VEƊE 11:2 - JAA TƏMARWAŊ

² Tiilim də Kuli kə Pepeŋ, yaakə taŋ la bay ŋamte gud maa mo yə a ayaŋ ko toŋ a kaa gə minti paapa gə Ziwifi baŋ. Kaa teŋ tayte vil kə Pepeŋ yaŋ wəra kir kitir hor-hor waaɗe cuuru ɓasi.

VEƊE 11:2 Iomraidhean Croise

MATIYE 27:53

Yə vaŋ warda giidə teɗker da. Adordə minti Yeesu haraŋ wəra dədərgə adordə meŋaŋ, yə kooroŋ giidə vil kə Pepeŋ, kaa ablaw əsnəy də diri.

MATIYE 4:5

Kəya a kooroŋ duuru giidə vil də Zeruzalem. A usnu apəya a lewlew də *Kuli kə Pepeŋa.

MATIYE 5:13

«Aŋ haa damdi manta ana adəwaldə kaa gə cəərə seŋkaŋa gadi faɗi. Səma jəəne minti wə za'laŋ ne wəraŋ, hulum neke yaŋ bə həru dihi pə mo? Joŋre du pa pəda, yə vaw warna taakaw na, kaŋ təytu máŋ wəra.

LIKI 21:24

A ko toŋa, yə awe kaŋ yaŋ wəra də macəlam, yə humti sirdiŋ yaŋ warna a daŋgay na adəwaldə gidiirə kaa gaalaŋ na warna keɗe. Kaa gə minti paapa kaanə Ziwifi baŋ tayte Zeruzalem yaŋ wəra, hãã bə minti hi neeteŋ neke wəraŋ.»

HEBEREŊ 10:29

Jəəne bədoona anaŋ, hulum bə minti hage də Kormə Pepeŋ baahãy, wə hage də kor bə minti Pepeŋ doŋ *jaa duuru də kaŋ daana bə minti kulnu wəra cetceti, karman bə boobo, wə sarte Tiiru Cetcetaŋ də minti aye pisi kə Pepeŋ a áŋ, a ɗiki nəətiŋa, daŋgay də minti wə ɗe a fəlaŋ, a gəəli dəŋaŋ kə naytoŋ kampa aniinə mo?

VEƊE 11:11

Adordə hiti tó soope'i də nusiŋa kəyaŋ, kaŋkaw gə aye dədərgəŋ bi yaŋ sar Pepeŋ da, yə bə kalte yaŋ giidə titiŋa ɓasi keɗe, kəya yə bə piti yaŋ wəra apəya faɗi. Kaa gə minti bə guluyaŋ, tiiri bə lerɗe yaŋ wəra kas walkaŋ.

VEƊE 11:3

Kitir toŋ hitiŋ giidu 1.260. Də ko toŋ kəyaŋ, kəmnə də kəkəy katən ɓasiŋ, ten vay yaŋ na minti yə jogtə ku mini katən la wəra. Dəməəmə də laaweŋ ji yaŋ də tarə-tere siri.»

VEƊE 12:6

Kəya həlgəŋ gədaŋ warna a ful na, a ko bə minti Pepeŋ a ɗəmpunu a nəənə minti yə aya hameŋ la ada kir hiti 1.260.

VEƊE 21:10

Kəya Tiiru Cetcetaŋ vaŋ cəərəna, hulum bə digiŋ kooroŋ warna dəərən a lewlew də pərki na anə tooto. Wə gaanan dərən cəərə Zeruzalema, vil kə Pepeŋ də minti bə ve da warda apəy da sar Pepeŋ da.

VEƊE 21:2

Kəya ten asaŋ vil kə Pepeŋ, Zeruzalem Təmarwaŋ bə sorke da warda apəy da sar Pepeŋ da. A pasa damdi tər də minti ɗampaŋ kusrə wəra bə de koŋkor ana.

VEƊE 22:19

Hulum bə minti haŋ karman ne wəra anə məna guudiŋ, Pepeŋ haw ku yaŋ wəra minti wə a kele giidə vil kə toŋa ba, wə a hame we də kəbaŋ gə aye dədərgəŋ bə gəm.