VEƊE 1:16 - JAA TƏMARWAŊ

¹⁶ Seska a kəəsu kemera seeɗa. Caafay də kəsnə ɓasa gə kaa-ke kəlaŋ warda ku da. Tiinu welɗe damdi cəwa də daaway ɗeker-keraŋ ana.

VEƊE 1:16 Iomraidhean Croise

MATIYE 17:2

A ko toŋa kəyaŋ, yə asaŋ dər Yeesu anəkayya bə kole hal, tiinu əsəŋ bə welɗe bə cəwa də apəyaŋ ana, dəməəmə nuutuŋ koloŋ wəra bərwa anə ceɗek-ceɗeki, welɗe dəŋ damdi kə pəɗakiŋ ana gəm.

JOŊRE 26:13

Bədoona ta kumnaŋ, də ko bə minti ten a kəkəy naŋ, də cəwa də daaway ɗekeraŋ, pəɗaki mooto kəman faŋ apəy da, welɗe dəŋ dəŋaŋ kə cəwa də apəyaŋ pə ɗaw. A wəlaŋ koŋ wəra cəərəna ɓəki, cəərə kaa gə minti a bə gəryi dəərən gəm.

EFESIŊ 6:17

Aŋ doo seereŋ la damdi kaŋkəlaŋ gə duuri ana, daana kel kə Pepeŋ damdi caafay də minti Tiiru Cetcetaŋ ayaŋ dəŋ ana gəm.

HEBEREŊ 4:12

Gud maa mo, kel kə Pepeŋ yə də dədərgə, yə anə də'əfi də səɓaki gəm. Yə də kəsəŋ dəŋaŋ macəlam bə minti kusnu gə kaa-ke wəra agala ɓasi keɗeŋ. Yə hame sar huluma haa anə pəɗamɗam faɗi, hãã bə minti yə ɗe a ɗoote ko bə minti dədərgəŋ daana ɗikiŋ gə əsə-isi adaŋ, ko bə minti dər kəskəŋ gə maltə-malteŋ daana son bə diriŋ gə əsə-isi adaŋ warda gəm. Ge gud kar gə ku tarmə áŋ gə minti áŋ bele jəy wəra minti yə bayməlaŋ mo, pəsaŋ mo, haa té gəm.

VEƊE 1:20

Seska seeɗa'a tá də minti tam a asna a kaasən kemeraŋ, də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, gud kel di gə metə-meteŋ haa minti: seska seeɗa'aŋ haa *kaa gə digi kə Pepeŋ gə minti bə gole cəərə kaa kə Tapi gə giidə vil seeɗa'aŋaŋ. Lampa seeɗa'aŋ haa Tapi taŋ faɗi gəm.»

VEƊE 10:1

Adoro kəyaŋ, ten asaŋ *hulum bə digi kə Pepeŋ bə səɓaki bə ve da warda adawra da sar Pepeŋ da. Kamraŋ gə vaa-ve suru damdi dəməəmə ana, akaarə pepeŋ də gaa-ge cuuru ada gəm. Duru damdi cəwa də apəyaŋ ana, kəmpuru damdi kəbaŋ gə karə-kere bə do'e ana.

VEƊE 12:1

Kəya kel kəmtəŋ kəman gə ŋili kaŋ vəɗaŋ warda apəy da. Kel teŋ haa həlgə kəman də darə-dere cəwa də wele koŋ sara, kampara gə maltə-malte cəərə kitira, kaŋkəlaŋ gə kumnaŋ gə ɗampə-ɗampe də seska hor cəərə ɓasi gə malə-mele cəərə.

VEƊE 19:15

Caafay də kəsnə də kaa-ke bə kalə-kele warda ku da, bə ŋete gidiirə kaŋ wəra. Wə bə isi yaŋ ciiri də səɓaki anə kəŋkəŋ də gədəwa koosoŋ kəəsu. Wə bə peete we də atələələma yaŋ wəra a ko bə peeteŋa bə de kumuy də bə veɗe waŋ kə Pep Bar Səɓakiŋ.

VEƊE 19:21

Kaayaŋ gə guudiŋ, hulum bə cəərə gədaamoŋ əwnəy wəra də caafay də minti kəlaŋ warda ku daŋ. Kəya kaskoŋ seepteŋ wəra keɗe də kusuki di.

VEƊE 2:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Efesiŋaŋ minti: ‹Hulum bə minti seska seeɗa'aŋ a kəəsu kemeraŋ, bə minti bə gəryi aduubə də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, bə waataŋa minti:

VEƊE 2:12

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Pergamaŋ minti: ‹Hulum bə caafay də kəsnə ɓasa gə kaa-keŋ bə waataŋa minti:

VEƊE 2:16

Aŋ kolə kerkeŋ la a baymele nəətiŋ. Jəəne paapaŋ, ten wəra maŋ bə tuli sarəŋa bə bi a duuri kaa teŋ də caafay də kun.

VEƊE 3:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Sardəŋaŋ minti: ‹Hulum bə Tiiru Seeɗa'a kə Pepeŋ, də seska seeɗa'aŋ kəəsuŋ bə waataŋa minti: Joŋre nəətiŋ də dərən, kaa ablaw bə ɗiki cəərəŋa haa minti aŋ dədərgə zugi, ana doloy ha'aŋ, aŋ wəra gə mee-me.