VEƊE 12:4 - JAA TƏMARWAŊ

⁴ A harwaŋ agal məna də ko bə seska bə ɓarsə-ɓarse duru soope'iŋ warda adawra da də dəgnə. A ɗeŋ a isi wəra tiinə həlgəŋa minti a waŋ ne wəra anəkay, tá hame beebeŋ wəra.

VEƊE 12:4 Iomraidhean Croise

Kel pəsaŋ kəmarwaŋ gə minti Zaŋ jiiriniy 8:44

Bəraŋ haa Nərtitiŋ daana aŋ bele ji haa kar gə minti giidə bələy gəm. Də anə hãã faɗi, a hulum bə awte titi. Kel kə gəəziŋ, teŋ haŋ sara ba anə ceki, gud maa mo gəəziŋ paapa giidə ba. Bə minti a ŋete kel, a waate haa kel gə minti bəŋ giidə daŋ gud bə minti a hulum bə ŋete kel, a haa Nər kel kə ŋeteŋ faɗi.

I PIYER 5:8

Aŋ jəə la wəra gə ɗampə-ɗampe saksaki, aŋ amə kusrəŋ la pisi. Nərtitiŋ, hulum bə acukur nəətiŋ, bə ɓəkti agəjaŋ dəŋa, bə golde huluma bə ɓəlku wəra damdi googoŋ hage bə golde karman bə liki ana.

VEƊE 12:7

Kəya duuri kəman awaŋ a ko bə apəy na faɗi. Mikayel kumna kəman məna kə *kaa kə digi kə Pepeŋ, də kaa kə digi gaalaŋ guudu ada, duuruŋ də dəragoŋ. Dəragoŋ duurunuy də kaa kə digi naataŋ gəm.

VEƊE 12:9

Dəragoŋ mooto wiriktikaŋ, haa hənji də dayday, hənji də minti yə mante minti Nərtitiŋ kumundu ba *Sataŋ. A haa karman bə minti vaŋ kaa gə cəərə seŋkaŋ bə ji baymeleŋaŋ. Yə zogna də kaa kə digi naataŋ keɗe warda apəy da cəərə seŋkaŋ da.

VEƊE 13:2

Bege toŋ haŋ kiiriw ana dege'-dege'i, kəmpuru kəmtəŋ də kaaɗe ana simik-simik, gilirgu kempeleŋ ana sĩĩt-sĩĩt gəm, ku damdi ku googoŋ ana. Kəya dəragoŋ boblo əynu səɓaki nuutuŋ, jaaŋa nuutu də kumnaŋ, abay nuutu həmhəmaŋ gəm.

VEƊE 13:4

Kəya yə əsəŋ bə ke awalna a dəragoŋ gud bə minti a ayaŋ abay a begeŋ. Yə əsəŋ bə ke awalna a begeŋ gəm minti: hulum bə ŋere də begeŋ paapa, hulum bə duuri duuru paapa gəm.

VEƊE 16:13

Kəya ten asaŋ kəwal soope, yə damdi agezegiŋ ana. Məna kəlaŋ warda ku dəragoŋ da, naayaw toŋ ku bege bə waraŋ da, baalaŋ kəlaŋ warda ku bege bə wara bə ɓasi bə minti jogte ku mini bə laŋte kaŋ gəm.

VEƊE 17:18

Həlgə də minti tam a asna kənaŋ, haa vil mooto də minti də əsə-isi cəərə kəkamna gə cəərə seŋkaŋaŋ keɗe.»

VEƊE 20:2

Wə doŋ dəragoŋ, dəragoŋ taŋ haa hənji də dayday, Nərtitiŋ, daana *Sataŋ. Wə untunu də gaalay, wə gaana giidə tələŋkə kələmləma də bay nobeŋa a daŋgaya kir laate guɓi. Wə gisiŋ ku tələŋkəŋ də lakəle, wə larpəna ku wəra də karman minti a jəə la də gisə-gisi kir laate guɓi minti dəragoŋ a laŋte gidiirə kaŋ wəra pəda. Adordə laate toŋa kəyaŋ, yə bə hare bə bədə wəra kir hiti anə maka bagŋ.

VEƊE 8:10

Hulum bə digi kə Pepeŋ bə soopeŋ ufuŋ atoltom nuutuŋ, kəya seska mooto kəman bə halɗe kəsəlɗə damdi cəwaŋ ana, awaŋ warda adawra da. A awaŋ cəərə agal də soope də anə vora daana ko bə minti kan ãyte warda də adaŋ.

VEƊE 8:11

Seska taŋ yə manta minti «Gəlag-gəlagi». Agal də soope də kan koloŋ wəra gəlag-gəlagi. Kaŋ ablaw gə minti səənəy meŋ wəra kas gəlag-gəlagi diŋ.

VEƊE 8:12

Hulum bə digi kə Pepeŋ bə waaɗeŋ ufuŋ atoltom nuutuŋ, kəya agal də soope də cəwa də wele koŋ, kitir daana seskaŋ gəyaŋ wəra faɗi, yə paapa bə welɗe pəda də aŋar də ko kəman ta'i. Ko bə daaway, agal du də soopeŋ, welɗe də cəwa də apəyaŋ jəŋ duru ba. Ko bə duugŋ, agal du də soopeŋ, kitir daana seskaŋ, welɗe diŋ jəŋ cuuru bə gəm.

VEƊE 8:7

Hulum bə digi bə ajew ufuŋ atoltom nuutuŋ, kəya asərpəyaŋ daana cəwaŋ də tapə-tepe dərə də kor əsəŋ bə rayte də səɓaki cəərə seŋkaŋa faɗi. Cəwaŋ kuŋ agal də seŋka də soopeŋ wəra, a kuŋ kəbaŋ daana kaɗəkaw gə giidə seŋka taŋ wəra keɗe gəm.

VEƊE 8:8

Hulum bə digi kə Pepeŋ bə ɓasiŋ ufuŋ atoltom nuutuŋ, kəya karman kəman damdi pərki boblo ana bə do'ə-do'e, awaŋ dər kan kəmtəŋa. Agal də soope də kan kəmtəŋ koloŋ wəra kor.

VEƊE 8:9

Kar gə minti a jəŋ dədərgə zugi dər kan teŋaŋ meŋ wəra, kətartaw kəmtəŋ gə minti cəərə kan teŋa ɓalkətaŋ wəra keɗe gəm.

VEƊE 9:10

Digni də kew damdi dəgnə turtiŋ ana. Abay də minti yə lese kaŋ dəərəŋ kir kitir wiiɗiw, haa digni.

VEƊE 9:19

Gud minti abay kə anə gədaamoŋ haa kuya daana digni. Digni damdi kancaw ana, ciiri ada bə ji lasiŋ a kaŋ.