VEƊE 13:3 - JAA TƏMARWAŊ

³ Cuuru kəman məna, toso ada damdi haa toso də əwuŋ ana, səma a wəraŋ wəra. Kaa gə cəərə seŋkaŋ keɗe ŋələŋ gud kel teŋa, yə təpaŋ gud begeŋa faɗi.

VEƊE 13:3 Iomraidhean Croise

LIKI 2:1

Dər ko bə we kə Zaŋa, Sezar Ogustə, kumna bobloŋ, ayaŋ mini minti yə aŋkə kaa gə giidə seŋka də minti Rom waate samaŋ la keɗe.

Kel pəsaŋ kəmarwaŋ gə minti Zaŋ jiiriniy 12:19

Kəya kaanə Farisiyeŋ əsəŋ bə waate kumsi minti: «Aŋ asaŋ ne, aŋ neke bə ji karman pəda, kaŋ neŋneŋ keɗe əsəŋ máŋ bə ɗe guudu.»

JOŊRE 8:13

Simoŋ də kusru doŋ wəra gud kel gə minti Filipi a wəətənəy wəraŋ daana yə juunu batem wəra gəm. Də ko toŋ a teŋa kəyaŋ, wə paapa kirka yaake Filipi pəda. Kar gə məɗ-miɗi daana kar kə ŋili kaa gə minti Filipi bə jiyaŋ, Simoŋ toŋ koloŋ máŋ bə ŋili kəəsi ŋili gəm ɗaw.

VEƊE 13:12

Wə jəŋ joŋreŋ keɗe də abay kə bege bə ajew bə minti bə guluŋ gəm. Wə haŋ gud kaa gə cəərə seŋkaŋ keɗe minti yə kaw awalna la a bege bə ajew bə minti toso də əwuŋ a wəraŋ wəraŋ.

VEƊE 13:14

Wə lenteŋ kaa gə cəərə seŋkaŋ wəra də miɗi bə minti wə nəkaŋ bə jəw də dər bege bə ajew. Bege tó bə ɓasiŋ haŋ gud kaŋ minti yə ɗampə karman la damdi bege bə ajew ana bə əyu tokɗeŋ. Bege toŋ, yə a ŋiinu də caafay, wə haraŋ wəra dədərgə.

VEƊE 17:10

Wiiɗiwiŋ guudi wəra hebkəna gə mee-me, bə kənki diŋ bə hame kumnaŋa hebkəna, bə seeɗaŋ, yə əsnu kəm ba. Wə əsəŋ ne akaceŋa a kumnaŋaŋ, kəkəy paapa cuuru bə hiti ada ablaw ba.

VEƊE 17:11

Bege bə wara bə minti a jəŋ caw daana wə paapa hebkəna caw pəda, wə a jəŋ haa aduubə də kəkamna seeɗa'iŋa. Wə bə hare yaŋ wəra caw, wə bə kole haa kumna bə azəgən gəm. Səma wə bə ɗe a bese wəra.

VEƊE 17:13

Kəkamna teŋ keɗe ha'aŋ, ɗiki neeteŋ məna də kumsi. Yə golde haa minti té aye gərɓəɓiŋ də abay neeteŋ a bege bə waraŋ.

VEƊE 17:17

Kəkamna horiŋ bə ji kel teŋ bədoona haa gud minti Pepeŋ həənəy guudi minti yə ɗəkə la bə ji kel gə minti tó a ɗəkəŋ bə jəy. A ko toŋa kəyaŋ, yə bə tepe kuy yaŋ wəra məna bə aye səɓaki neeteŋ a bege bə waraŋ minti wə əsə la kumna, hãã bə minti kel gə minti Pepeŋ a ɗəkəŋ bə jəy doo kuy la wəra kəm.

VEƊE 17:6

Kəya ten asaŋ həlgə taŋ ha'aŋ, a wəra də markə-marke də kor də kaa kə Pepeŋ, də kor də kaa gə minti yə a əwtənəy wəra gud de neeteŋa gud Yeesuŋ. Ten asna bədoona kəyaŋ, ten ŋələŋ wəra hasi faɗi.

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.