VEƊE 13:12 - JAA TƏMARWAŊ

¹² Wə jəŋ joŋreŋ keɗe də abay kə bege bə ajew bə minti bə guluŋ gəm. Wə haŋ gud kaa gə cəərə seŋkaŋ keɗe minti yə kaw awalna la a bege bə ajew bə minti toso də əwuŋ a wəraŋ wəraŋ.

VEƊE 13:12 Iomraidhean Croise

II TESALONIKIŊ 2:4

Wə jeme acukur yaŋ wəra də kar gə minti kaŋ kay awalnaŋ, jəə la nuutu Pepeŋ, jəə la nuutu maa toŋ. Wə he cəərə kusru yaŋ apəya minti tó dəŋaŋ kar teŋ keɗe. Gə deŋe teŋ haa bə minti wə ɗe yaŋ a isi cin giidə *Kuli kə Pepeŋ kəm pə ɗaw. Wə waate yaŋ pa minti tó kəna Pepeŋ də kusru gadi faɗi.

VEƊE 13:2

Bege toŋ haŋ kiiriw ana dege'-dege'i, kəmpuru kəmtəŋ də kaaɗe ana simik-simik, gilirgu kempeleŋ ana sĩĩt-sĩĩt gəm, ku damdi ku googoŋ ana. Kəya dəragoŋ boblo əynu səɓaki nuutuŋ, jaaŋa nuutu də kumnaŋ, abay nuutu həmhəmaŋ gəm.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 14:11

Kese bə cəwa də minti bə ləsəyaŋ fe warda apəy da anə ɗəwilla bə faɗnə-faɗna. Kaa kə bege bə waraŋ gə minti fəlaŋ tarwaŋ də səmuŋ daana kaŋ awalna a karman bə hawaŋ, yə fele faake ku lasi neeteŋa ba, duugŋ də daaway keɗe.»

VEƊE 14:9

Hulum bə digi kə Pepeŋ baalaŋ bə soope tuukuŋ adordə kaayaŋ ɓasiŋ da, wə əsəŋ bə waate ku koloŋ minti: «Hulum bə minti kaŋ awalna ne a bege bə waraŋa daana a karman bə minti yə a ɗəmpunu bə haw, wə a fəlaŋ tarwa kə bege toŋ ne tiinu ɗawba kəəsuŋ,

VEƊE 16:2

Kəya hulum bə digi bə ajew kooroŋ, wə pukuŋ karman bə giidə taasa nuutuŋ cəərə seŋkaŋ na. Maavorgo də bayməla də ɗeme ablaw pəŋ dərə wəra sar kaa gə minti tarwa kə bege bə waraŋ siriŋ daana gə minti bə ke awalna a karman bə minti yə a ɗəmpunu bə minti həənuŋ.

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.

VEƊE 19:20

A ko toŋa kəyaŋ, yə humuŋ bege bə waraŋ də bege bə minti jogte ku mini bə laŋte kaŋ. Bege tó bə ɓasiŋ jəətəŋ miɗiŋ də dər bege bə ajew. Gud miɗi toŋa, wə koloŋ bə lente kaa gə minti yə a məltənəy tarwa kə bege bə ajew siriŋ wəra, gə minti a kaŋ awalna a karman bə minti yə a ɗəmpunu bə he bege bə ajew. Bege toŋ ɓasi keɗe, yə vəənu dədərgə zugi a ko bə cəwa də sufrə hərhəraŋa.

VEƊE 20:4

Kəya ten asaŋ gəjaaŋawa kə kəkamnaŋ. Yə ayaŋ abay bə ceme kəətiŋ haa a kaa gə minti ciiri cin-cin. Yə haa tiirə kaa gə minti yə a cəmnəy ciiriŋ wardaŋ gud de neete bə gud kel gə minti Yeesu a jəŋ bar kəkəy ciiri daana gud kel kə Pepeŋa. Yə a kaŋ awalna a bege bə waraŋ ba, a karman bə minti yə a ɗəmpunu bə haw bə gəm. Tarwa kə bege bə waraŋ paapa də maltə-malte tiini ba, paapa kəəsi bə gəm. Yə haraŋ wəra dədərgə adordə meŋa daana yə hamaŋ kumna kir laate guɓi də Kristu, *Hulum bə minti Pepeŋ ŋəmnuŋ.