VEƊE 16:10 - JAA TƏMARWAŊ

¹⁰ Hulum bə digi bə wiiɗiw pukuŋ karman bə giidə taasa nuutuŋ cəərə jaaŋa kə bege bə waraŋa. Kəya ko bə minti begeŋ bə əsə-isi cuuru kumnaŋ, kəlaŋ dər tilməŋa yum faɗi. Kaŋ əsəŋ bə hiti kisilɗi faɗi kas ɗemeŋ.

VEƊE 16:10 Iomraidhean Croise

MATIYE 13:42

Kaa kə digiŋ vay yaŋ wəra dər cəwa də kuu-ki ŋilikiŋa. A ko toŋa ha'aŋ, yə herɗe kisni yaŋ, yə hage yaŋ ada kasi gəəliŋ.

MATIYE 13:50

Yə ve kaa kə sərkəŋ yaŋ dər cəwa də kuu-ki ŋilikiŋa. A ko toŋa ha'aŋ, yə herɗe kisni yaŋ, yə hage yaŋ ada kasi gəəliŋ.»

MATIYE 22:13

Kəya kumnaŋ waataŋ kaa kə joŋre nuutuŋ minti: ‹Aŋ daw la, aŋ untu kəmpuru la də kəəsu, aŋ gaw la warna a ko bə tilməŋ na taakaw na, a ko bə minti kaŋ hage yaŋ daana herɗe kisniy yaŋ ada naŋ.›

MATIYE 24:51

Kəya wə bə jəw daŋgay du yaŋ, wə bə jəw haa damdi kaa gə minti waate kel neeteŋ də kuy təwaŋ ana. A ko toŋa ha'aŋ, yə herɗe kisni yaŋ ada, yə hage yaŋ ada kas gəəliŋ gəm.»

MATIYE 8:12

Səma kaanə Ziwifi ablaw gə minti teŋ a sə a fele ko bə kumnaŋ, yə bə vay warna taakaw na dər tilməŋ na. A ko toŋa ha'aŋ, yə hage yaŋ, yə herɗe kisni yaŋ ada kas gəəliŋ.»

LIKI 13:28

Dər ko toŋa aŋ hage yaŋ, aŋ herɗe kəsnəŋ yaŋ bə minti aŋ asaŋ *Abraham ne, də *Izaki, də *Zakopi, daana *kaa kə jogte ku mini kə Pepeŋ a *Kumna kə Pepeŋ naŋ, minti aŋ teŋ máŋ gə vaa-ve warna taakaw naŋ!

I PIYER 2:17

Aŋ jəə kese də kaa la keɗe, aŋ balə kəsaanaŋ gə doo-deŋ la, aŋ haa cəərə Pepeŋ la apəya, aŋ jəə kese də kumna boblo bə cəərə seŋka la gəm.

VEƊE 11:10

Kaa gə cəərə seŋkaŋ keɗe ji yaŋ wəra də waale gud me kə kaa té ɓasiŋ. Yə bə ji kəɗwəy yaŋ gud waale neeteŋa bə ɓarse kara aduubə də kumsi, gud maa mo *kaa kə jogte ku mini kə Pepeŋ té ɓasiŋ a ləsnəy ablaw.

VEƊE 11:2

Tiilim də Kuli kə Pepeŋ, yaakə taŋ la bay ŋamte gud maa mo yə a ayaŋ ko toŋ a kaa gə minti paapa gə Ziwifi baŋ. Kaa teŋ tayte vil kə Pepeŋ yaŋ wəra kir kitir hor-hor waaɗe cuuru ɓasi.

VEƊE 11:8

Yə yaake titiŋ yaŋ lam-lam a larga də kəkəya giidə vil mooto də minti yə a ɓəlaŋ Barkaŋ neeteŋ wəra adaŋ. Yə mantaŋ vil taŋ máŋ minti Sodom, ɗawba Eziptə gəm.

VEƊE 17:17

Kəkamna horiŋ bə ji kel teŋ bədoona haa gud minti Pepeŋ həənəy guudi minti yə ɗəkə la bə ji kel gə minti tó a ɗəkəŋ bə jəy. A ko toŋa kəyaŋ, yə bə tepe kuy yaŋ wəra məna bə aye səɓaki neeteŋ a bege bə waraŋ minti wə əsə la kumna, hãã bə minti kel gə minti Pepeŋ a ɗəkəŋ bə jəy doo kuy la wəra kəm.

VEƊE 17:9

Haa kəna ko bə minti aseŋ jəə la də dər hulum daana wə jəə la bə naa-neŋ. Cə seeɗa'aŋ vəɗaŋ wəra haa pərki seeɗa'i bə minti həlgəŋ də əsə-isi adaŋ, a vəɗaŋ haa kəkamna seeɗa'iŋ gəm.

VEƊE 18:2

Kəya wə əsəŋ bə naakte ku koloŋ minti: «Babilon, vil mootoŋ awaŋ ne wəra adawra, a awaŋ ne wəra adawra. A koloŋ máŋ haa ko bə minti kəwal də gidiirə karmə kəwal keɗe əsti ada. Gidiirə kasko gə liwisiŋ də kaayaŋ gə minti gole jeeɗem əsti haa ada gəm.

VEƊE 18:21

Kəya hulum bə digi kə Pepeŋ bə səɓaki haŋ pərki boblo anə həb, wə gəənu dər kan kəmtəŋ na. Wə minti: «Yə bə ge Babilon vil mootoŋ, yaŋ warna də səɓaki anə vərra bədoona gəm. Hulum hare hõy bə asa pəda anə hasi.

VEƊE 18:23

Lampaŋ wele ko wəra gerda hõy pəda. Kaa gə minti tope kəram kəmarwaŋ, hulum iskiy səməy hõy gerda pəda gəm. Kəəti toŋ gila keɗe bə bi cəərə haa gud bə minti kaa kə celeere naataŋ a jəŋ haa kaa kə samsam, daana kaa kə zal naataŋ a kaŋ ku gidiirə kaŋ wəra keɗe minti yə tapə la gud té.

VEƊE 8:12

Hulum bə digi kə Pepeŋ bə waaɗeŋ ufuŋ atoltom nuutuŋ, kəya agal də soope də cəwa də wele koŋ, kitir daana seskaŋ gəyaŋ wəra faɗi, yə paapa bə welɗe pəda də aŋar də ko kəman ta'i. Ko bə daaway, agal du də soopeŋ, welɗe də cəwa də apəyaŋ jəŋ duru ba. Ko bə duugŋ, agal du də soopeŋ, kitir daana seskaŋ, welɗe diŋ jəŋ cuuru bə gəm.

VEƊE 9:2

A bəŋəŋ ku tələŋkə taŋ wəra kəyaŋ, keseŋ vaŋ warda də ada anə gursul damdi kese bə cəwa də do'e-do'eŋ ana. Cəwa də apəyaŋ gaŋ giziɓi wəra daana koŋ paapa bə ase pəda kas keseŋ.