TITI 1:3 - JAA TƏMARWAŊ

³ Də bə minti ko bə minti wə a ŋəmnu nəkaŋ wəraŋ, wə gaŋ gud dədərgə táŋ wəra də kel kə waate nuutuŋ. Pepeŋ Hulum bə seere áŋ aynan kel teŋ kaasəna minti ten wəətəy la wəra a kaŋ.

TITI 1:3 Iomraidhean Croise

MARKƏ 1:15

minti: «Hitiŋ doŋ ku ne wəra. Hebkəna haa ko bə minti Pepeŋ maŋ bə hame kumna nuutuŋ duruŋ. Aŋ kolə kerkeŋ la a baymele nəətiŋ, aŋ doo la gud Kel pəsaŋ kəmarwaŋ kə Pepeŋa.»

MARKƏ 13:10

Gud maa mo, gidiirə kaŋ keɗe doŋ kir iski *Kel pəsaŋ kəmarwaŋ wəra kəm.

MARKƏ 16:15

Kəya wə wəətənəy minti: «Aŋ ɗee la wəra a koŋa keɗe bə ɗe a waate *Kel pəsaŋ kəmarwaŋ wəra a kaŋ neŋneŋ keɗe.

LIKI 1:47

giidən wəra fənay-fənay də waaleŋ gud Pep hulum bə seerəna,

JOŊRE 10:36

Pepeŋ waataŋ kel nuutuŋ wəra a kaanə *Israyel, kel teŋ haa *Kel pəsaŋ kəmarwaŋ gə minti waate minti yə neke bə fele kəkaɓi gud Yeesu Kristuŋ; wə haa Barkaŋ kə kaŋ keɗe.

JOŊRE 17:26

Pepeŋ a jəŋ kəm haa hulum məna. Bədoona ta, gidiirə kaa gə minti wə jiiniy neŋneŋ keɗe bə jewe wəra giidə seŋkaŋa haa kaasaw də hulum toŋ məna'i. Wəra hãã ajew də we də huluma, ko bə minti wə ɗe a ji caw duruŋ, daana ko bə minti wə ɗe a isi adaŋ, warda bə ŋamə-ŋeme kəəsu da.

ROMEŊ 15:19

də kar gə minti veɗe səɓaki kə Pepeŋ wəraŋ, də kar gə məɗ-miɗiŋ, daana də səɓaki kə Tiiru Pepeŋ gəm. Məlaŋ guudu Zeruzalema hãã warna giidə seŋka də Iliriŋ naŋ, a ko bə minti ten kaltaŋ adaŋ keɗe, ten waataŋ Kel pəsaŋ kəmarwaŋ gə cəərə Kristuŋ wəra ada.

ROMEŊ 16:25

Aŋ tokɗə Pepeŋ la! Wə bə nakə-neke bə koloŋ də səɓaki a deŋa, damdi *Kel pəsaŋ kəmarwaŋ gə cəərə Kristu gə minti ten wəra bə wəətiya waateŋ ana, daana damdi ɗiki kə Pep bə ɗampə-ɗampe bə cəərə Kristuŋ, bə minti a bə metə-mete da anə hãã, waate anaŋ gəm.

ROMEŊ 16:26

Səma bə hebkənaŋ, kel gə minti *kaa kə jogte ku mini kə Pepeŋ a jiiriniy gaŋ gud ɗiki tó bə ɗampə-ɗampeŋ wəra pəɗaki. Pep bə minti tewe baŋ waataŋ haa tó faɗi minti gidiirə kaŋ keɗe əskə gud ɗiki toŋ la wəra, kir minti yə nakə la bə de daana bə humi kosoŋa cəərə toŋ.

ROMEŊ 5:6

Gəəzi, bə minti áŋ a saksaki paapa bə he baymele bə sar áŋa wəra baŋ, Kristu bəŋ a me wəra gud áŋ kaa kə ji baymeleŋa bə pəw wəraŋ. A ŋəmaŋ ko toŋ haa Pepeŋ.

I KOREŊTƏŊ 9:17

Gəəzi, a haa ɗiki bə ji digi də kaasən la kəyaŋ kəna ten, ten a sə a mi werke guudə nuutu. Ten haŋ ɗiki bə jəərəŋ paapa ten ba tə bə moŋ, ten ji haa digi də minti Pepeŋ aynan dən minti ten jəərə la bədoonaŋ təwa faɗi.

GALATIŊ 4:4

Səma, hi bə minti Pepeŋ a ŋəmnuŋ nəkaŋ wəra kəyaŋ, wə gaŋ kurmuyu da faɗi. Wəənu wəra cəərə seŋkaŋa haa həlgə. Wə humuŋ kosoŋ cəərə *ku gili kə kaanə Ziwifiŋa,

EFESIŊ 1:10

daana tó ɗe a gaara cəərə wəra a tewe də laateŋa. Hel taŋ haa minti, kar gə minti apəyaŋ, də kaayaŋ gə adawraŋ keɗe, tó bə təpəy ciiri yaŋ kasi kumna məna'i: kumna toŋ haa Kristu.

EFESIŊ 2:17

Bədoona ana, wə bəŋ a waate *Kel pəsaŋ kəmarwaŋ wəra minti: Pepeŋ aye kəkaɓiŋ a aŋ gə minti a jəŋ wəra suru tootoŋ, a kaayaŋ té gə minti a jəŋ suru maŋ gəm.

FILIPIŊ 1:13

Gud maa mo kəsooto gə ame cəərə kumnaŋ daana kaa kaayaŋ keɗe wəra gə asə-ase hebkəna minti yə doonon a daŋgaya haa gud kel də Kristu.

KOLOSIŊ 1:23

Səma aŋ kir isi saksaki dər deŋa, gud maa mo, gud karman bə malə-mele bə minti aŋ gə əsə-isi cuuruŋ, haa tó. Aŋ kir isi duru ŋəŋ kir minti karman a haŋ giidəŋ wəra sar *Kel pəsaŋ kəmarwaŋ gə minti aŋ a iskiniy wəraŋ ba. Yə haa kel gə minti aŋ məlaŋ ɗiki dəŋ ciiriŋ, daana yə wəra gə waatə-waate a kaa gə minti kəna adawra neŋneŋ keɗe. Ten Pol koloŋ hulum bə joŋre diŋ.

KOLOSIŊ 1:6

Kel pəsaŋ kəmarwaŋ teŋ wəra bə duusi daana bə aye pisiŋa a kaŋ giidə seŋkaŋa keɗe'i. Yə jəŋ wəra adəwaldəŋa haa bədoona gəm də anə hãã bə minti aŋ əskəŋ sam pisi bə minti Pepeŋ bə jəwa sar kaŋa daana aŋ əsnəy wəra sarəŋa minti yə naanaanə gəəzə-gəəzi moŋ gəm.

1 TESALONIKIŊ 2:4

Səma, Pepeŋ goloŋ koɗ are bə aye Kel nuutu pəsaŋ a areŋ. Bədoona ana, are waate kel a kaŋ ha'aŋ, paapa minti yə doy diri la me'i ba, səma yə doo la haa dər Pepeŋ gud bə minti gole koɗ ku tarmə are haa tó.

I TIMOTE 1:1

Jeere kefter toŋ kəya haa ten Pol, ten bə minti Kristu Yeesu *gaanan bə waate kela də səmuŋ. Pepeŋ, Hulum bə seere áŋ daana Kristu Yeesu bə minti ɗiki də áŋ bə malə-mele cuuruŋ, əsnən a joŋreŋa haa té.

I TIMOTE 1:11

Hate tó pisiŋ ha'aŋ, wə damdi *Kel pəsaŋ kəmarwaŋ gə daŋə-deŋe kumsi gə minti Pepeŋ aynan dən minti ten wəətəy la wəra a kaŋ ana. Kel teŋ ha'aŋ bəŋ kasi Pepeŋ da dər boblo nuutuŋ da.

I TIMOTE 2:3

Bədoona ana, tooseŋ haa karman bə minti giidə Pepeŋ bəluŋ, bə minti de dər Pepeŋ Hulum bə seere áŋ.

I TIMOTE 4:10

Gud teŋa ta, áŋ saksaki a joŋre bə gəəli-gəəliŋa daana bə bande də səɓaki gud minti áŋ məlaŋ ɗiki də áŋ wəra də səɓaki cəərə Pep bə dədərgəŋa. Wə haa Hulum bə seere kaŋ keɗe, daŋgeŋ haa kaa gə minti doŋ gud Kristuŋ.

II TIMOTE 4:17

Səma Barkaŋ də kusru, wə yaakənan wəra ba. Wə jəŋ dəərən daana wə aynan səɓaki bə waate kel nuutu wəra kaŋkaŋ, kəya kaa gə minti teŋ paapa kaanə Ziwifi baŋ keɗe iskiniy. Barkaŋ də kusru, wə seerenen wəra ku googoŋa.

TITI 2:10

Wəətəy la minti yə a ji dəgaaya guudi ba anə ceki. Yə jəə la saksaki bə ji ɗaw haa joŋre pisiŋ daana ɓetiŋ kir minti hate náŋ cəərə Pep Hulum bə seere áŋ kolə la bə doy diri guudi.

TITI 2:13

Áŋ əsə la bədoona ana bə mi hi pisi bə minti ɗiki də áŋ bə malə-mele cuuru hebkənaŋ, akaceŋa dər hi tó bə minti məyan kə Yeesu Kristu, Pep náŋ bobloŋ, Hulum bə seere áŋ, pəŋ dərə ne wəraŋ.

VEƊE 14:16

Kəya hulum bə minti bə əsə-isi cəərə kamraŋaŋ əsəŋ bə heɗe kar gə cəərə seŋkaŋa də paaram nuutuŋ. Kəya yə kotoŋ cəərə kar wəra.