VEƊE 1:3 - JAA TƏMARWAŊ

³ Waaleŋ cəərə hulum bə minti aŋkaŋ kefter toŋ, cəərə kaa gə minti əskəŋ kel té gə minti *hulum bə jogte ku miniŋ a wəətənəy ne wəraŋ daana gə minti humi kosoŋ ciiriŋ gəm. Gud maa mo, hi bə minti kar teŋ tuli duruŋ wəra maŋ.

VEƊE 1:3 Iomraidhean Croise

MATIYE 24:15

«Kəya aŋ bə ase karman bə jeeɗem-jeeɗem bə ɓalke ko bə ablaw-ablaw bə əsə-isi a *ko cetceti kə Pepeŋa. Daniyel *hulum bə jogte ku mini kə Pepeŋ a wəətunu səmu warda.» (Hulum bə minti bə aŋke kel teŋaŋ, iskiy guudi la wəra pisi!)

LIKI 11:28

Səma Yeesu haraŋ kel minti: «Waaleŋ haa ɗaw kə kaa gə minti bə iski kel kə Pepeŋa daana duuniy neŋ!»

ROMEŊ 13:11

Aŋ jəə la bədoona ana gud bə minti aŋ gə asə-ase ko bə minti áŋ duruŋ. Hebkəna haa cəwa də minti aŋ gunə la wəraŋ, gud maa mo ko bə minti Pepeŋ de ku seereŋ wəra a áŋ wəra máŋ sar áŋa dəŋaŋ bə minti áŋ a doŋ guuduŋ.

ROMEŊ 13:12

Koŋ bə jeme da warda, tilməŋ bə raawe. Bədoona ana áŋ yaakə jəəti bə kar gə dər tilməŋ la wəra, áŋ ganə la máŋ sar áŋa haa kar kə duuri gə minti áŋ duuri diiri wəra dər pəɗakiŋaŋ.

I PIYER 4:7

Hi máŋ wəra maŋ bə minti kar keɗe tewe wəraŋ. Gud teŋa ta, aŋ amə kusrəŋ la pisi daana aŋ ɗampə ɗiki dəŋ la wəra, kir minti aŋ jəə la gə nakə-neke saksaki bə toose Pepeŋ.

II PIYER 3:8

Gədaarənti, karman yaŋ məna bə minti cəərəŋ a ge toŋ wəra baŋ: hi məna'iŋ gole dər Barkaŋa damdi laate guɓiŋ ana, laate guɓiŋ gole duru damdi hi məna'iŋ ana gəm.

VEƊE 22:10

Kel gə minti kefter toŋ jugnuy wəraŋ kəyaŋ, a doy gə metə-mete kay ba, gud maa mo hi bə minti yə de kuy yaŋ wəra duruŋ wəra maŋ.

VEƊE 22:12

Yeesu minti: «Aŋ jeɓrə la pisi! Ten wəra maŋ bə bi. Ten bi haa də werke kə kaŋ kaasəna, ten werke mindi mindi mo haa də aŋar də joŋre bə minti wə a juunuŋ.

VEƊE 22:20

Yeesu, hulum bə minti kaŋ gud kar teŋ wəraŋ, minti: «Gəəzi, ten wəra maŋ bə bi.» *Amen, Barkaŋ Yeesu, bəəda!

VEƊE 3:11

Ten maŋ bə tuli. Kel gə minti aŋ a duuniŋ, aŋ doy la kaasəŋa ŋəŋ kir minti hulum a bi a he werke bə bulum nəətiŋ wəra ba.