VEƊE 1:1 - JAA TƏMARWAŊ

¹ Haa kənaŋ kel gə minti Yeesu Kristu vəɗnəy wəra a kaŋ. Pepeŋ əynu kel teŋ kir minti kar gə minti wəra maŋ bə tuliŋ, wə kay guudi la wəra a kaa kə joŋre nuutuŋ. Yeesu Kristu gaŋ *hulum bə digi nuutuŋ bə ɗe a kay guudi wəra a Zaŋ, hulum bə joŋre nuutu.

VEƊE 1:1 Iomraidhean Croise

Kel pəsaŋ kəmarwaŋ gə minti Zaŋ jiiriniy 12:49

Gud maa mo ten a waataŋ haa paapa dər kel katən ba, Barən bə minti a gaanan daŋ waatənan kel gə minti ten wəətəy daana ten hətəy la a kaŋ haa tó.

Kel pəsaŋ kəmarwaŋ gə minti Zaŋ jiiriniy 15:15

Ten mantaŋ kaa kə joŋre pəda, gud maa mo hulum bə joŋreŋ paapa bə asə-ase gud kel gə minti burduŋ bə jiyaŋ ba. Ten mantaŋ minti gədaarən gud bə minti ten kaanaŋ gud kel gə minti Barən waatənan dən daŋ wəra keɗe.

Kel pəsaŋ kəmarwaŋ gə minti Zaŋ jiiriniy 17:8

gud maa mo kel gə minti tam a waatənan dən daŋ, ten jugnuy di a kuɗiŋa, yə duuniy gəm. Yə asaŋ wəra kaŋkaŋ minti ten bəŋ haa səram da, yə doŋ minti gaanan da haa tam gəm.

Kel pəsaŋ kəmarwaŋ gə minti Zaŋ jiiriniy 3:32

wə waate haa sam kel gə minti wə a əsnəy daana wə a iskiniy. Səma hulum paapa bə de haa də kel nuutu teŋa ba.

Kel pəsaŋ kəmarwaŋ gə minti Zaŋ jiiriniy 8:26

Kel kuna anə pər gə minti ten bele wəətəy cəərəŋa bə doŋ də kəətiŋ. Səma ten waate wəra a nəənəŋ, aŋ kaa gə cəərə seŋkaŋ, haa kel gə minti ten a iskini ku hulum bə minti kel nuutuŋ gəəzi daana bə minti a gaanan daŋ təwa faɗi.»

ROMEŊ 16:25

Aŋ tokɗə Pepeŋ la! Wə bə nakə-neke bə koloŋ də səɓaki a deŋa, damdi *Kel pəsaŋ kəmarwaŋ gə cəərə Kristu gə minti ten wəra bə wəətiya waateŋ ana, daana damdi ɗiki kə Pep bə ɗampə-ɗampe bə cəərə Kristuŋ, bə minti a bə metə-mete da anə hãã, waate anaŋ gəm.

GALATIŊ 1:12

Ten fəlnəy paapa ku huluma fele bə gəm, hulum hatnan dən hate bə gəm. Vaɗnan dən wəra keɗe haa Yeesu Kristu də kusru faɗi.

EFESIŊ 3:3

Hel nuutu də minti a jəŋ wəra də metə-meteŋ, a wəra hebkəna də dərən gud bə minti wə vaɗənan dən wəra. Ten a jeereŋ də ne weseka ajew da kanda cəərə da.

TITI 1:1

Jeere kefter toŋ kəya haa ten Pol, hulum bə joŋre kə Pepeŋ, daana bə *gaa-ge kə Yeesu Kristu bə waate kela də səmuŋ. Pepeŋ əsnən minti ten ɗee la a keye kaa gə minti wə vərnəy wəraŋ, minti yə doo la guudu daana minti ten gay diri la wəra cəərə gəəzi də ɗe náŋ bə minti giidə Pepeŋ bəluŋ,

VEƊE 1:19

Bədoona ana, kar gə minti tam a əsnəy bə jiŋ keɗe, gə hebkəna, də kaayaŋ gə adoroŋ, jiiriy la.

VEƊE 1:9

Kəna ten seeneŋ Zaŋ. Gud tapi náŋa də Yeesuŋ, ten haa kumsəŋ bə minti giidə *Kumna kə Pepeŋa gəm, ten bə se gəəliŋa daana ten bə mi ku damdi aŋ ana gəm. Yə gaanan warna cəərə ajomga də Patmosi na haa gud bə minti ten a waataŋ kel kə Pepeŋ wəra daana kel gə minti Yeesu a jəŋ bar kəkəy ciiriŋ wəra a kaŋ.

VEƊE 17:1

*Hulum bə digi kə Pepeŋ bə aduubə də kaa kə digi seeɗa'iŋ gə minti kətaasawaŋ a kəəsiŋ, zeŋ sarən da bə bi a waatan minti: «Bəəda, ten gam dərəm yaŋ cəərə kəəti bə cəərə maswaŋ mooto də əsə-isi cəərə kanaŋ. Maswaŋ taŋ veɗe haa vil mooto də minti də hərsə-hərsi ku vor bə ablawaŋ.

VEƊE 19:10

Kəya ten vaŋ də gəgəərən tiinə hulum bə digiŋa bə kaw awalna, səma wə waatənan minti: «A ji teŋ ba! Ten haa hulum bə joŋreŋ damdi tam daana kəsaanam ana toki gə minti doŋ gud kel gə minti Yeesu a jəŋ bar kəkəy diŋ. Kaa awalna la haa a Pepeŋ!» Gud maa mo kel gə minti Yeesu jəŋ bar kəkəy ciiriŋ, haa kel gə minti Pepeŋ kəltənəy warda ku *kaa kə jogte ku mini nuutu daŋ.

VEƊE 19:9

Kəya *hulum bə digi kə Pepeŋ waatənan minti: «Jeerə la minti: ‹Waaleŋ kə kaa gə minti fəlaŋ mante bə bi a hame kəɗwəy gə minti Kormə Taaməkaŋ de həlgə diriŋ.› Teŋ haa kənaŋ, kel kə Pepeŋ gadi faɗi.»

VEƊE 21:2

Kəya ten asaŋ vil kə Pepeŋ, Zeruzalem Təmarwaŋ bə sorke da warda apəy da sar Pepeŋ da. A pasa damdi tər də minti ɗampaŋ kusrə wəra bə de koŋkor ana.

VEƊE 21:9

Kəya kumundu məna gud *kaa kə digi kə Pepeŋ seeɗa'iŋa gə minti a jəŋ wəra də taasə kəəsi bə ɗosə-ɗose də lasi də adoroŋ, bəŋ a waatan minti: «Bəəda, ten gam dərəm cəərə tər də minti Kormə Taaməkaŋ bə doora muruŋ.»

VEƊE 22:1

Kəya *hulum bə digi kə Pepeŋ bə minti a jəŋ bə waatan kela gaanan dərən cəərə kan gə paaŋe gə aye dədərgəŋa, diri anə yəŋəl-yəŋəl. Yə ãye warda haa gud jaaŋa də kumna kə Pepeŋ da də kə Kormə Taaməkaŋ.

VEƊE 22:16

Yeesu minti: «Ten Yeesu də kusrən, ten gaŋ hulum bə digiŋ bə ɗe a ke gud kar teŋ wəra a nəənəŋ, aŋ kaa kə Tapiŋ. Ten haa a kaasaw də gidiirə *Davidiŋa, Seska mooto də wele koŋ bəbəgiŋ.»

VEƊE 22:6

Kəya *hulum bə digi kə Pepeŋ waatənan minti: «Kel teŋ keɗe yə gəəzi, yə ɓeti. Gud maa mo Barkaŋ Pep bə minti a yaakaŋ kel nuutuŋ bə kalte wəra ku *kaa kə jogte ku miniŋaŋ, wə gaŋ hulum bə digi nuutuŋ minti wə ɗee la a ke gud kel gə minti wəra maŋ bə tuliŋ a kaa kə joŋre kə toŋ.»

VEƊE 22:8

Ten Zaŋ əskəŋ kel teŋ, ten əsnəy də dərən. Kəya ten vaŋ də gəgəərən bə ke awalna a hulum bə digi bə minti a gaanan dərən cəərə kar teŋaŋ.

VEƊE 22:9

Səma wə waatənan minti: «A ji teŋ ba! Ten haa hulum bə joŋre damdi tam ana, damdi kumsum gə jogte ku mini kə Pepeŋ, də kaayaŋ gə minti jəŋ joŋreŋ də kel gə giidə kefter toŋ keɗe'iŋ ana gəm. Kaa awalna la haa a Pepeŋ!

VEƊE 4:1

Adordə kel teŋa, ɗeŋ a gole kəyaŋ, ku kuliŋ wəra bə bəŋə-biŋi tarmə pepeŋa. Dordə hulum bə minti ten a əskənə ajew bə hage damdi atoltom anaŋ, waatənan minti: «Luu da kanda, ten kam dərəm cəərə kar gə minti bə tuli adoroŋ.»

VEƊE 5:7

Kormə Taaməkaŋ bəŋ a de kefter bə minti a jəŋ a kasi hulum kemer bə minti a jəŋ bə əsə-isi cəərə jaaŋaŋaŋ.