VEƊE 13:6 - JAA TƏMARWAŊ

⁶ Wə waataŋ ku baymele cəərə Pepeŋa, wə sərtunu səmu, ko bə kuli nuutuŋ apəy na, də kaa gə minti ada naŋ keɗe.

VEƊE 13:6 Iomraidhean Croise

MATIYE 12:34

Karmə akay! Aŋ neke bə waate kel pəsaŋ haa naanaanə mo bə minti aŋ də kusrəŋ, aŋ wəra kaa kə bayməlaŋ? Gud maa mo ku hulum waate ha'aŋ kel gə minti ɗusnu ku tərmuyu wəraŋ.

MATIYE 15:19

Gud maa mo haa ku tarmə hulum da minti kar ha'iŋ feke warda də adaŋ: anə ɗiki bə baymeleŋ, awe bə titiŋ, piwpiw, jəəti bə booboŋ, dəgaayaŋ, ŋete bə kel sar kumsumaŋ, sarte bə kaŋ.

Kel pəsaŋ kəmarwaŋ gə minti Zaŋ jiiriniy 1:14

‹Kel kə Waateŋ› koloŋ wəra hulum kisirki. Hulum toŋ a jəŋ aduubə də are, are asaŋ boblo nuutu də dər are. Boblo toŋ wə fulnu haa kasi Buru, gud minti wə haa kurmuyu tó ɗaaməna'iŋ faɗi. Pisi bə minti wə jəw sar kaŋaŋ də anə kel gə gəəzə-gəəziŋ, wə wəra bə ɗosə-ɗose duuru.

ROMEŊ 3:13

Durdi ta'a haa damdi teɗker də minti ku wəra hoŋ ana; kel gə kisilɗiŋ haa gə ji tiniini də kaŋ; kel gə kuy haa bə məyawna də kancaw ana faɗi.

KOLOSIŊ 1:19

Pepeŋ bə balə-bele minti, karman bə minti sar toŋ, wə jəə la wəra sar Kormə toŋa dege'-dege'i gəm.

KOLOSIŊ 2:9

Gud maa mo, karman bə minti sar Pepeŋaŋ, áŋ fəlu wəra anə dege'-dege'i sar kusrə Kristu gəm.

HEBEREŊ 9:2

Muryuki taŋ, giidə ɓasi. Giidə bə ajew na kannaŋ, kooso bə gaɓte lampaŋ bə kəəsu seeɗa'iŋ, daana tabul də minti mappa də ayə-aye a Pepeŋ bə vaa-ve cəərəŋ, haa ada. Yə mante ko toŋ minti *ko cetcetiŋ.

HEBEREŊ 9:24

Bədoona ana, Kristu kəlaŋ haa paapa giidə *ko cetceti bə minti kaa kəsarkaŋ kəman a ɗəmpunu, bə minti tiirə ko bə gəəzə-gəəziŋ təwa'i ba. Wə kəlaŋ haa giidə ko bə apəya bə minti Pepeŋ bə əsə-isi adaŋ gadi faɗi, wə ada na tiinu na gud kel də áŋ na.

VEƊE 11:12

Kəya kaa té ɓasiŋ bə əski dordə karman kəman bə waata da apəy da də səɓaki minti: «Aŋ luu da kanda». Kəya yə bə li yaŋ apəy na dər kamraŋ na warna kəkər zugi də dər kaa gə acukur neeteŋ.

VEƊE 12:12

Gud teŋa ta, ko bə apəya daana aŋ kaa gə minti ko bə isi nəətiŋ ada naŋ, aŋ waalə la. Səma gəəli bobloŋ cəərə seŋkaŋ na, cəərə kaa kəmtəŋ na, gud bə minti Nərtitiŋ vaŋ saraŋ na, a wəra də kolə-kole waŋ hasi. A də asə-ase minti hiti naataŋ paapa ablaw pəda.»

VEƊE 15:5

Adoro kəyaŋ, ten asaŋ ku *Kuli kə Pepeŋ warda bə bəŋə-biŋi giidə *muryuki nuutu də waate sam *jaa nuutuŋ da.

VEƊE 18:20

Aŋ kaa gə apəyaŋ, aŋ waalə la gud bə minti a wəra də ɓalkə-ɓalkeŋ. Aŋ kaa kə Pepeŋ, aŋ *kaa gə vaa-veŋ, aŋ *kaa kə jogte ku mini kə Pepeŋ, aŋ waalə la. Gud maa mo, bə minti Pepeŋ jəmaŋ kəəti də vil taŋ ha'aŋ, wə kaanaŋ gədəəgi də kel nəətiŋ wəra minti aŋ ɗeker.

VEƊE 21:3

Ten əskəŋ dordə karman kəman bə waate kel da koloŋ sar jaaŋa də kumnaŋ da minti: «Də ko toŋ hebkəna faɗi, Pepeŋ isi yaŋ aduubə də kaŋa, yə bə ji yaŋ kaa nuutu. Wə də kusru bə isi yaŋ diiri, wə bə ji yaŋ Pep neeteŋ gəm.

VEƊE 4:1

Adordə kel teŋa, ɗeŋ a gole kəyaŋ, ku kuliŋ wəra bə bəŋə-biŋi tarmə pepeŋa. Dordə hulum bə minti ten a əskənə ajew bə hage damdi atoltom anaŋ, waatənan minti: «Luu da kanda, ten kam dərəm cəərə kar gə minti bə tuli adoroŋ.»

VEƊE 4:4

Agəjaŋ də jaaŋa taŋa ɓəəka ha'aŋ, jaaŋa də kumna daalaŋ wəra də maltə-malte ada ta'-ta'i hor-hor ɓasi cəərə waaɗe, kaa kəmtəŋ gə tiinə kaŋ gə əstə-əsti ada hor-hor ɓasi ciiri waaɗe gəm. Dəməəmə bərwa də tarə-tere siri, kaŋkəlaŋ gə ciiriŋ gə ɗampə-ɗampe də kooso bə gusi bə awəy-awəy.

VEƊE 5:13

Kəya kar gə jəə-ji gə apəyaŋ, gə cəərə seŋkaŋ, gə gud koŋ adawra, gə dər kan, daana kar gə minti wəra zugi a koŋa keɗeŋ, ten iskiniy kuy bə waate minti: «Hage bə sam, aŋkeŋ, tokɗeŋ daana gərɓəɓiŋ, jəə la bə faɗnə-faɗna kə Hulum bə minti bə əsə-isi cəərə jaaŋaŋaŋ daana kə Kormə Taaməkaŋ!»

VEƊE 7:15

Haa gud teŋa minti yə gə əsə-isi tiinə jaaŋa də Kumna kə Pepeŋa bə kaw awalnaŋa daaway də duugŋ keɗe giidə *Kuli nuutuŋa. Hulum bə cəərə jaaŋaŋ isi kaa teŋ yaŋ gud gəsaatərna du.

VEƊE 7:9

Adordə kel teŋaŋ, ɗeŋ a gole kəyaŋ, ten asaŋ kaa ablaw anə hə̃ə̃'a, paapa kir aŋke ba. Kaa teŋ pəətəŋ warda a seŋka da keɗe, a kaasaw də kaŋ da keɗe, a gidiirə kaŋ da keɗe, a ku kaŋ da keɗe gəm. Yə əsəŋ tiinə jaaŋa kə Pepeŋa daana tiinə Kormə Taaməkaŋa gəm. Yə də dəməəmə bərwa siri, gaavaw kəəsi ada kay.