ROMEŊ 9:3 - JAA TƏMARWAŊ

³ gud kəsaanan gə Ziwifi gə minti are a kaasaw gə məna a kusukiŋa diiriŋ. A jəə la minti kel teŋ kəya sə a kəyəy, ten a bə doo-de haa minti Pepeŋ gan guɗbusi la wəra daana minti ten a ji bə tapə-tepe də Kristu pəda.

ROMEŊ 9:3 Iomraidhean Croise

JOŊRE 13:26

Kəsaananti, aŋ gə minti waŋ wəra a kaasaw də *Abrahamaŋ, də kaayaŋ gə minti paapa kaanə Ziwifi baŋ, səma aŋ bə ɗe gud Pepeŋa, ku mini tó bə cəərə seere bə kaŋ, Pepeŋ əynu da a áŋ.

JOŊRE 22:5

*Kumna boblo bə keere Pepeŋ daana kaa kəmtəŋ kə tiinə kaanə Ziwifiŋ waate yaŋ gəm minti ten waate haa gəəzi. Gud maa mo aynan kefter bə minti ten sə a ɗe a əyu a kəsaanə áŋ gə Damasiŋ haa té. Bədoona ana, ten kooroŋ Damasi bə ɗe a humti kaa gə minti doŋ gud Kəkəy kə Barkaŋa bə hare diiri Zeruzalem da gə əntə-ənti bə bi a ləsəy.

JOŊRE 28:21

Kəya gə Ziwifiŋ hərnu kel minti: «Naareŋ ha'aŋ, kaanə Zudeŋ jeereŋ kefter da hõy a are də kel dəm ba. Koo hulum anə məna gud kəsaanə áŋ gə Ziwifiŋ gə ko toŋ da bəŋ hõy a tope bəlam də kel gə cəərəm a are ba, bə bi a waatam səmam baymele bə gəm.

ROMEŊ 1:3

Kel teŋ waate haa cəərə Kurmuyuŋa. A kusukiŋa, wə bəŋ haa a kaasaw də kumna *Davidi da.

ROMEŊ 11:1

Bədoona ana ten də le kuŋ minti: Pepeŋ bəyaŋ kaa nuutuŋ warna mo? Paapa anə ceki faɗi! Gud maa mo ten də kusrən hulum bə *Israyel. Ten a tanta də Beŋjameŋ, a kaasaw də *Abrahama.

ROMEŊ 11:14

Də joŋre toŋ kəya, a ɗiki dəna ten bə ge giidə kaa katən gə Ziwifiŋ yaŋ bə hətəya kir minti sirdiŋ tulə la wəra a seereŋa.

ROMEŊ 16:11

Ten bə mirki Erodiyoŋ bə minti a kaasaw də areŋaŋ. Ten bə mirki gə ger Narsisi gə minti gə doo-de gud Barkaŋaŋ.

ROMEŊ 16:21

Timote bə minti are a joŋreŋa də kumsiŋ daana kaasaw dən Lusiyusi, Zasoŋ də Sosipater bə mirkiŋ na.

ROMEŊ 16:7

Ten bə mirki Andoronikisi daana Zuniya gəm, kaasaw də areŋ. Yə haa kaa gə minti are hamaŋ daŋgay də kumsi. Yə ɓasi keɗe haa *kaa kə vaa-ve gə minti səməy hagaŋ ba ga'i ba, daana yə doŋ gud Kristu haa ajew dən ɗaw.

ROMEŊ 9:2

ten də laawe ku tarməna ablaw hasi daana a paapa bə yaakəna ɗemeŋ ba

I KOREŊTƏŊ 12:3

Haa gud teŋa ta minti ten waataŋ haa kənaŋ: Hulum bə minti waate kel də səɓaki kə Tiirə Pepeŋ neke bə waate minti «Pepeŋ gaa guɗbusi la a Yeesu!», ba. Wə jəəne paapa də Tiiru Cetcetaŋ baŋ, wə neke bə waate minti «Yeesu haa Barkaŋ» bə gəm.

I KOREŊTƏŊ 16:22

Hulum bə minti paapa bə bele Barkaŋa baŋ, Pepeŋ gaw guɗbusi la wəra! Maranata! Haa minti Barkaŋ naareŋ, bəəda!

II KOREŊTƏŊ 12:15

Katən ha'aŋ, ten ɓalkaŋ kar gə kaasən ne wəra guudəŋaŋ, koo ten gəyaŋ kusrən ne wəra keɗe guudəŋaŋ, ten ji yaŋ də waale faɗi. Ten bə bəlaŋa ablaw bədoona anaŋ, aŋ hare ku bele nəəti bə sarən wəra adoro ɗaw tə mo?

GALATIŊ 1:8

Ten waataŋ, jəəne minti hulum kəman bəŋ ne a waataŋ Kel pəsaŋ kəmarwaŋ dəra'i də kaayaŋ gə minti are a waatənaŋ dəŋ wəraŋ, kəəti kə Pepeŋ daw la. Jəəne nuutu kəna hulum gud are toki, kumundu ba *hulum bə digi kə Pepeŋ ɗaw, kəəti toŋ daw la gəm.

GALATIŊ 1:9

Ten a waatənaŋ ne wəra ajewa, hebkəna ten hare bə dogoŋ dəŋa pa minti: hulum bə minti bəŋ ne a waataŋ Kel pəsaŋ kəmarwaŋ gaalaŋ dəra də kaayaŋ gə minti aŋ a iskiniy ku areŋ, kəəti kə Pepeŋ daw la.

GALATIŊ 3:10

Səma kə kaa gə minti bə ɗiki minti ku giliŋ kole té yaŋ wəra ɗeker dər Pepeŋaŋ, kəəti kə Pepeŋ duuniy ne wəra ɗaw. Gud maa mo, Kefter kə Pepeŋ wəra bə jeerə-jeere minti: «Hulum bə minti paapa bə ji joŋre də kel gə giidə kefter bə ku gili kə Moyisiŋa wəra saksaki keɗe baŋ, kəəti kə Pepeŋ daw la.»

GALATIŊ 3:13

Kəəti kə Pepeŋ a humuŋ áŋ gud bə minti áŋ paapa bə ɗe gud ku giliŋa wəra ɓet-ɓeti keɗe ba. Bə hebkəna, Kristu bəŋ a kole kusru wəra a koɗ áŋa minti kəəti toŋ doo la máŋ haa tó. Bədoona ta, wə ɓətəŋ áŋ wəra ku. Gud maa mo Kefter kə Pepeŋ wəra bə jeerə-jeere minti: «Hulum bə minti kaŋ ɓəlnu ne wəra a kəbaŋaŋ, kəəti kə Pepeŋ duunu ne wəra ɗaw.»

EFESIŊ 6:5

Aŋ kafkam, aŋ humə kosoŋ la cəərə kəmnə dəŋa kəna adawra də walka guudu ada, bə jəy kese di, daana də tarməyaŋ pəsaŋ, damdi aŋ ji joŋreŋ haa a Kristu ana faɗi.