VEƊE 17:3 - JAA TƏMARWAŊ

³ Kəya Tiiru Cetcetaŋ vaŋ cəərəna, hulum bə digiŋ kooroŋ warna dəərən a ful na faɗi. Kəya ten asaŋ həlgəŋ də luu-li cəərə bege bə waraŋa bə minti kəəli anə jəŋ-jəŋ. Sam bə sarte sam Pepeŋ wəra bə jeerə-jeere suru ɓəəka keɗe. Cuuru seeɗa, gəw du hor gəm.

VEƊE 17:3 Iomraidhean Croise

MATIYE 27:28

Kəya yə puunu dəməəmə nuutuŋ wəra, yə dərnu dəməəmə hərlə suru.

JOŊRE 8:39

Də ko bə minti yə luŋ warda anəkay dər kan daŋ, Tiiru kə Barkaŋ həənu warna anə waw faɗi! Hulum bə Etiyopiŋ əsnu pəda. Kəya wə raawaŋ a kəkəy nuutuŋa ku tərmuyu wəra də waale fənay-fənay.

II TESALONIKIŊ 2:4

Wə jeme acukur yaŋ wəra də kar gə minti kaŋ kay awalnaŋ, jəə la nuutu Pepeŋ, jəə la nuutu maa toŋ. Wə he cəərə kusru yaŋ apəya minti tó dəŋaŋ kar teŋ keɗe. Gə deŋe teŋ haa bə minti wə ɗe yaŋ a isi cin giidə *Kuli kə Pepeŋ kəm pə ɗaw. Wə waate yaŋ pa minti tó kəna Pepeŋ də kusru gadi faɗi.

VEƊE 1:10

Dər hi bə faake kə Barkaŋaŋ, Tiiru Cetcetaŋ tuluŋ cəərəna. Kəya ten əskəŋ dordə karman kəman bə hage da kerkən da anə koloŋ damdi atoltoma ana

VEƊE 12:14

Kəya yə ayaŋ gəraŋ də marla boblo a həlgəŋ ɓasi minti a faa la wəra tooto sar waŋ kə dəragoŋa bə ɗe warna a ful na a ko bə minti yə a ɗəmpunu a nəənə minti yə aya hameŋ la ada kir laate soope də nusiŋ.

VEƊE 12:3

Kəya kel kəmtəŋ kəman gə ŋili kaa vəɗaŋ apəy da pa. Kel teŋ haa dəragoŋ kəman hərlə, a mooto anə wiriktiki. Cəərə seeɗa, gaw də hori, karmə kaŋkəlaŋ gə kumnaŋ gə maltə-malte wəra cəərə məna-məna seeɗa keɗe.

VEƊE 12:6

Kəya həlgəŋ gədaŋ warna a ful na, a ko bə minti Pepeŋ a ɗəmpunu a nəənə minti yə aya hameŋ la ada kir hiti 1.260.

VEƊE 17:18

Həlgə də minti tam a asna kənaŋ, haa vil mooto də minti də əsə-isi cəərə kəkamna gə cəərə seŋkaŋaŋ keɗe.»

VEƊE 17:4

Həlgəŋ də dəməəmə hərlə pas-pasa sara. Gidiirə ataara pas-pasa də gusi awəy-awəy sara keɗe. Taasa bə kooso bə gusi awəy-awəy kaasa kay də kumuy bə atələələma giidu. Kumuy toŋ veɗe haa joŋre naata bə baymele daana piwpiw bə maswaŋ naataŋ.

VEƊE 18:12

Kar gə celeere teŋ haa anə kooso bə gusi awəy-awəy, kooso bə minti haŋ dornoŋ, gidiirə ataara daalaŋ-daalaŋ. Gidiirə dəməəməŋ ada gəm: sərdə pasa fəfet-fəfetaŋ, sərdə hərlə də gusi awəy-awəy. Anə kəbaŋ gə fele gəəliŋ, kar gə minti yə ɗəmpənəy də kəsnə baaŋaŋ, kəbaŋ pəsaŋ-pəsaŋ, koosoŋ, kooso pis-pisiŋ, daana pərki pisiŋ ada gəm.

VEƊE 18:16

minti: «Toŋ haa gəəli maa bədoona day mo? Vil mooto də minti dəməəmə pasa fəfet-fəfetaŋ, dəməəmə hərlə pasa də gusi awəy-awəy də ataara pəsaŋ, də kooso bə gusi awəy-awəy də sərdə pərki pis-pisiŋ a jəŋ sara,

VEƊE 21:10

Kəya Tiiru Cetcetaŋ vaŋ cəərəna, hulum bə digiŋ kooroŋ warna dəərən a lewlew də pərki na anə tooto. Wə gaanan dərən cəərə Zeruzalema, vil kə Pepeŋ də minti bə ve da warda apəy da sar Pepeŋ da.

VEƊE 4:2

A ko toŋa kəya faɗi, Tiiru Cetcetaŋ vaŋ cəərəna, kəya ten asaŋ jaaŋa də kumna ta'i apəy na, hulum bə əsə-isi cəərə cin.