VEƊE 12:3 - JAA TƏMARWAŊ

³ Kəya kel kəmtəŋ kəman gə ŋili kaa vəɗaŋ apəy da pa. Kel teŋ haa dəragoŋ kəman hərlə, a mooto anə wiriktiki. Cəərə seeɗa, gaw də hori, karmə kaŋkəlaŋ gə kumnaŋ gə maltə-malte wəra cəərə məna-məna seeɗa keɗe.

VEƊE 12:3 Iomraidhean Croise

VEƊE 12:1

Kəya kel kəmtəŋ kəman gə ŋili kaŋ vəɗaŋ warda apəy da. Kel teŋ haa həlgə kəman də darə-dere cəwa də wele koŋ sara, kampara gə maltə-malte cəərə kitira, kaŋkəlaŋ gə kumnaŋ gə ɗampə-ɗampe də seska hor cəərə ɓasi gə malə-mele cəərə.

VEƊE 12:13

Bə minti dəragoŋ asaŋ minti yə gaŋ tá warda cəərə seŋka da kaydaŋ, a əsəŋ bə sarme həlgə də minti a də waa-we beebe koŋkor faɗi.

VEƊE 12:17

A wəra bə kolə-kole waŋ hasi sar həlgəŋa tə bə moŋ, a əsəŋ bə duuri də kaasaw də həlgə kaayaŋ gə minti humuŋ kosoŋ cəərə ku gili kə Pepeŋa daana doŋ kel gə minti Yeesu a jəŋ bar kəkəy diŋ.

VEƊE 12:4

A harwaŋ agal məna də ko bə seska bə ɓarsə-ɓarse duru soope'iŋ warda adawra da də dəgnə. A ɗeŋ a isi wəra tiinə həlgəŋa minti a waŋ ne wəra anəkay, tá hame beebeŋ wəra.

VEƊE 12:7

Kəya duuri kəman awaŋ a ko bə apəy na faɗi. Mikayel kumna kəman məna kə *kaa kə digi kə Pepeŋ, də kaa kə digi gaalaŋ guudu ada, duuruŋ də dəragoŋ. Dəragoŋ duurunuy də kaa kə digi naataŋ gəm.

VEƊE 12:9

Dəragoŋ mooto wiriktikaŋ, haa hənji də dayday, hənji də minti yə mante minti Nərtitiŋ kumundu ba *Sataŋ. A haa karman bə minti vaŋ kaa gə cəərə seŋkaŋ bə ji baymeleŋaŋ. Yə zogna də kaa kə digi naataŋ keɗe warda apəy da cəərə seŋkaŋ da.

VEƊE 13:1

Kəya ten asaŋ bege bə wara bə waŋ-waŋ bə li da warda dər kan kəmtəŋ da. Bege toŋ cuuru seeɗa, gəw du hor gəm. Gəw du wəra də karmə kaŋkəlaŋ gə kumnaŋ ciiri hor keɗe. Sam bə sarte sam Pepeŋ wəra bə jeerə-jeere cəərə cuuru taŋa məna-məna keɗe.

VEƊE 13:2

Bege toŋ haŋ kiiriw ana dege'-dege'i, kəmpuru kəmtəŋ də kaaɗe ana simik-simik, gilirgu kempeleŋ ana sĩĩt-sĩĩt gəm, ku damdi ku googoŋ ana. Kəya dəragoŋ boblo əynu səɓaki nuutuŋ, jaaŋa nuutu də kumnaŋ, abay nuutu həmhəmaŋ gəm.

VEƊE 13:4

Kəya yə əsəŋ bə ke awalna a dəragoŋ gud bə minti a ayaŋ abay a begeŋ. Yə əsəŋ bə ke awalna a begeŋ gəm minti: hulum bə ŋere də begeŋ paapa, hulum bə duuri duuru paapa gəm.

VEƊE 15:1

Kəya ten asaŋ kel kəmtəŋ pəsaŋ gə ŋili kaa gaalaŋ apəy da pa: *kaa kə digi kə Pepeŋ seeɗa gə minti wə əynəy kəkəy minti yə vaa lese bə adoro seeɗa'i la cəərə seŋkaŋ naŋ. Lese toŋ haa kel gə minti waŋ kə Pepeŋ doŋ ku wəra cəərə seŋkaŋa duuruŋ.

VEƊE 16:13

Kəya ten asaŋ kəwal soope, yə damdi agezegiŋ ana. Məna kəlaŋ warda ku dəragoŋ da, naayaw toŋ ku bege bə waraŋ da, baalaŋ kəlaŋ warda ku bege bə wara bə ɓasi bə minti jogte ku mini bə laŋte kaŋ gəm.

VEƊE 17:12

Gəw du hori gə minti tam a əsnəy, haa kəkamna hori gə minti teŋ əstəŋ kəm bə hame kumnaŋa baŋ. Yə bə fele abay bə hame kumnaŋ də aŋar də ler məna bagŋ də bege bə wara bə waŋ-waŋ.

VEƊE 17:16

Gəw du hori gə minti tam a əsnəy minti yə kəna kəkamnaŋ, də bege bə wara bə waŋ-waŋ, yə mele dər maswaŋ yaŋ wəra. Yə bə humi kar naataŋ yaŋ wəra keɗe, yə bə gaara yaŋ wəra gəlaana caw. Yə bə hame kusuki də yaŋ, yə bə kuurə yaŋ wəra də cəwaŋ.

VEƊE 17:7

Kəya hulum bə digiŋ waatənan minti: «Tam ŋələŋ haa səm mo? Ten kam gud kel gə metə-mete kə həlgəŋ yaŋ wəra, də bege bə wara bə cuuru seeɗa'iŋ də gəw du horiŋ bə minti bə halaŋ.

VEƊE 19:12

Duru də goleŋ damdi kəsəlɗə cəwaŋ ana, kaŋkəlaŋ gə abay-abay cuuru anə pər. Sam kəman yaŋ bə jeerə-jeere suru, sam toŋ də duru təwa.

VEƊE 20:2

Wə doŋ dəragoŋ, dəragoŋ taŋ haa hənji də dayday, Nərtitiŋ, daana *Sataŋ. Wə untunu də gaalay, wə gaana giidə tələŋkə kələmləma də bay nobeŋa a daŋgaya kir laate guɓi. Wə gisiŋ ku tələŋkəŋ də lakəle, wə larpəna ku wəra də karman minti a jəə la də gisə-gisi kir laate guɓi minti dəragoŋ a laŋte gidiirə kaŋ wəra pəda. Adordə laate toŋa kəyaŋ, yə bə hare bə bədə wəra kir hiti anə maka bagŋ.