VEƊE 13:8 - JAA TƏMARWAŊ

⁸ Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 13:8 Iomraidhean Croise

MATIYE 25:34

Kəyaŋ, wə waate kaa kaayaŋ gə kəəsu kemer yaŋ minti: ‹Aŋ kaa gə minti Barən gaanaŋ pisiŋ cəərəŋaŋ, aŋ bəəda a de kumna bə minti Pepeŋ a ɗampənaŋ dəŋ warda anə hãã a mele bə gud ko daŋ.

LIKI 10:20

Səma, aŋ a waale gud bə minti kəwal əskətənəŋ kuŋ ba, aŋ waalə la ha'aŋ gud bə minti səmaŋ bə jeerə-jeere apəy naŋ.»

Kel pəsaŋ kəmarwaŋ gə minti Zaŋ jiiriniy 1:29

Ɗeŋ a deye dibiiniŋ kəyaŋ, Zaŋ asaŋ Yeesu bə ɗe da suru da caw. Wə əsəŋ bə waate minti: «Aŋ golə la, Kormə taaməka kə Pepeŋ bə minti humi baymele kə kaa gə cəərə seŋkaŋ wəraŋ day cawa.

EFESIŊ 1:4

Gud maa mo, ajew də minti Pepeŋ jəŋ seŋkaŋ, wə ŋamtaŋ áŋ minti áŋ jəə la wəra kaa kə tó gud Kristu, kir minti áŋ jəə la wəra dər tó cetceti daana bay kel sar áŋa.

FILIPIŊ 4:3

Ten bə waatəma gəm, tam seenən bə minti jəŋ joŋreŋ dəərən anə ɓet-ɓetiŋ, kayə kəram té ɓasiŋ la bə tepe kuya, gud bə minti are kuuruŋ bə waate *Kel pəsaŋ kəmarwaŋa wəra a kaŋ haa də kumsə are keɗe. Kelemaŋ də kaa gə minti are jəŋ joŋreŋ diiri keɗe, gə minti Pepeŋ jiiriniy səməy giidə kefter kə kaa gə minti fəlaŋ dədərgə də bay teweŋ, jəŋ joŋreŋ də are gəm.

TITI 1:2

minti yə jəə la gə malə-mele ɗiki di wəra cəərə dədərgə də bay teweŋa. Hãã wəra ajew də mele bə gud koŋaŋ, Pep bə minti wə ceme tete baŋ waataŋ wəra kaŋkaŋ minti tó aye dədərgə táŋ a áŋ.

VEƊE 12:15

Kəya dəragoŋ harsaŋ kan warna damdi paaŋe ana minti ãye diŋ doo həlgəŋ la.

VEƊE 13:12

Wə jəŋ joŋreŋ keɗe də abay kə bege bə ajew bə minti bə guluŋ gəm. Wə haŋ gud kaa gə cəərə seŋkaŋ keɗe minti yə kaw awalna la a bege bə ajew bə minti toso də əwuŋ a wəraŋ wəraŋ.

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.

VEƊE 21:27

Karman bə minti paapa cetceti baŋ bə kele giidə vil taŋ da ba, hulum bə minti jəəti dəgləŋ daana ŋete kel kele ada na bə gəm. Ve ada na haa kaa gə minti səməy a wəra gə jeerə-jeere giidə kefter bə dədərgə kə Kormə Taaməkaŋaŋ təwa'i.

VEƊE 3:10

Aŋ doŋ kel nin də mi bə ku gəəliŋ tə bə moŋ, ten də kusrən, ten goloŋ cəərəŋ yaŋ də ko bə gəəli bə minti bə tuuki yaŋ cəərə kaŋa keɗe bə guluy kuɗiŋ.

VEƊE 3:20

Aŋ golə la, ten bə əsə-isi ku kuliŋa, ten bə lete ku kuliŋa cəərəŋa minti ten kele na. Hulum bə minti əskənən dordən neŋ, wə bəŋəŋ ku kuli neŋ, ten kele girdu, are hame yaŋ də kumsi.

VEƊE 3:5

Hulum bə minti pəŋ bulum neŋ, wə bə dere dəməəmə bərwaŋ taŋ yaŋ. Ten pəw səmu wəra giidə kefter bə dədərgəŋa ba. Ten bə waate səmu yaŋ wəra minti wə katən tiinə Barəna daana tiinə kaa kə digi nuutuŋaŋ gəm.

VEƊE 5:12

Yə əsəŋ bə waate wəra koloŋ minti: «Kormə Taaməka bə minti yə a jəmnu wəraŋ, bə nakə-neke kir fele abay, hurmaŋ, səɓakiŋ, aŋkeŋ daana hage bə sam!»

VEƊE 5:13

Kəya kar gə jəə-ji gə apəyaŋ, gə cəərə seŋkaŋ, gə gud koŋ adawra, gə dər kan, daana kar gə minti wəra zugi a koŋa keɗeŋ, ten iskiniy kuy bə waate minti: «Hage bə sam, aŋkeŋ, tokɗeŋ daana gərɓəɓiŋ, jəə la bə faɗnə-faɗna kə Hulum bə minti bə əsə-isi cəərə jaaŋaŋaŋ daana kə Kormə Taaməkaŋ!»

VEƊE 6:1

Kaknay seeɗa'iŋ, ten asaŋ Kormə Taaməkaŋ bə poke gə ajewa wəra. Ten əskəŋ kumundu məna gud kar gə dədərgə waaɗe'iŋaŋ bə naakte ku damdi koŋ dabte ana bə waate minti: «Bəəda!»