VEƊE 13:2 - JAA TƏMARWAŊ

² Bege toŋ haŋ kiiriw ana dege'-dege'i, kəmpuru kəmtəŋ də kaaɗe ana simik-simik, gilirgu kempeleŋ ana sĩĩt-sĩĩt gəm, ku damdi ku googoŋ ana. Kəya dəragoŋ boblo əynu səɓaki nuutuŋ, jaaŋa nuutu də kumnaŋ, abay nuutu həmhəmaŋ gəm.

VEƊE 13:2 Iomraidhean Croise

II TIMOTE 4:17

Səma Barkaŋ də kusru, wə yaakənan wəra ba. Wə jəŋ dəərən daana wə aynan səɓaki bə waate kel nuutu wəra kaŋkaŋ, kəya kaa gə minti teŋ paapa kaanə Ziwifi baŋ keɗe iskiniy. Barkaŋ də kusru, wə seerenen wəra ku googoŋa.

I PIYER 5:8

Aŋ jəə la wəra gə ɗampə-ɗampe saksaki, aŋ amə kusrəŋ la pisi. Nərtitiŋ, hulum bə acukur nəətiŋ, bə ɓəkti agəjaŋ dəŋa, bə golde huluma bə ɓəlku wəra damdi googoŋ hage bə golde karman bə liki ana.

VEƊE 12:13

Bə minti dəragoŋ asaŋ minti yə gaŋ tá warda cəərə seŋka da kaydaŋ, a əsəŋ bə sarme həlgə də minti a də waa-we beebe koŋkor faɗi.

VEƊE 12:15

Kəya dəragoŋ harsaŋ kan warna damdi paaŋe ana minti ãye diŋ doo həlgəŋ la.

VEƊE 12:9

Dəragoŋ mooto wiriktikaŋ, haa hənji də dayday, hənji də minti yə mante minti Nərtitiŋ kumundu ba *Sataŋ. A haa karman bə minti vaŋ kaa gə cəərə seŋkaŋ bə ji baymeleŋaŋ. Yə zogna də kaa kə digi naataŋ keɗe warda apəy da cəərə seŋkaŋ da.

VEƊE 13:12

Wə jəŋ joŋreŋ keɗe də abay kə bege bə ajew bə minti bə guluŋ gəm. Wə haŋ gud kaa gə cəərə seŋkaŋ keɗe minti yə kaw awalna la a bege bə ajew bə minti toso də əwuŋ a wəraŋ wəraŋ.

VEƊE 13:4

Kəya yə əsəŋ bə ke awalna a dəragoŋ gud bə minti a ayaŋ abay a begeŋ. Yə əsəŋ bə ke awalna a begeŋ gəm minti: hulum bə ŋere də begeŋ paapa, hulum bə duuri duuru paapa gəm.

VEƊE 16:10

Hulum bə digi bə wiiɗiw pukuŋ karman bə giidə taasa nuutuŋ cəərə jaaŋa kə bege bə waraŋa. Kəya ko bə minti begeŋ bə əsə-isi cuuru kumnaŋ, kəlaŋ dər tilməŋa yum faɗi. Kaŋ əsəŋ bə hiti kisilɗi faɗi kas ɗemeŋ.

VEƊE 17:12

Gəw du hori gə minti tam a əsnəy, haa kəkamna hori gə minti teŋ əstəŋ kəm bə hame kumnaŋa baŋ. Yə bə fele abay bə hame kumnaŋ də aŋar də ler məna bagŋ də bege bə wara bə waŋ-waŋ.

VEƊE 19:20

A ko toŋa kəyaŋ, yə humuŋ bege bə waraŋ də bege bə minti jogte ku mini bə laŋte kaŋ. Bege tó bə ɓasiŋ jəətəŋ miɗiŋ də dər bege bə ajew. Gud miɗi toŋa, wə koloŋ bə lente kaa gə minti yə a məltənəy tarwa kə bege bə ajew siriŋ wəra, gə minti a kaŋ awalna a karman bə minti yə a ɗəmpunu bə he bege bə ajew. Bege toŋ ɓasi keɗe, yə vəənu dədərgə zugi a ko bə cəwa də sufrə hərhəraŋa.

VEƊE 2:13

Vil də minti aŋ gə əsə-isi adaŋ yaŋ nuutu də dərən, haa vil də minti *Sataŋ də əsə-isi kumna ada gəm. Səma aŋ əsəŋ ŋəŋ gə tapə-tepe dəərən, aŋ maltaŋ kuŋ cəərə de nəəti bə guudən ba, koo nuutu bə minti yə awaŋ Antipasi, bərdə kəkəy katən ɓetiŋ wəra gerdəŋa, a ko bə minti Sataŋ də əsə-isi kumna adaŋ.

VEƊE 20:2

Wə doŋ dəragoŋ, dəragoŋ taŋ haa hənji də dayday, Nərtitiŋ, daana *Sataŋ. Wə untunu də gaalay, wə gaana giidə tələŋkə kələmləma də bay nobeŋa a daŋgaya kir laate guɓi. Wə gisiŋ ku tələŋkəŋ də lakəle, wə larpəna ku wəra də karman minti a jəə la də gisə-gisi kir laate guɓi minti dəragoŋ a laŋte gidiirə kaŋ wəra pəda. Adordə laate toŋa kəyaŋ, yə bə hare bə bədə wəra kir hiti anə maka bagŋ.