VEƊE 12:9 - JAA TƏMARWAŊ

⁹ Dəragoŋ mooto wiriktikaŋ, haa hənji də dayday, hənji də minti yə mante minti Nərtitiŋ kumundu ba *Sataŋ. A haa karman bə minti vaŋ kaa gə cəərə seŋkaŋ bə ji baymeleŋaŋ. Yə zogna də kaa kə digi naataŋ keɗe warda apəy da cəərə seŋkaŋ da.

VEƊE 12:9 Iomraidhean Croise

MATIYE 13:39

Hulum bə acukur bə minti jo'oŋ ciiŋir haa Nərtitiŋ. Ceme bə kaasaw haa tewe bə seŋkaŋ. Kaa kə ceme kaasaw haa *kaa kə digi kə Pepeŋ.

MATIYE 24:24

Gud maa mo kaa gə minti ji kusri minti té kəna Kristu, Hulum bə minti Pepeŋ ŋəmnuŋ, kumundu ba kaa kə jogte ku mini kə Pepeŋ, bə pi diri yaŋ ablaw. Yə jəəti kar kəmtəŋ gə ŋili kaŋ yaŋ bə ge dər minti haa də səɓaki kə Pepeŋ, daana yə jəəti miɗi kəmtəŋ yaŋ gəm kir minti té sə a nakə laŋ, koo kaa gə minti Pepeŋ ŋəmnəy wəra a kusruŋ, té sə a ləŋəy wəra.

MATIYE 25:41

Kəya wə waate kaayaŋ gə kəəsu gulaŋ yaŋ minti: ‹Aŋ zee la warna sarəna anə tooto, aŋ kaa gə minti kəəti kə Pepeŋ doonoŋ. Cəwa də bay teweŋ də minti Pepeŋ a ɗampəna cəərə Nərtitiŋa də kaa kə digi naataŋ, aŋ ɗee la a ve dərə.

MATIYE 4:1

Adordə kel teŋa kəyaŋ, Tiiru Cetcetaŋ kooroŋ də Yeesu warna giidə ful na minti Nərtitiŋ kaw ku la bə gulu kuɗu.

MATIYE 4:10

Kəya, Yeesu waatəna minti: «*Sataŋ, zee la wəra sarəna tooto! Gud maa mo Kefter kə Pepeŋ wəra bə jeerə-jeere minti: ‹Kaa awalnaŋ la a Barkaŋ Pep nəmtiŋ, jəətə digiŋ la a nuunu təwa.›»

MATIYE 4:5

Kəya a kooroŋ duuru giidə vil də Zeruzalem. A usnu apəya a lewlew də *Kuli kə Pepeŋa.

MATIYE 4:8

A haraŋ bə koore duuru cəərə pərki kimpili-kimpili pa. A gəənu duru cəərə seŋkaŋa keɗe də məyan, də hurma dəŋ gəm.

LIKI 10:18

Yeesu hərnəy kel minti: «Ten asaŋ *Sataŋ bə awe da apəy da damdi ko welɗeŋ ana.

LIKI 13:16

Həlgə taŋ, a kaasaw də *Abrahama, *Sataŋ əntənə laate hor cuuru azəgən. A sə a bədə la wəra ku gəəli toŋa haa paapa dər hi bə faakeŋa bə mo?»

LIKI 22:3

Kəya *Sataŋ kəlaŋ giidə Zudasi bə minti səmu Iskariyotiŋa. Wə haa hulum bə gud *kaa gə gud Yeesu hor ciiri ɓasiŋ.

LIKI 22:31

Yeesu minti: «Simoŋ, Simoŋ, Sataŋ mantaŋ səɓaki bə gəgələm damdi yə gəgəli kaasaw wəraŋ ana.

LIKI 8:12

Sərdə duru gə minti vaŋ agəjaŋ də kəkəyaŋ, haa kaa gə minti iski kel kə Pepeŋ. Səma Nərtitiŋ bi a humuy kel té gə minti a vaŋ tərməyiŋ wəra bə hay kuy wəra bay de, minti yə a fele seereŋ ba.

Kel pəsaŋ kəmarwaŋ gə minti Zaŋ jiiriniy 12:31

Máŋ hebkəna haa cəwa də minti Pepeŋ bə jeme kəəti də kaa gə cəərə seŋkaŋ daana də minti wə bə sarme kumna bə cəərə seŋkaŋ warnaŋ.

Kel pəsaŋ kəmarwaŋ gə minti Zaŋ jiiriniy 14:30

Ten waate kel dəərəŋ ajew na ablaw pəda gud maa mo kumna bə cəərə seŋkaŋ day da. Səɓaki paapa kəəsu anə weseki bə isi cəərəna kumna ba,

Kel pəsaŋ kəmarwaŋ gə minti Zaŋ jiiriniy 16:11

Ɗiki di paapa a kuɗuŋa cəərə kəətiŋa bə gəm gud bə minti Pepeŋ doŋ kumna bə cəərə seŋkaŋ ne wəra də kəətiŋ ɗaw.

Kel pəsaŋ kəmarwaŋ gə minti Zaŋ jiiriniy 8:44

Bəraŋ haa Nərtitiŋ daana aŋ bele ji haa kar gə minti giidə bələy gəm. Də anə hãã faɗi, a hulum bə awte titi. Kel kə gəəziŋ, teŋ haŋ sara ba anə ceki, gud maa mo gəəziŋ paapa giidə ba. Bə minti a ŋete kel, a waate haa kel gə minti bəŋ giidə daŋ gud bə minti a hulum bə ŋete kel, a haa Nər kel kə ŋeteŋ faɗi.

JOŊRE 26:18

bə ɗe a piŋtiy diri wəra, bə humuy warda dər tilməŋ da bə vay dər pəɗakiŋa, daana bə humuy warda dər ko bə minti *Sataŋ bə əsə-isi kumnaŋ cuuruŋ, bə vay a ko bə minti Pepeŋ bə əsə-isi kumna cuuruŋ gəm. Bədoona ta, yə doŋ ne guudəna, Pepeŋ vəəgi giidu yaŋ wəra cəərə baymele neeteŋa daana yə ɗe yaŋ a fele ko sar kaayaŋ gə minti wə koloŋ teŋ wəra kaa nuutuŋ gəm.› »

JOŊRE 5:3

Kəya Piyer wəətunu minti: «Ananiyasi, maa toŋ bə jəənəm pə mo minti tam yaakaŋ *Sataŋ bə kele ku tarməyamaŋ? Gud kel naataŋa ta, tam ŋeteŋ kel a Tiiru Cetcetaŋ a kəkəy bə minti tam ŋoyoŋ sərdə soloy bə minti tam a fəlnu də akaŋ wardaŋ.

ROMEŊ 16:18

gud maa mo gom də kaa teŋ ji joŋreŋ paapa a Kristu Barkaŋ náŋ ba, yə jəw haa gud giidi. Də durdi də keŋ daana də kel kə waate pəsaŋ neeteŋ, yə ji tiniini də kaa gə minti paapa gə jeŋə-jeŋe bə ase gom də kel teŋ kəya baŋ.

ROMEŊ 16:20

Pep bə kəkaɓiŋ maŋ bə ɓalke səɓaki kə *Sataŋ wəra; wə koloŋ yaŋ gə əsə-isi cəərə gəm. Pisi kə Barkaŋ náŋ Yeesu jəə la dəərəŋ!

II KOREŊTƏŊ 11:14

Kel kə ŋili paapa a ko toŋa ba, gud maa mo *Sataŋ də kusrə ji kusrə bə hulum bə digi bə welɗə-welɗe pisi ana.

II KOREŊTƏŊ 11:3

Səma walka bə jəna minti aŋ yaake hulum bə ɓalkaŋ ɗiki dəŋa kir minti aŋ yaakə de dəŋ kaŋkaŋi daana *cetceti bə gud Kristuŋ la wəra damdi Eva yaakaŋ kusrə bə leŋe wəra ku tiwki kə hənjiŋa anaŋ.

II KOREŊTƏŊ 12:7

Kar gə minti Pepeŋ a vaɗnan dən wəraŋ, yə paapa gə tapə-tepe də kumsiŋ ba. Səma bə minti ten a kole bə he cəərə kusrən apəya diiri baŋ Pepeŋ aynan lasi də gəəli-gəəli dər kusuki dəna, a damdi hulum bə digi kə *Sataŋ bə minti bə gaa-ge bə lətana ana.

II KOREŊTƏŊ 2:11

A kəkəy bə jəəti bədoonaŋ, Sataŋ fele ko bə ji tiniini də náŋ ba. Gud maa mo tiwki naataŋ wəra də dər áŋ kaŋkaŋ.

II KOREŊTƏŊ 4:4

Yə iski ba gud bə minti Nərtitiŋ, kumna bə cəərə seŋkaŋ, biwini ɗiki di wəra. A hay kuy wəra minti yə a ase pəɗaki də Kel pəsaŋ kəmarwaŋ gə minti waate sam boblo kə Kristuŋ wəraŋ ba. Tó Kristu bə haa-he haa Pepeŋ derra faɗi.

EFESIŊ 4:14

Bədoona kəya tə bə moŋ, áŋ bə ji paapa damdi kəmar koncoŋ kəman gə minti bə halye dər gidiirə hate hãy-hãyiŋa ana pəda. Gud maa mo yə damdi kətartawaŋ gə minti bə halye dər kan gə acceŋa minti kaŋkaw bə təkəyaŋ ana. Aye hate toŋ haa kaa gə minti ji kaŋ də tiwki bə ɗe a vay wəra dər kel kə ləŋəya.

II TESALONIKIŊ 2:3

Aŋ a yaake hulum bə ləŋaŋa wəra də tiwki kəman anə məna ba anə ceki. Hi kə Barkaŋ tuuki kəm haa adordə bə minti kaa ablaw jeme acukur wəra də Pepeŋ daana Hulum bə acukur də ku gili nuutuŋ vaɗə la wəra kəm, haa Hulum bə minti Pepeŋ bə bəsu wəraŋ.

I TIMOTE 2:14

Bədoona pa, Adam taakaŋ kusru bə siiti wəra ba, səma yaakaŋ kusrə wəra bə siiti haa həlgəŋ, a doŋ ku Pepeŋ ba.

II TIMOTE 3:13

Səma kə kaa kə sərkəŋ də kaa kə ji tiniini də kaŋ ha'aŋ, yə ze guudi dər baymeleŋa haa ze ɗaw. Yə ji tiniini də kaa kaayaŋ, daana yə ji tiniini də kusri té toki gəm.

HEBEREŊ 2:14

Bədoona ana, kərmuyu té gə minti wə wəətənəy simiy kənaŋ, yə haa kaa kəsarkaŋ də kusuki di daana kor di siri gadi faɗi. Tó də kusru wə koloŋ bə té ana gəm, kir minti tó ɓalkə səɓaki kə Nərtitiŋ la wəra də me kə toŋ, gud bə minti kaŋ fele meŋ gud kel də.

I PIYER 5:8

Aŋ jəə la wəra gə ɗampə-ɗampe saksaki, aŋ amə kusrəŋ la pisi. Nərtitiŋ, hulum bə acukur nəətiŋ, bə ɓəkti agəjaŋ dəŋa, bə golde huluma bə ɓəlku wəra damdi googoŋ hage bə golde karman bə liki ana.

I ZAŊ 5:19

Náŋ ha'aŋ, áŋ gə asə-ase minti áŋ kə Pepeŋ. Səma seŋkaŋ keɗe kasi Nər Sərkəŋa.

ZUDI 1:9

Koo nuutu Mikayel, hulum bə digi bə ɗe tiinə kumsuŋa jəŋ bədoona ana ba. Də bə minti yə koloŋ awəy də Nərtitiŋ cəərə titi də Moyisiŋ, Mikayel amaŋ kusru, wə waataŋ kel kə jeme kəəti də Nərtitiŋ də sarte ada ba. Wə waatəna təwa minti: «Barkaŋ jəy daŋgay di la!»

VEƊE 12:12

Gud teŋa ta, ko bə apəya daana aŋ kaa gə minti ko bə isi nəətiŋ ada naŋ, aŋ waalə la. Səma gəəli bobloŋ cəərə seŋkaŋ na, cəərə kaa kəmtəŋ na, gud bə minti Nərtitiŋ vaŋ saraŋ na, a wəra də kolə-kole waŋ hasi. A də asə-ase minti hiti naataŋ paapa ablaw pəda.»

VEƊE 12:3

Kəya kel kəmtəŋ kəman gə ŋili kaa vəɗaŋ apəy da pa. Kel teŋ haa dəragoŋ kəman hərlə, a mooto anə wiriktiki. Cəərə seeɗa, gaw də hori, karmə kaŋkəlaŋ gə kumnaŋ gə maltə-malte wəra cəərə məna-məna seeɗa keɗe.

VEƊE 12:7

Kəya duuri kəman awaŋ a ko bə apəy na faɗi. Mikayel kumna kəman məna kə *kaa kə digi kə Pepeŋ, də kaa kə digi gaalaŋ guudu ada, duuruŋ də dəragoŋ. Dəragoŋ duurunuy də kaa kə digi naataŋ gəm.

VEƊE 12:8

Səma dəragoŋ pəŋ bulum ba, kəya yə nəkaŋ bə fele ko bə isi apəy na pəda gəm.

VEƊE 13:14

Wə lenteŋ kaa gə cəərə seŋkaŋ wəra də miɗi bə minti wə nəkaŋ bə jəw də dər bege bə ajew. Bege tó bə ɓasiŋ haŋ gud kaŋ minti yə ɗampə karman la damdi bege bə ajew ana bə əyu tokɗeŋ. Bege toŋ, yə a ŋiinu də caafay, wə haraŋ wəra dədərgə.

VEƊE 16:14

Yə haa kəwal gə minti jəəti kar gə məɗ-miɗiŋ. Yə bə ɗe yaŋ a golde kəkamna gə cəərə seŋkaŋ da keɗe bə təpəy ciiri bə ɗe a duuriŋ dər hi boblo bə minti Pepeŋ Bar Səɓakiŋ bə bi a jeme kəətiŋ də kaŋ duruŋ.

VEƊE 18:2

Kəya wə əsəŋ bə naakte ku koloŋ minti: «Babilon, vil mootoŋ awaŋ ne wəra adawra, a awaŋ ne wəra adawra. A koloŋ máŋ haa ko bə minti kəwal də gidiirə karmə kəwal keɗe əsti ada. Gidiirə kasko gə liwisiŋ də kaayaŋ gə minti gole jeeɗem əsti haa ada gəm.

VEƊE 18:23

Lampaŋ wele ko wəra gerda hõy pəda. Kaa gə minti tope kəram kəmarwaŋ, hulum iskiy səməy hõy gerda pəda gəm. Kəəti toŋ gila keɗe bə bi cəərə haa gud bə minti kaa kə celeere naataŋ a jəŋ haa kaa kə samsam, daana kaa kə zal naataŋ a kaŋ ku gidiirə kaŋ wəra keɗe minti yə tapə la gud té.

VEƊE 19:20

A ko toŋa kəyaŋ, yə humuŋ bege bə waraŋ də bege bə minti jogte ku mini bə laŋte kaŋ. Bege tó bə ɓasiŋ jəətəŋ miɗiŋ də dər bege bə ajew. Gud miɗi toŋa, wə koloŋ bə lente kaa gə minti yə a məltənəy tarwa kə bege bə ajew siriŋ wəra, gə minti a kaŋ awalna a karman bə minti yə a ɗəmpunu bə he bege bə ajew. Bege toŋ ɓasi keɗe, yə vəənu dədərgə zugi a ko bə cəwa də sufrə hərhəraŋa.

VEƊE 2:13

Vil də minti aŋ gə əsə-isi adaŋ yaŋ nuutu də dərən, haa vil də minti *Sataŋ də əsə-isi kumna ada gəm. Səma aŋ əsəŋ ŋəŋ gə tapə-tepe dəərən, aŋ maltaŋ kuŋ cəərə de nəəti bə guudən ba, koo nuutu bə minti yə awaŋ Antipasi, bərdə kəkəy katən ɓetiŋ wəra gerdəŋa, a ko bə minti Sataŋ də əsə-isi kumna adaŋ.

VEƊE 2:24

Səma aŋ kaa gə Tiyatir gə minti doŋ haa də hate bə baymele toŋ baŋ, də kel kə metə-mete kə *Sataŋ bə gəm, ten waataŋ minti ten məlaŋ eele baalaŋ cəərəŋa ada pəda.

VEƊE 2:9

Ten bə asə-ase gəəli daana caaca nəətiŋ (səma a gəəziŋa ha'aŋ, aŋ kaa kə hurma). Wəra də dərəŋ minti kaa kəman yaŋ bə waataŋ səmaŋa baymele, kaa teŋ bə ufi kuya minti té kaanə Ziwifi, anaaŋa paapa, yə haa kaa kə tapə-tepe ciiri kə *Sataŋ.

VEƊE 20:10

Kəya yə gaŋ Nərtiti də minti a kəənəy kuy wəra a ko bə cəwa də sufrə hərhəraŋa, sar bege bə waraŋa daana bege bə minti jogte ku mini bə laŋte kaŋ. Yə bə se lasiŋ yaŋ máŋ bə faɗnə-faɗna, daaway də duugŋ keɗe.

VEƊE 20:8

A ɗe a ke ku gidiirə kaa gə cəərə seŋkaŋ yaŋ wəra a koŋa keɗe, haa Gogi daana Magogi. A kote cəərə kaŋ yaŋ wəra guuda bə ɗe a duuriŋ, ablaw di ji yaŋ anə hə̃ə̃'a damdi abəɗəskəŋ də ku kan kəmtəŋa ana.

VEƊE 3:9

Golə la, kaa té gə tapə-tepe ciiri kə *Sataŋ, kaa kə ŋete kel gə minti ji kusri minti té kaanə Ziwifi anaaŋa yə paapa kaanə Ziwifi baŋ, ten əyəy yaŋ kaasəŋa. Ten ji yaŋ kir minti yə ɗee la a feke də gigiiri tiiniŋa, kəya yə ase yaŋ minti ten bəlaŋ.

VEƊE 9:1

Hulum bə digi kə Pepeŋ bə wiiɗiw ufuŋ atoltom nuutuŋ kəyaŋ, ten asaŋ seska kəman bə awe warda adawra da. Yə ayna lakəle bə ku tələŋkə kələmləma də bay nobeŋ kaasa.

VEƊE 9:20

Kaa gə minti a yaakaŋ bay aweŋ kasi lasi taŋ, yə koloŋ kirki a kar gə minti yə a bə jəətiya ba. Yə yaakaŋ keerte bə kəwal daana bə kar gə minti yə guluy Pep neeteŋ ba. Yə ɗampaŋ kar té haa də kooso bə gusi awəy-awəy, də kooso pis-pisiŋ akas soloya ana, də kooso maaway, də pərkiŋ, kumundu ba də kəbaŋ. Haa kar gə minti neke bə ase ba, bə iski ba, bə ɗe bə gəm.