VEƊE 16:5 - JAA TƏMARWAŊ

⁵ Kəya ten əskəŋ hulum bə digi bə minti səɓaki də cəərə kan kəəsuŋ bə waate minti: «Tam haa Pep Cetcetiŋ, Pep ɗekeriŋ, tam haa hulum bə minti a jəŋ caw daana hebkəna caw paŋ. Kəəti bə minti tam jəmnuŋ ha'aŋ, wə akəsa.

VEƊE 16:5 Iomraidhean Croise

Kel pəsaŋ kəmarwaŋ gə minti Zaŋ jiiriniy 17:25

Aba ɗekeriŋ, kaa gə cəərə seŋkaŋ asnam hõy ba, səma ten toŋ ha'aŋ, tam də dərən, wəra də dər kaa gə guudən gəm minti tam gaanan da.

ROMEŊ 2:5

Gud tete nəmtiŋa daana minti tam bele ke kum wəra cəərə baymele nəmtiŋa baŋ, tam bə ɗampe cəərəma haa daŋgay mooto-mooto də minti ɗe a jəm yaŋ dər hi bə minti Pepeŋ ge gud waŋ nuutuŋ yaŋ wəraŋ, daana wə jeme kəəti də kaŋ yaŋ a kuɗuŋa faɗiŋ.

ROMEŊ 3:5

Hebkəna ten waate kel haa də aŋar də ɗiki bə minti cəərə kaŋaŋ. Yə waataŋ ne minti baymele bə minti áŋ bə jəwaŋ keye bə ge gud ɗeker kə Pepeŋ wəra pəɗaki a kaŋ, áŋ neke bə waate minti harmə mo? Haa minti Pepeŋ paapa ɗeker ba bə minti wə kole waŋ daana wə ji daŋgay də áŋ mo?

VEƊE 1:4

Jeere kefter toŋ a kaa kə Tapi gə giidə vil seeɗa'a də Aziŋ, haa ten Zaŋ. Pisiŋ də kəkaɓiŋ kə Pep bə minti a jəŋ caw, hebkəna caw, daana bə bi yaŋ caw gəm jəə la cəərəŋa. Pisiŋ də kəkaɓiŋ kə Tiiru Seeɗa'aŋ də minti də əsə-isi tiinə jaaŋa də kumnaŋaŋ jəə la cəərəŋa. Pisiŋ də kəkaɓiŋ kə Yeesu Kristu, bar kəkəy ɓetiŋ, hulum bə minti haraŋ wəra ajew dədərgə adordə meŋaŋ, kumna kə kəkamna gə cəərə seŋkaŋ, jəə la cəərəŋa. Yeesu haa hulum bə minti bəlaŋ áŋ, wə bədəŋ áŋ wəra ku baymele náŋa də kor du.

VEƊE 1:8

Barkaŋ Pepeŋ minti: «Ten haa Alfa, ten haa Omega. Ten haa hulum bə minti a jəŋ caw, ten hebkəna caw, ten bə bi yaŋ caw gəm, ten haa Bar Səɓakiŋ.»

VEƊE 11:17

«Barkaŋ Pepeŋ, Bar Səɓakiŋ, tam bə minti a jəŋ caw, bə minti hebkəna caw, are jəm suuse gud bə minti tam jəŋ joŋreŋ də səɓaki nəmti həmhəmaŋ, tam əsəŋ bə hame kumna nəmtiŋa.

VEƊE 16:4

Hulum bə digi bə soopeŋ pukuŋ karman bə giidə taasa nuutuŋ dər paaŋeŋ na, daana dər ko bə minti kan ãyte adaŋ, kan koloŋ wəra kor faɗi gəm.

VEƊE 16:7

Kəya ten əskəŋ dordə karman kəman bə waate da a *ko bə jəəti keereŋa a Pepeŋ minti: «Gəəzi, Barkaŋ Pepeŋ, Bar Səɓakiŋ, jeme bə kəəti nəmtiŋ ɗeker daana wə bə tapə-tepe də gəəziŋ.»

VEƊE 19:2

Gud maa mo kəəti nuutuŋ keɗe ɗeker, daana bə tapə-tepe də gəəziŋ. Wə jəmaŋ kəəti də maswaŋ mooto də minti ləŋaŋ kaa gə cəərə seŋkaŋ wəra də piwpiw naataŋ, Kaa kə joŋre nuutu gə minti a a əwnəy wəra, wə gaŋ abal neeteŋ wəra dəərə.»

VEƊE 4:8

Kar té waaɗe'iŋ, mundu mundu mo də gəraŋ kənki, də dər wəra sar gəraŋ di keɗe, agal akera, agal taakawa gəm. Yə ge gudul saksaki, daaway də duugŋ keɗe minti: «*Cetcetiŋ, Cetcetiŋ, Cetcetiŋ, haa Barkaŋ Pepeŋ, Bar Səɓakiŋ, wə a jəŋ caw, wə hebkəna caw, wə bə bi yaŋ caw.»

VEƊE 6:10

Kəya yə bə naakte kuya minti: «Kumnaŋ, Hulum Cetcetiŋ, Hulum bə Gəəzə-gəəziŋ, tam mi kəm hãã koŋ kotnə mo minti tam jeme kəəti də kaa gə cəərə seŋkaŋ daana tam ge acukur də are gə mee-meŋ?»