VEƊE 10:1 - JAA TƏMARWAŊ

¹ Adoro kəyaŋ, ten asaŋ *hulum bə digi kə Pepeŋ bə səɓaki bə ve da warda adawra da sar Pepeŋ da. Kamraŋ gə vaa-ve suru damdi dəməəmə ana, akaarə pepeŋ də gaa-ge cuuru ada gəm. Duru damdi cəwa də apəyaŋ ana, kəmpuru damdi kəbaŋ gə karə-kere bə do'e ana.

VEƊE 10:1 Iomraidhean Croise

MATIYE 17:2

A ko toŋa kəyaŋ, yə asaŋ dər Yeesu anəkayya bə kole hal, tiinu əsəŋ bə welɗe bə cəwa də apəyaŋ ana, dəməəmə nuutuŋ koloŋ wəra bərwa anə ceɗek-ceɗeki, welɗe dəŋ damdi kə pəɗakiŋ ana gəm.

LIKI 21:27

Kəya yə ase Kormə Hulúm yaŋ bə bi da dər kamraŋ da daana dər pəɗakiŋa bə welɗe wəra kaŋkaŋ.

JOŊRE 26:13

Bədoona ta kumnaŋ, də ko bə minti ten a kəkəy naŋ, də cəwa də daaway ɗekeraŋ, pəɗaki mooto kəman faŋ apəy da, welɗe dəŋ dəŋaŋ kə cəwa də apəyaŋ pə ɗaw. A wəlaŋ koŋ wəra cəərəna ɓəki, cəərə kaa gə minti a bə gəryi dəərən gəm.

VEƊE 1:7

Aŋ golə laŋ, wə day caw bə bi da dər kamraŋ daŋ. Kaŋ əsu yaŋ wəra də diri keɗe, koo nuutu kaa gə minti a kəptunuŋ. Kaasaw də kaa gə cəərə seŋkaŋ keɗe hage yaŋ kəəsu. Ãã, yə haa bədoona ana. Amen.

VEƊE 18:1

Adordə kel teŋa kəyaŋ, ten asaŋ *hulum bə digi kə Pepeŋ baalaŋ bə ve da adawra da. Wə də abay ablaw, welɗe də məyan nuutuŋ wəlaŋ cəərə seŋkaŋ warna keɗe.

VEƊE 18:21

Kəya hulum bə digi kə Pepeŋ bə səɓaki haŋ pərki boblo anə həb, wə gəənu dər kan kəmtəŋ na. Wə minti: «Yə bə ge Babilon vil mootoŋ, yaŋ warna də səɓaki anə vərra bədoona gəm. Hulum hare hõy bə asa pəda anə hasi.

VEƊE 20:1

Kəya ten asaŋ *hulum bə digi kə Pepeŋ bə ve da warda apəy da. Lakəle də ku tələŋkə kələmləma də bay nobeŋ kəəsu kay, də gaalay kəmtəŋ anə ɓətkəw-ɓətkəw gəm.

VEƊE 4:3

Hulum toŋ welɗe anə pelek-peleki damdi pərki bə ji ataara də minti yə manta minti «jaspəŋ» daana «sardəwan» ana. Agəjaŋ də jaaŋaŋa ha'aŋ, akaarə pepeŋ də gaa-ge ada bə welɗe anə jələw-jələw damdi pərki bə minti yə məntu «emerodiŋ» ana.

VEƊE 5:2

Kəya, ten asaŋ *hulum bə digi bə səɓaki kə Pepeŋ bə sewle də səɓaki minti: «Mindi toŋ bə nakə-neke kir poke kaknay wəra ku keftera daana bə buŋu ku wəra mo?»

VEƊE 8:13

Ɗe a goleŋa, ten əskəŋ marla kəman bə ɓəkti na apəy na bə sewle wəra anə koloŋ-koloŋ minti: «Gəəliŋ! Gəəliŋ! Gəəliŋ cəərə kaa gə cəərə seŋkaŋa kas naakte bə ku bə atoltom də minti kaa kə digi kə Pepeŋ soope'iŋ bə ɗe a ufəŋ!»