VEƊE 12:1 - JAA TƏMARWAŊ

¹ Kəya kel kəmtəŋ kəman gə ŋili kaŋ vəɗaŋ warda apəy da. Kel teŋ haa həlgə kəman də darə-dere cəwa də wele koŋ sara, kampara gə maltə-malte cəərə kitira, kaŋkəlaŋ gə kumnaŋ gə ɗampə-ɗampe də seska hor cəərə ɓasi gə malə-mele cəərə.

VEƊE 12:1 Iomraidhean Croise

MATIYE 12:38

Kəya sərdə *kaa kə hate ku gili kə Pepeŋ daana kaanə *Farisiyeŋ əsəŋ bə waate Yeesu minti: «Hulum bə hateŋ, are bele minti tam jəə karman bə ge dər la a are.»

MATIYE 24:30

Də ko toŋ kəyaŋ, karman bə veɗe yaŋ warda apəy da bə ge dər kaŋ minti *Kormə Hulúm day da. Kəya kaasaw də kaa gə cəərə seŋkaŋ keɗe bə laawe yaŋ ablaw, daana yə ase Kormə Hulúm yaŋ bə bi da apəy da dər kamraŋ da wəra də səɓaki daana dər pəɗakiŋa bə welɗe wəra kaŋkaŋ.

MARKƏ 13:25

seskaŋ bə awte yaŋ warda, səɓaki də apəyaŋ miirti yaŋ gəm.

LIKI 21:11

Seŋkaŋ miirti yaŋ də səɓaki, tay bə jəəti yaŋ ta'-ta'i a koŋa, daana boŋ gəm. Kar gə məɗ-miɗi gə ji walka ablaw jəəti yaŋ apəy da.

LIKI 21:25

«Kəya kar gə məɗ-miɗi ji yaŋ dər cəwaŋa, dər kitira, daana dər seska də apəy da. Cəərə seŋkaŋaŋ, kaŋ lente yaŋ wəra, yə ji walka yaŋ kas naakte bə kosoŋ bə kan kəmtəŋ daana kas caɓte diŋ.

Kel pəsaŋ kəmarwaŋ gə minti Zaŋ jiiriniy 3:29

Aŋ gosə gole la kəm, a ko bə kəɗwəy gə de həlgəŋaŋ, hulum bə dooraŋ haa gedraŋ bə mo? Bərdə kəkəy nuutuŋ isi máŋ maŋ suru ha'aŋ, bə usku ku. Kusru ji wəra də waale anə holoŋ-holoŋ bə minti wə bə iski ku dəəruŋaŋ. Waale katən bə gud Hulum bə minti Pepeŋ ŋəmnuŋ, wə haa bədoona ana gəm, wə wəra bə doo-de ku anə kaŋkaŋ faɗi.

JOŊRE 2:19

Ten bə jəəti kar gə məɗ-miɗi yaŋ apəy da tarmə pepeŋ da, adawra kəna gəm. Kar kə celte tarmə kaŋ bə jəəti yaŋ bə gay diri wəra minti kel bə ɗe jəəti yaŋ ajew na. Kel teŋ bə ji ha'aŋ: kor, anə cəwa də do'e hərhəraŋ, keseŋ bə əntə-ənti tinil-nil-niliŋ.

ROMEŊ 13:14

Aŋ ganə la haa də Barkaŋ Yeesu Kristu. Aŋ yaakə ɗiki bə kar gə minti kusrəŋ bə hatə-hate də baymeleŋ bele minti aŋ jəy laŋ la faɗi.

ROMEŊ 3:22

Pepeŋ kole kaŋ duru ɗeker haa gud de neete bə gud Yeesu Kristuŋa. Wə ji də hulum mundu mundu mo bə minti doŋ neŋ haa bədoona ana, gud maa mo wə gole kaŋ gəga'-gəga'i

II KOREŊTƏŊ 11:2

Gud maa mo bele katən bə cəərəŋ paapa bə yaakana bə ayaŋ kəkəy bə hare ɗiki dəŋ na warna cəərə hulum baalaŋ na ba. Pepeŋ bə balə-bele haa bədoona gəm. Aŋ haa bə tər tew də minti əsəŋ kəm də koŋkor baŋ ana. Ten bə jəŋ kel dəŋa bə bəlaŋ a hulum ɗaaməna, hulum toŋ haa Kristu.

GALATIŊ 3:27

Aŋ wəra haa gə tapə-tepe duuru bə minti yə jəənəŋ batem. Kəya aŋ he wəra haa sar kel kə Kristu faɗi.

GALATIŊ 4:26

Səma Sara taŋ a paapa kafkam ba, kel də ŋəraŋ haa də Zeruzalem də minti apəy naŋ ana gəm, vil də gəəzə-gəəzi kə Pepeŋ. Kaa gə minti giidə vil taŋaŋ, paapa kafkam kə hulum ba. Bədoona ta, Sara koloŋ máŋ haa bə nər áŋ ana'i.

GALATIŊ 6:14

Ten toŋ ha'aŋ, ten hage haa sam me də Barkaŋ náŋ Yeesu Kristu wəra a kəbaŋ gə largaŋa təwa, ten hage sam karman baalaŋ ba. Gud me kə Yeesuŋa tə bə moŋ, kar gə minti bə gole dər kaŋa pəsaŋ cəərə seŋkaŋaŋ, yə paapa bə gole dərəna karman pəda hasi, yə paapa gə əsə-isi kumna cəərəna pəda gəm.

EFESIŊ 5:32

Kəna ta'i kənaŋ, kel kəmtəŋ gə metə-mete yaŋ ada. Ten waate haa kəna sam karman bə minti ten a wəətunu səmu kanda cəərə Kristu da də kaa kə Tapiŋ.

VEƊE 1:20

Seska seeɗa'a tá də minti tam a asna a kaasən kemeraŋ, də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, gud kel di gə metə-meteŋ haa minti: seska seeɗa'aŋ haa *kaa gə digi kə Pepeŋ gə minti bə gole cəərə kaa kə Tapi gə giidə vil seeɗa'aŋaŋ. Lampa seeɗa'aŋ haa Tapi taŋ faɗi gəm.»

VEƊE 11:19

Kəya ku *Kuli kə Pepeŋ apəy naŋ bəŋəŋ wəra. Kəya ten asaŋ *cokrom bə *jaŋ ada ta'i giidu. Kəya koŋ welɗeŋ, dordə kar kəman hagaŋ, təbay də koŋ dəbaŋ, seŋkaŋ miiriŋ ŋgiɗ-ŋgiɗi, asərpəyaŋ vaŋ pərtət faɗi gəm.

VEƊE 12:3

Kəya kel kəmtəŋ kəman gə ŋili kaa vəɗaŋ apəy da pa. Kel teŋ haa dəragoŋ kəman hərlə, a mooto anə wiriktiki. Cəərə seeɗa, gaw də hori, karmə kaŋkəlaŋ gə kumnaŋ gə maltə-malte wəra cəərə məna-məna seeɗa keɗe.

VEƊE 15:1

Kəya ten asaŋ kel kəmtəŋ pəsaŋ gə ŋili kaa gaalaŋ apəy da pa: *kaa kə digi kə Pepeŋ seeɗa gə minti wə əynəy kəkəy minti yə vaa lese bə adoro seeɗa'i la cəərə seŋkaŋ naŋ. Lese toŋ haa kel gə minti waŋ kə Pepeŋ doŋ ku wəra cəərə seŋkaŋa duuruŋ.

VEƊE 21:14

Gud gulmun toŋ bə gaa-ge cəərə pərki hor cuuru ɓasi. Sam *kaa kə vaa-ve hor ciiri ɓasiŋ kə Kormə Taaməkaŋ wəra bə jeertə-jeerte cəərə pərki toŋa.

VEƊE 21:23

Vil paapa də caadə cəwa də wele koŋ kumundu ba də kitir minti yə walə koŋ la cəərə pəda, gud maa mo məyan kə Pepeŋ wele koŋ wəra, Kormə Taaməkaŋ welɗe damdi lampaŋ ana gəm.