TITI 1:2 - JAA TƏMARWAŊ

² minti yə jəə la gə malə-mele ɗiki di wəra cəərə dədərgə də bay teweŋa. Hãã wəra ajew də mele bə gud koŋaŋ, Pep bə minti wə ceme tete baŋ waataŋ wəra kaŋkaŋ minti tó aye dədərgə táŋ a áŋ.

TITI 1:2 Iomraidhean Croise

MATIYE 25:34

Kəyaŋ, wə waate kaa kaayaŋ gə kəəsu kemer yaŋ minti: ‹Aŋ kaa gə minti Barən gaanaŋ pisiŋ cəərəŋaŋ, aŋ bəəda a de kumna bə minti Pepeŋ a ɗampənaŋ dəŋ warda anə hãã a mele bə gud ko daŋ.

MATIYE 25:46

Kəya kaa teŋ bə koore haa dər bese bə faɗnə-faɗnaŋ. Kaayaŋ ɗekeriŋ koore haa a dədərgə də bay teweŋa gəm.»

MARKƏ 10:17

Bə minti anə Yeesu ɗəlaŋ kooreŋ, hulum kəman gədaŋ tara da, wə bəŋ a haɓe tiinu anə haɓi, wə wəətunu minti: «Hulum bə hate bə minti jəəti pisiŋ, ten kirka ji maa minti ten falə dədərgə də bay tewe la mo?»

MARKƏ 10:30

də ko bə hebkənaŋ, hulum toŋ ɗe a fele haa dəŋaŋ kəsi ɗaw. Anə kuliŋ, kəsəənu kaŋkar də kəram, kəmnu kəram də kaŋkar, kərmuyuŋ, taakaw, wə fələy yaŋ keɗe, səma kaŋ ləsu yaŋ ada. Dər ko bə minti bə bi adoroŋ, wə bə fele dədərgə də bay teweŋ gəm.

Kel pəsaŋ kəmarwaŋ gə minti Zaŋ jiiriniy 10:28

Ten əyəy dədərgə də bay teweŋ, yə bese wəra ba anə ceki, hulum neke bə ɓitiy wəra kaasəna bə gəm.

Kel pəsaŋ kəmarwaŋ gə minti Zaŋ jiiriniy 17:2

Tam aynan abay cəərə kaŋa keɗe kir minti ten ayə dədərgə də bay teweŋ la a kaa gə minti tam aynan dən kaasəna keɗeŋ.

Kel pəsaŋ kəmarwaŋ gə minti Zaŋ jiiriniy 17:24

Abaŋ, kaa gə minti tam aynan dən kaasənaŋ, ten bele minti yə jəə la sarəna a ko bə minti ten bə ji yaŋ adaŋ, kir minti yə asə boblo nin la, boblo tó bə minti tam a aynan dən gud bə minti tam balnan da anə hãã ajew də mele bə gud koŋ.

Kel pəsaŋ kəmarwaŋ gə minti Zaŋ jiiriniy 5:39

Aŋ vərgi gud Kefter kə Pepeŋ wəra anə ke'-ke'i də ɗikiŋ minti aŋ fele dədərgə də bay teweŋ haa giidu. Kel gə giidə kefter toŋ anə derra bə jəəti bar kəkəya cəərəna daw!

Kel pəsaŋ kəmarwaŋ gə minti Zaŋ jiiriniy 6:54

Hulum bə minti hamnan kusuki dən neŋ daana saanan kor dən ne gəm, dədərgə də bay teweŋ máŋ nuutu. Dər hi bə adoroŋa, ten həru yaŋ wəra dədərgə adordə meŋa.

Kel pəsaŋ kəmarwaŋ gə minti Zaŋ jiiriniy 6:68

Simoŋ Piyer minti: «Barkaŋ, kel gə minti aye dədərgə də bay teweŋ, yə kaasəma, are bə ɗe kəna sar mindi pə mo?

JOŊRE 15:18

Kel teŋ haa kel gə minti Barkaŋ a wəətənəy. Yə warda hãã də duru daana wə doy kuy wəra haa tó.›»

ROMEŊ 1:2

Pepeŋ a wəətənəy səməy wəra dayday bə əyəy a kaŋ ku *kaa kə jogte ku mini nuutuŋa, yə jiiriniy wəra giidə Kefter nuutuŋa gəm.

ROMEŊ 16:25

Aŋ tokɗə Pepeŋ la! Wə bə nakə-neke bə koloŋ də səɓaki a deŋa, damdi *Kel pəsaŋ kəmarwaŋ gə cəərə Kristu gə minti ten wəra bə wəətiya waateŋ ana, daana damdi ɗiki kə Pep bə ɗampə-ɗampe bə cəərə Kristuŋ, bə minti a bə metə-mete da anə hãã, waate anaŋ gəm.

ROMEŊ 2:7

Wə aye dədərgə də bay teweŋ yaŋ a kaayaŋ gə minti ayaŋ kusri saksaki bə ji haa pisiŋ kir minti Pepeŋ aŋkə té laŋ, wə haa cəərə té la apəyaŋ, daana wə ayə dədərgə də minti me pədaŋ la a teŋ.

ROMEŊ 5:2

Bəŋəŋ kəkəy wəra cəərə áŋa minti áŋ falə pisi bə minti Pepeŋ jəw sar kaŋaŋ la boobo faɗiŋ haa tó, gud bə minti áŋ gə doo-de guuduŋ. Áŋ gə əsə-isi də səɓaki haa dər pisi toŋa gəm, daana áŋ ufi ku áŋ haa gud ɗiki də áŋ bə malə-mele bə cəərə Pepeŋa minti wə ɗe a ɓarse boblo nuutuŋ yaŋ də áŋ.

ROMEŊ 5:21

Bədoona ana, damdi baymeleŋ a jəŋ cəərə kaŋa abay bə ɗe diiri a meŋa anaŋ, də kəkəy bə minti Pepeŋ kole kaŋ wəra duru ɗeker, pisi bə minti wə jəw ciiriŋ, ji ciiri abay bə ɗe diiri a dədərgə də bay teweŋa gud Yeesu Kristu Barkaŋ náŋa.

ROMEŊ 5:4

Bə minti áŋ halnaŋ neŋ, áŋ ji yaŋ ɓeti a kəkəy bə minti Pepeŋ goloŋ koɗ áŋ neŋ. Áŋ jəəne ɓeti a gole bə koɗ áŋaŋ, ɗiki də áŋ ji yaŋ bə malə-mele saksaki cəərə Pepeŋa gəm.

ROMEŊ 6:23

Gud maa mo werke bə gud baymeleŋ haa meŋ. Səma karman bə minti Pepeŋ əyu a kaŋ booboŋ haa dədərgə də bay tewe də minti wəra də tapə-tepe də Yeesu Kristu Barkaŋ náŋ.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

1 TESALONIKIŊ 2:15

Kaanə Ziwifiŋ awaŋ Yeesu Barkaŋ daana *kaa kə jogte ku mini kə Pepeŋ wəra. Ləsaŋ are haa té gəm. Yə paapa dər Pepeŋa pəsaŋ ba, yə jəmaŋ acukur wəra də kaŋ keɗe gəm.

1 TESALONIKIŊ 5:8

Səma áŋ gə minti kə ko bə daaway, áŋ doo kusrə áŋ la ku baymeleŋa. De náŋ bə gud Pepeŋ də bele náŋ jəə la sar áŋa akas koroŋ ana. Mele bə ɗiki də áŋ cəərə seereŋa jəə la akas kaŋkəlaŋ gə duuri ana gəm.

I TIMOTE 6:12

Duurə la haa duuri pisiŋ a kəkəy kə Pepeŋaŋ. Doo dədərgə də bay teweŋ la, gud maa mo, Pepeŋ mantənam warda haa minti tam asə dədərgə taŋ la, akaceŋa bə minti tam waataŋ wəra pisi kaŋkaŋ wəra tiinə kaa kə ablawa cəərə de nəmtiŋa.

I TIMOTE 6:19

Yə jəəne bə ji bədoona anaŋ, yə feke haa hurma neeteŋ apəya. Hurma taŋ haa də minti tewe wəra baŋ. Yə fəka bə mi ko bə ajewa dəərə bə fele dədərgə də gəəzə-gəəziŋ.

II TIMOTE 1:1

Jeere kefter toŋ kəya haa ten Pol, ten bə minti Kristu Yeesu *gaanan bə waate kela də səmu damdi giidə Pepeŋ bəlaŋ ana. Wə gaanan bə waate sam dədərgə də minti Pepeŋ a waatəna sam wəra, dədərgə tá də minti kaŋ fəla gud tepe neeteŋa də Yeesu Kristuŋ.

II TIMOTE 1:9

Pepeŋ seereŋ áŋ wəra haa tó, daana wə mantaŋ áŋ wəra minti áŋ kolə la wəra kaa kə tó. Wə jəŋ teŋ gila keɗe haa paapa gud joŋre náŋ pisi bə minti áŋ a juunu ba, səma gud minti wə bəlaŋ bədoona ana daana wə jəŋ pisiŋ sar áŋa. Wə jəŋ giidu pəsaŋ wəra cəərə áŋa gud Kristu Yeesu wəra hãã ajew də mele bə gud koŋa.

II TIMOTE 2:10

Gud teŋa ta, ten de haa də lasiŋ keɗe ha'aŋ, gud kaa gə minti Pepeŋ vərnəy wəraŋ, kir minti té də kusri nakə la bə ape seere bə minti kasi Kristu Yeesuŋ, daana yə vaa la dər məyan nuutu də bay teweŋa.

II TIMOTE 2:13

Jəəne minti áŋ paapa ɓeti baŋ, tó ha'aŋ, wə nuutu saksaki ɓeti gud bə minti wə paapa bə harte ku adoro ba.»

II TIMOTE 2:15

Nəmtiŋ ha'aŋ, jəə kusrum la wəra kir minti tam doo dər Pepeŋ la pisi. Jəə la damdi hulum bə joŋre bə minti kese daw gud joŋre bə minti wə bə jəwaŋ baŋ ana, waatə kel kə gəəziŋ la wəra a kuɗiŋa kaŋkaŋ.

TITI 2:13

Áŋ əsə la bədoona ana bə mi hi pisi bə minti ɗiki də áŋ bə malə-mele cuuru hebkənaŋ, akaceŋa dər hi tó bə minti məyan kə Yeesu Kristu, Pep náŋ bobloŋ, Hulum bə seere áŋ, pəŋ dərə ne wəraŋ.

TITI 2:7

Tam də kusrum gəm ha'aŋ, a joŋre nəmtiŋa keɗeŋ, jəə la haa joŋre pisiŋ, kir minti kaŋ asə la haa kaasəma. A kəkəy bə hate nəmtiŋa, hatə kel la a kuɗiŋa pisi kir minti kaŋ humə kosoŋ la cəərəma.

TITI 3:7

minti áŋ kolə la wəra kaa ɗekeri dər Pepeŋa gud pisi nuutuŋa. Wə jəŋ bədoona ana haa minti áŋ falə dədərgə də bay teweŋ la, dədərgə tá də minti ɗiki də áŋ bə malə-mele cəərəŋ.

I ZAŊ 2:25

Aŋ golə laŋ, karman bə minti Kristu a waataŋ áŋ minti tó əyu a áŋ, haa dədərgə də bay teweŋ.

I ZAŊ 5:20

Áŋ asaŋ wəra minti Kormə Pepeŋ a bəŋ ne wəra. Wə ayaŋ hel də əskiŋ a áŋ minti áŋ asə Pep bə gəəziŋ la. Áŋ də Pep bə gəəziŋ saksaki gud tepe náŋa də Kurmuyu Yeesu Kristuŋ. Yeesu haa Pep bə gəəziŋ, wə dədərgə də bay teweŋ gəm.

ZUDI 1:21

Aŋ əsə la ŋəŋ dər bele kə Pepeŋa. Aŋ malə ɗiki dəŋ la bə mi cəərə ji bə giidu pəsaŋ kə Barkaŋ náŋ Yeesu Kristuŋa minti wə ayaŋ dədərgə də bay teweŋ yaŋ.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.