VEƊE 1:6 - JAA TƏMARWAŊ

⁶ Wə təpaŋ áŋ minti áŋ kolə la a kumna nuutuŋa *kaa gə keere kə Buru Pepeŋ. Tokɗeŋ də abay jəə la nuutuŋ bə faɗnə-faɗna. *Amen.

VEƊE 1:6 Iomraidhean Croise

MATIYE 6:13

A yaakə are bə ve dər kel gə minti Nərtitiŋ ke ku kaŋ diiriŋ ba. Səma, doo are la wəra kaasa.›

Kel pəsaŋ kəmarwaŋ gə minti Zaŋ jiiriniy 5:23

kir minti kaŋ keɗe han cəərən la apəya damdi yə bə haw cuuru apəyaŋ ana gəm. Hulum bə minti paapa bə han cəərəna apəya baŋ, wə he cəərə Barən bə minti gaanan daŋ bə gəm.

ROMEŊ 11:36

Gud maa mo jəŋ kar keɗe haa tó, yə lam haa kir kəəsu daana a nuunu gəm. Tokɗeŋ jəə la nuutu bə faɗnə-faɗnaŋ! *Amen.

ROMEŊ 15:6

Bədoona ana ta, aŋ tokɗe Pepeŋ yaŋ, Bar Barkaŋ náŋ Yeesu Kristuŋ, də ku tarməyaŋ daana dordoŋ məna.

FILIPIŊ 2:11

Mindi mindi mo waate yaŋ wəra də ku anə pəɗaki bə tokɗe Pep Abaŋa minti: «Yeesu Kristu haa Barkaŋ cəərə kara keɗe!»

I TIMOTE 6:16

Tó ɗaaməna faɗi wə saksaki caw dədərgə, wə me ba. Wə bə əsə-isi a ko bə pəɗaki bə welɗe bə minti hulum nəkaŋ bə ze suru maŋ baŋ. Hulum əsnu hõy ba, hulum neke bə əsu hebkəna bə pa. Tokɗeŋ, daana səɓakiŋ jəə la nuutu bə faɗnə-faɗna. Amen.

HEBEREŊ 13:21

Pep toŋ koloŋ la gə nakə-neke bə ji gidiirə pisiŋ wəra keɗe, kir minti aŋ jəə la haa karman bə minti giidu bəluŋ. Də Yeesu Kristu, wə jəə joŋre nuutu la cəərə áŋa bə kole áŋ wəra bə ji karman bə minti daw duruŋ. Aŋkeŋ jəə la kə Yeesu Kristu bə faɗnə-faɗna! *Amen.

I PIYER 4:11

Hulum a fəlaŋ ne haa hel də waate bə kel, wə waatə la wəra haa kel gə minti bəŋ kasi Pepeŋ daŋ. Hulum baalaŋ a fəlaŋ ne haa ji bə digiŋ a kaŋ, wə jəərə la haa də səɓaki də minti Pepeŋ əynu duŋ. A ji bə kar teŋa keɗe'iŋ, aŋ jəy la kir minti kaŋ tokɗə Pepeŋ la gud Yeesu Kristu haa guudiya faɗi. Gud maa mo, tokɗeŋ daana səɓakiŋ haa kə Pepeŋ bə faɗnə-faɗna. *Amen.

I PIYER 5:11

Səɓakiŋ jəə la nuutu bə faɗnə-faɗnaŋ! *Amen.

II PIYER 3:18

Aŋ suu la pisi suu dər pisiŋa daana dər aseŋ kə Barkaŋ náŋ Yeesu Kristuŋa, Hulum bə seereŋ. Tokɗeŋ jəə la máŋ nuutu hebkəna daana bə faɗnə-faɗna gəm! *Amen.

ZUDI 1:25

Pep ɗaaməna'iŋ, hulum bə seere áŋ, wə bə nakə-neke bə goloŋ cəərəŋ minti aŋ a laŋte bə ji baymeleŋa ba. Wə bə nakə-neke bə ɗe dəərəŋ warna tiinu na a ko bə məyan nuutuŋ na. Aŋ tuli ada na haa anə fənay-fənay bay baymele sarəŋa. Gud Barkaŋ náŋa Yeesu Kristuŋ, tokɗeŋ, məyan, səɓakiŋ daana abay, jəə la kə Pepeŋ ajew də mele bə gud koŋ daŋ, hebkəna, daana bə faɗnə-faɗna gəm. *Amen.

VEƊE 1:9

Kəna ten seeneŋ Zaŋ. Gud tapi náŋa də Yeesuŋ, ten haa kumsəŋ bə minti giidə *Kumna kə Pepeŋa gəm, ten bə se gəəliŋa daana ten bə mi ku damdi aŋ ana gəm. Yə gaanan warna cəərə ajomga də Patmosi na haa gud bə minti ten a waataŋ kel kə Pepeŋ wəra daana kel gə minti Yeesu a jəŋ bar kəkəy ciiriŋ wəra a kaŋ.

VEƊE 20:6

Waaleŋ kə kaa gə minti haraŋ wəra dədərgə ajew, yə haa kaa kə Pepeŋ. Yə me kampa bə ɓasiŋ pəda. Yə bə ji haa *kaa kə keere kə Pepeŋ daana a Kristu gəm. Yə isi yaŋ bə hame kumnaŋa duuru kir laate guɓi.

VEƊE 4:11

«Bar are, Pepeŋ, tam kir fele tokɗeŋ, aŋkeŋ daana səɓakiŋ. Gud maa mo, jəŋ kar keɗe haa tam, tam bəlaŋ minti yə jəə la zugi, yə máŋ zugi haa gud teŋa.»

VEƊE 5:10

Tam kulnuy wəra *kaa kə keere kə Pep náŋ minti yə jəə la kaa nuutu a ko bə kumna nuutuŋa, daana yə əsə la kəkamna cəərə seŋkaŋa.»