VEƊE 13:10 - JAA TƏMARWAŊ

¹⁰ hulum bə minti toŋ sə a ɗe a daŋgay, wə bə ɗe yaŋ nuutu a daŋgaya gəəzi. Hulum bə minti sə a fele meŋ ku caafayaŋ, wə bə fele meŋ haa ku caafaya gəəzi gəm. Gud teŋa ta, kaa kə Pepeŋ məə la ku gəəliŋa, yə əsə la gə doo-de.

VEƊE 13:10 Iomraidhean Croise

MATIYE 26:52

Kəya Yeesu wəətunu minti: «Harə macəlam nəmti la a huli dəŋa gud maa mo kaa gə minti ji joŋreŋ də macəlam kəəsiŋ, yə bə fele meŋ haa kəəsu gəm.

MATIYE 7:2

Gud maa mo, Pepeŋ bə jəmaŋ kəəti dəŋ haa damdi aŋ a jəmaŋ kəəti də kumsuŋ ana gəm. Karman bə minti aŋ ŋaɓte kar a kaŋ duuruŋ, Pepeŋ ŋaɓtaŋ nəətiŋ yaŋ duuru gəm.

LIKI 21:19

Aŋ əsə la ŋəŋ, aŋ seere dədərgə dəŋ yaŋ wəra haa bədoona ana.»

KOLOSIŊ 1:11

Wə ayaŋ səɓaki yaŋ anə kaŋkaŋ də səɓaki nuutu mooto hasaŋ, kir minti aŋ nakə la bə hale daana bə mi ku gidiirə kela keɗe də waale.

HEBEREŊ 6:12

Aŋ a arse wəra a kəkəya ba. Aŋ haa la haa kel kə kaayaŋ gə minti doŋ gud Pepeŋa daana məətəŋ ku kelaŋ ɗaw. Kaa teŋ fele kar gə minti Pepeŋ a wəətənəy səməy wəra a niiniŋ.

VEƊE 1:9

Kəna ten seeneŋ Zaŋ. Gud tapi náŋa də Yeesuŋ, ten haa kumsəŋ bə minti giidə *Kumna kə Pepeŋa gəm, ten bə se gəəliŋa daana ten bə mi ku damdi aŋ ana gəm. Yə gaanan warna cəərə ajomga də Patmosi na haa gud bə minti ten a waataŋ kel kə Pepeŋ wəra daana kel gə minti Yeesu a jəŋ bar kəkəy ciiriŋ wəra a kaŋ.

VEƊE 11:18

Gidiirə kaŋ koloŋ waŋ wəra. Hebkəna máŋ ha'aŋ, haa cəwa də waŋ nəmtiŋ, də minti tam jeme kəəti də kaa gə mee-meŋ dərəŋ, də minti tam werke *kaa kə jogtom ku mini nəmtiŋ, kaa nəmti, daana kaa gə minti humi kosoŋ cəərəma, koncoŋ də kəmtəŋ. Cəwa də minti tam bese kaa gə ɓalke kaa gə cəərə seŋkaŋ wəraŋ nəkaŋ ne.»

VEƊE 14:12

Kel teŋ keɗe waate haa minti kaa kə Pep gə minti humi kosoŋ cəərə ku gili nuutuŋa, gə minti saksaki gə doo-de gud Yeesuŋ, yə məə la ku gəəliŋa.

VEƊE 16:6

Kaŋ a kaŋ kor də kaa nəmtiŋ wəra daana kə *kaa kə jogte ku mini nəmtiŋ gəm. Gud teŋa ta, tam ayaŋ kor bə seŋ a kaa teŋ bədoona gəm haa a kuɗuŋa.»

VEƊE 17:11

Bege bə wara bə minti a jəŋ caw daana wə paapa hebkəna caw pəda, wə a jəŋ haa aduubə də kəkamna seeɗa'iŋa. Wə bə hare yaŋ wəra caw, wə bə kole haa kumna bə azəgən gəm. Səma wə bə ɗe a bese wəra.

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.

VEƊE 2:19

Ten bə asə-ase joŋre nəətiŋ, bele nəətiŋ, de nəətiŋ, digi nəətiŋ daana mi bə ku gəəli nəətiŋ. Wəra də dərən minti aŋ bə ji joŋreŋa máŋ hebkəna ablaw dəŋaŋ bə ajew.

VEƊE 2:2

Ten bə asə-ase joŋre nəətiŋ, bande nəətiŋ, də mi bə ku gəəli nəətiŋ. Wəra də dərən minti aŋ paapa gə doo-de haa bə hale kaa kə sərkəŋ aduubə dəŋa ba. Kaa gə minti ji kusri minti té *kaa kə vaa-veŋ, aŋ gulnuy kuɗiy wəra, aŋ əsnəy wəra minti yə kaa kə ŋete kel.

VEƊE 3:10

Aŋ doŋ kel nin də mi bə ku gəəliŋ tə bə moŋ, ten də kusrən, ten goloŋ cəərəŋ yaŋ də ko bə gəəli bə minti bə tuuki yaŋ cəərə kaŋa keɗe bə guluy kuɗiŋ.

VEƊE 3:3

Cəərəŋ harə la bə ɗiki kel gə minti aŋ a fəlnəy daana aŋ a iskiniy. Aŋ doy la, aŋ kolə kerkeŋ la a baymele nəətiŋ. Jəəne minti aŋ haraŋ bə guni baŋ, ten bə tuli haa damdi hulum bə dəgaayaŋ ana, bay minti aŋ ase cəwa də minti ten hare da dərəŋ.