ROMEŊ 9:1 - JAA TƏMARWAŊ

¹ Ten bə tapə-tepe də Kristu səm moŋ, kel gə minti ten wəətəy yə gəəzi, ten ŋe kel ba. Ɗiki dən bə minti Tiiru Cetcetaŋ bə ɗe duuruŋ bə waatəna gəm minti ten waate haa gəəziŋ a kəkəy bə minti ten waate minti:

ROMEŊ 9:1 Iomraidhean Croise

ROMEŊ 1:9

Pep bə minti ten bə jəw joŋreŋa wəra də ku tarman keɗe a kəkəy bə waate *Kel pəsaŋ kəmarwaŋ gə cəərə Kurmuyuŋa wəraŋ, bə asə-ase minti kel gə minti ten waataŋ diŋ yə gəəzi: ten saksaki bə ɗiki cəərəŋa dər toose katəna.

ROMEŊ 2:15

Yə bə ge dəra wəra də ɗe di minti kel gə giidə ku giliŋ wəra gə jeerə-jeere giidə té. Ku tərməyi wəra bə gay diri minti kel teŋ haa bədoona ana faɗi. Ɗiki di bə minti bə wəətiya minti yə jəŋ kəya pisi, kumundu ba baymeleŋ, bə gay diri cəərə kel teŋa wəra bədoona ana gəm.

ROMEŊ 8:16

Tiiru taŋ də kusrə bə ge áŋa bə ase wəra ku tarmə áŋa minti áŋ haa karmə Pepeŋ.

ROMEŊ 9:2

ten də laawe ku tarməna ablaw hasi daana a paapa bə yaakəna ɗemeŋ ba

II KOREŊTƏŊ 1:12

Haa kəna karman bə minti are gə nakə-neke bə ufi ku are guuduŋ: ɗiki də are bə waate are wəra anə kaŋkaŋ minti ɗe də are aduubə də kaa gə cəərə seŋkaŋaŋ, daŋgeŋ aduubə dəŋa faɗi, jəŋ ha'aŋ bay kel kə ŋoyə-ŋoye ada daana wəra *cetceti gəm. Ayaŋ səɓakiŋ a are cuuru haa Pepeŋ. Ɗe toŋ jəŋ bə gaa-ge guudu cəərə ase kə kaa kəsarkaŋa ba, səma haa cəərə pisi bə minti Pepeŋ juunu sar areŋ.

II KOREŊTƏŊ 1:23

Pepeŋ jən daŋgay dən la jəəne minti ten waate haa paapa gəəzi baŋ! Ten koloŋ ɗiki dən minti ten hare kəm Koreŋtə na pədaŋ haa bə fətəŋ wəra ku kel katən gə ɗəmaŋa ɗaw.

II KOREŊTƏŊ 11:10

Gud gəəzi kə Kristu bə minti sarənaŋ, ten bə waate wəra haa kənaŋ minti giidə seŋka də Akayaŋ, hulum neke bə han kun wəra cəərə ufi bə kun bə gud toŋa kəya ba ana hasi faɗi.

II KOREŊTƏŊ 11:31

Pepeŋ, Bar Barkaŋ náŋ Yeesu, bə minti tokɗeŋ nuutu bə faɗnə-faɗnaŋ, wəra bə asə-ase minti ten ŋete kel ba.

II KOREŊTƏŊ 12:19

Ɗalba aŋ bə ɗiki haa minti, are anə hãã bə waate da cəərə ɗeker də kusrə are tiiniŋa ɗawmay mo? Paapa bədoona ba. Are waate haa tiinə Pepeŋa, gud tapi naareŋa də Kristu. Gədaarə are gə agŋ-agŋ, are waate kel gila keɗe haa bə zeŋ gud de nəətiŋ ajewa.

GALATIŊ 1:20

Ten waataŋ wəra haa anə kaŋkaŋ tiinə Pepeŋa minti, kel gə minti ten bə jeereŋ dəŋa hebkəna, yə haa kel kə gəəzi, ten ŋeŋ kel ba.

FILIPIŊ 1:8

Gəəzi, Pepeŋ bə asə-ase minti ten bə bəlaŋa keɗe haa də bele kə Yeesu Kristuŋ.

1 TESALONIKIŊ 2:5

Aŋ gə asə-ase minti a waate bə kel naareŋa ha'aŋ, are waatənaŋ kel kə jəŋ tiniini dəŋ ba, are goldoŋ karman kaasəŋa bə gəm. Pepeŋ bə asə-ase kel teŋ gəm.

I TIMOTE 1:5

Kel gə minti tam wəətəy la bədoona ciiriŋ, haa minti yə kolə la bə bele kumsi. Bele toŋ faa da haa ku talma *cetcetaŋ da, bay ɗiki bə baymele ada, daana də de neeteŋ bə gəəzə-gəəziŋ ada gəm.

I TIMOTE 2:7

Gud teŋa ta, Pepeŋ ŋamnan, wə gaanan minti ten ɗee la a sewle kaa gə minti teŋ paapa kaanə Ziwifi baŋ. Ten bə *gaa-ge minti ten ɗee la a hətəy kel cəərə deŋa daana gəəziŋ. Ten waate haa gəəziŋ, ten ŋete paapa kel ba.

I TIMOTE 5:21

Ten bele waatam wəra kaŋkaŋ tiinə Pepeŋa, tiinə Kristu Yeesu daana tiinə kaa kə varə-vere gə digi kə Pepeŋa minti bəŋa: doo kel teŋ la bay he agal wəra pəlaŋ daana a keye gud hulum kəmana məna təwa'i ba.