəra keɗe minti yə tapə la gud té.

VEƊE 18:7

Həlgə tá də minti hagaŋ sam kusrə ablaw daana jəŋ wəra anə fənay-fənay dər kar pəsaŋa keɗe, aŋ lasə la, aŋ kolə la laawe damdi a jəŋ kaa kaayaŋ teŋ ana gəm. A waataŋ kusrə minti: ‹Ten haa kumnaŋ, ten paapa həlgə də dibirgini ba. Kel kə hame bə godor awe hõy cəərəna ba.›

VEƊE 18:9

Kəkamna gə cəərə seŋkaŋ gə minti təpaŋ dəərə bə ji piwpiwa daana bə hame kar pəsaŋ-pəsaŋ gə deŋe kumsiŋaŋ, yə bə hage yaŋ, yə bə laawe yaŋ gud kel də a ko bə minti yə asaŋ kese bə cəwa ne bə ki vil taŋaŋ.