VEƊE 1:11 - JAA TƏMARWAŊ

¹¹ minti: «Karman bə minti tam bə əsuŋ, jiiru la, kaa kefter toŋ la a kaa kə Tapi gə giidə vil seeɗa'aŋ haa kənaŋ: Efesi, Simirnə, Pergam, Tiyatir, Sardə, Filadelfi, Lawdise.»

VEƊE 1:11 Iomraidhean Croise

JOŊRE 16:14

Adəwaldə kəram teŋa ha'aŋ, həlgə kəman yaŋ ada, sam minti Litiya. A haa həlgə də Tiyatir daana a bə kaate awalna a Pepeŋ pa. Joŋre naataŋ haa celeere də dəməəmə pas-pasa də minti kaa kə begeŋ gustəŋ. Bə minti Pol bə waate kelaŋ, Barkaŋ malna ɗiki də ɗeketi cəərə kel teŋa, wə bəŋnə ku tarmaya wəra bə doy.

JOŊRE 18:24

Hulum bə Ziwifi bə Aleksandəri kəman, səmu minti Apolo, tuluŋ Efesi. Wə haa hulum bə minti waate kel də anul ablaw, daana wə asaŋ Kefter kə Pepeŋ pisi gəm.

JOŊRE 20:17

Bə minti are tuukuŋ Miletiŋ, Pol vaŋ kaa bə ɗe a waate kaa kəmtəŋ gə tiinə kaa kə Tapi gə Efesiŋ minti yə bəəda a ŋefe də tó.

I KOREŊTƏŊ 15:32

Kel gə minti kaŋ jəənən diiri giidə seŋka də Efesiŋaŋ haa damdi kuuri bə minti kaŋ kuuri kar kə waraŋ duuruŋ ana. Jəəne minti ten hale kel haa gud ɗiki bə kusukiŋa təwa faɗiŋ, ten fele maa ada mo? Jəəne minti kaŋ hare wəra dədərgə adordə meŋa baŋ, áŋ jəə la damdi kaŋ bə waate wəraŋ ana: «Áŋ hamə la, áŋ saa la nuutu ta, gud maa mo dibiini yaakaŋ cəərə áŋa haa meŋ!»

I KOREŊTƏŊ 16:8

Bə hebkənaŋ, ten kəm kəna Efesi hãã warna dər kəɗwəy gə Pantəkotiŋ na.

EFESIŊ 1:1

Jeere kefter toŋ haa ten Pol, ten bə minti Pepeŋ bəlaŋ minti ten kolə la *hulum bə gaa-ge kə Yeesu Kristuŋ. Ten gaw a kaa kə Pep gə minti giidə vil də Efesiŋaŋ, gə minti ɓeti a tepe neeteŋa də Yeesu Kristuŋ.

KOLOSIŊ 2:1

Bədoona ana, kuuri bə minti ten bə kuuru guudəŋaŋ, gud kəsaanan gə Lawdiseŋa daana kaayaŋ gə ablaw gə minti asnan hõy də diri baŋ, gəəliŋ naanaanə me'i moŋ, aŋ asə la wəra.

I TIMOTE 1:3

Bədoona ana, bə minti ten ɗəlaŋ koore warda bə ɗe Masedəwan, ten waatənam minti tam əsə la Efesi. Kaa kəman yaŋ ada bə duusi hate bə bay bəlam du. Gud teŋa ta, ten bele minti tam əsə la ada bə waate kaa teŋa minti yə yaakə hatə toŋ la.

VEƊE 1:17

Bə minti ten əsnu anəkay, ten awaŋ tiinu damdi ten wəra bə mee-me ana. Kəya wə məlaŋ kəəsu kemer sarəna, wə waatənan minti: «A ji walka ba! Ten haa hulum bə ajew, bə adoroŋ,

VEƊE 1:19

Bədoona ana, kar gə minti tam a əsnəy bə jiŋ keɗe, gə hebkəna, də kaayaŋ gə adoroŋ, jiiriy la.

VEƊE 1:2

Zaŋ topoŋ bəlam də kar gə minti wə əsnəy wəraŋ keɗe, wə minti kel teŋ haa kə Pepeŋ, Yeesu Kristu jəŋ bar kəkəy wəra ciiri.

VEƊE 1:20

Seska seeɗa'a tá də minti tam a asna a kaasən kemeraŋ, də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, gud kel di gə metə-meteŋ haa minti: seska seeɗa'aŋ haa *kaa gə digi kə Pepeŋ gə minti bə gole cəərə kaa kə Tapi gə giidə vil seeɗa'aŋaŋ. Lampa seeɗa'aŋ haa Tapi taŋ faɗi gəm.»

VEƊE 1:4

Jeere kefter toŋ a kaa kə Tapi gə giidə vil seeɗa'a də Aziŋ, haa ten Zaŋ. Pisiŋ də kəkaɓiŋ kə Pep bə minti a jəŋ caw, hebkəna caw, daana bə bi yaŋ caw gəm jəə la cəərəŋa. Pisiŋ də kəkaɓiŋ kə Tiiru Seeɗa'aŋ də minti də əsə-isi tiinə jaaŋa də kumnaŋaŋ jəə la cəərəŋa. Pisiŋ də kəkaɓiŋ kə Yeesu Kristu, bar kəkəy ɓetiŋ, hulum bə minti haraŋ wəra ajew dədərgə adordə meŋaŋ, kumna kə kəkamna gə cəərə seŋkaŋ, jəə la cəərəŋa. Yeesu haa hulum bə minti bəlaŋ áŋ, wə bədəŋ áŋ wəra ku baymele náŋa də kor du.

VEƊE 1:8

Barkaŋ Pepeŋ minti: «Ten haa Alfa, ten haa Omega. Ten haa hulum bə minti a jəŋ caw, ten hebkəna caw, ten bə bi yaŋ caw gəm, ten haa Bar Səɓakiŋ.»

VEƊE 10:4

Ten a ɗəlaŋ jeere dordə ko bə dabteŋ, a ko toŋa kəya dordə karman kəman əsəŋ bə waatan da apəy da minti: «Dordə ko bə minti a dabtaŋ kampa seeɗa'iŋ, yaakə toŋ la, a jeere kel gə metə-mete teŋ ba.»

VEƊE 14:13

Kəya ten əskəŋ dordə karman kəman bə waate kel da apəy da minti: «Jeerə kel teŋ la kəya: dər ko bə hebkənaŋa faɗi, waaleŋ kə kaa gə minti fəlaŋ meŋ gə tapə-tepe də Barkaŋ.» Tiiru Cetcetaŋ minti: «Ãã bədoona! Yə faake máŋ kas joŋre neete bə gəyəy ta, gud maa mo joŋre bə minti yə a juunuŋ ɗe diiri apəya daana waate kel yaŋ wəra ciiri gəm.»

VEƊE 19:9

Kəya *hulum bə digi kə Pepeŋ waatənan minti: «Jeerə la minti: ‹Waaleŋ kə kaa gə minti fəlaŋ mante bə bi a hame kəɗwəy gə minti Kormə Taaməkaŋ de həlgə diriŋ.› Teŋ haa kənaŋ, kel kə Pepeŋ gadi faɗi.»

VEƊE 2:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Efesiŋaŋ minti: ‹Hulum bə minti seska seeɗa'aŋ a kəəsu kemeraŋ, bə minti bə gəryi aduubə də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, bə waataŋa minti:

VEƊE 2:12

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Pergamaŋ minti: ‹Hulum bə caafay də kəsnə ɓasa gə kaa-keŋ bə waataŋa minti:

VEƊE 2:18

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Tiyatiraŋ minti: ‹Kormə Pepeŋ bə minti duru də goleŋ damdi kəsəlɗə cəwaŋ ana, kəmpuru welɗe damdi kooso pisi bə yoorə-yooreŋ ana, bə waataŋa minti:

VEƊE 2:24

Səma aŋ kaa gə Tiyatir gə minti doŋ haa də hate bə baymele toŋ baŋ, də kel kə metə-mete kə *Sataŋ bə gəm, ten waataŋ minti ten məlaŋ eele baalaŋ cəərəŋa ada pəda.

VEƊE 2:8

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Simirnəŋaŋ minti: ‹Hulum bə ajew, hulum bə adoroŋ, bə minti a meŋ wəra daana haraŋ wəra dədərgəŋ, bə waataŋa minti:

VEƊE 21:5

Kəya hulum bə cəərə jaaŋaŋ əsəŋ bə waate minti: «Aŋ golə la, ten haraŋ bə ji kara wəra kəmarwaŋ keɗe.» Wə waatənan minti: «Jeerə kel teŋ la gud maa mo kel katən haa kel kə gəəzi, yə haa kel ɓeti.»

VEƊE 22:10

Kel gə minti kefter toŋ jugnuy wəraŋ kəyaŋ, a doy gə metə-mete kay ba, gud maa mo hi bə minti yə de kuy yaŋ wəra duruŋ wəra maŋ.

VEƊE 22:16

Yeesu minti: «Ten Yeesu də kusrən, ten gaŋ hulum bə digiŋ bə ɗe a ke gud kar teŋ wəra a nəənəŋ, aŋ kaa kə Tapiŋ. Ten haa a kaasaw də gidiirə *Davidiŋa, Seska mooto də wele koŋ bəbəgiŋ.»

VEƊE 3:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Sardəŋaŋ minti: ‹Hulum bə Tiiru Seeɗa'a kə Pepeŋ, də seska seeɗa'aŋ kəəsuŋ bə waataŋa minti: Joŋre nəətiŋ də dərən, kaa ablaw bə ɗiki cəərəŋa haa minti aŋ dədərgə zugi, ana doloy ha'aŋ, aŋ wəra gə mee-me.

VEƊE 3:14

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Lawdiseŋaŋ minti: ‹Hulum bə minti yə məntu *Amen, Bar kəkəy ɓeti daana bə gəəzə-gəəziŋ, hulum bə minti Pepeŋ jəŋ kar keɗe duuruŋ, bə waataŋa minti:

VEƊE 3:4

Səma, sərdə kaa yaŋ hiw Sardə ada, teŋ zodoŋ dəməəmə neeteŋ wəra ba. Kaa teŋ bə gəryi yaŋ dəərən də dəməəmə bərwaŋ siri gud maa mo, yə gə nakə-neke kir tere dəməəmə taŋ gud ɓeti neeteŋa.

VEƊE 3:7

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Filadelfiŋaŋ minti: ‹Hulum Cetcetiŋ, hulum bə Gəəzə-gəəziŋ, hulum bə minti lakəle bə ku kuli kə kumna *Davidiŋ kəəsuŋ, hulum bə minti wə bəŋəŋ ku kuli neŋ, hulum baalaŋ neke bə gisu ba; wə gisnu neŋ, hulum baalaŋ neke bə buŋu bə gəm, bə waataŋa minti: