ROMEŊ 8:9 - JAA TƏMARWAŊ

⁹ Aŋ teŋ ha'aŋ, cəərəŋa abay haa paapa kar gə minti a kusukiŋaŋ ba, cəərəŋa abay haa Tiirə Pepeŋ gud bə minti a də əsə-isi giidəŋaŋ. Hulum bə minti Tiirə Kristu taŋ kəya jəŋ giidu baŋ, wə paapa kə Kristu ba faɗi.

ROMEŊ 8:9 Iomraidhean Croise

LIKI 11:13

Jəəne minti aŋ kaa kə bayməlaŋ asaŋ aye bə kar pəsaŋ a karməyaŋ bə anə hãy ɗaw, máŋ bə Aba bə apəyaŋ mo? Wə aye Tiiru Cetcetaŋ a kaa gə minti manta kəəsuŋ dəŋaŋ aŋ gə minti aye kar pəsaŋ a karməyaŋ.»

Kel pəsaŋ kəmarwaŋ gə minti Zaŋ jiiriniy 14:17

Hulum toŋ haa Tiiru də veɗe gəəziŋ wəraŋ. Kaa gə cəərə seŋkaŋ neke bə doora kel də siri ba, gud bə minti yə asa ba, a paapa də diri bə gəm. Aŋ teŋ ha'aŋ, a də dərəŋ, gud maa mo a sarəŋa maŋ, a isi yaŋ giidəŋa saksaki gəm.

Kel pəsaŋ kəmarwaŋ gə minti Zaŋ jiiriniy 14:23

Yeesu minti: «Hulum bə minti bəlan, wə humi kosoŋ yaŋ cəərə kel gə minti ten wəətəy, daana Barən bə bəlu yaŋ. Are də Barən, are bi yaŋ a isi giidə hulum toŋa.

Kel pəsaŋ kəmarwaŋ gə minti Zaŋ jiiriniy 3:34

Hulum bə minti Pepeŋ gəənu daŋ, wə joge haa kel kə Pepeŋ, gud maa mo Pepeŋ əyu Tiiruŋ bay gədəəgi də.

Kel pəsaŋ kəmarwaŋ gə minti Zaŋ jiiriniy 3:6

Beebe bə minti hulum kisirkiŋ wəənuŋ, suru haa kusuki kə kəmnu. Hulum bə minti Tiirə Pepeŋ wəənuŋ, toŋ haa a tiiruŋa gəm.

JOŊRE 16:7

Bə minti yə ɗeŋ a tuli warna maŋ sar Misi na anəkay, yə a bəlaŋ koore giidə seŋka də Bitini, səma Tiirə Yeesu əynəy kəkəy bə pa.

ROMEŊ 7:5

Bə minti áŋ a kəm bə ɗe a kusukiŋaŋ, ɗiki bə baymele bə ku tarmə áŋ a koloŋ də səɓaki haa gud ku giliŋa. Wə jəŋ joŋreŋ də áŋ daana cuuru awaŋ haa me bə kaŋ.

ROMEŊ 8:1

Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

ROMEŊ 8:11

Ada pa, jəəne minti Tiirə Pep bə minti a haraŋ Yeesu wəra dədərgə adordə meŋaŋ də əsə-isi giidəŋaŋ, tó bə minti haraŋ Yeesu Kristu wəra dədərgəŋ aye dədərgəŋ yaŋ a kusrəŋ bə minti me wəraŋ. Bə ji kel teŋ haa Tiiru də minti də əsə-isi giidəŋaŋ.

ROMEŊ 8:2

Gud maa mo Tiiru Cetcetaŋ də minti aye dədərgəŋ a kaŋ gud tepe neeteŋa də Yeesu Kristuŋ, abay cəərəna haa tá, daana doonon wəra ku abay kə baymele bə minti bə əsə-isi cəərəna bə ɗe a məlan a meŋa, haa tá gəm.

I KOREŊTƏŊ 15:23

Səma hare bə dədərgə toŋ ji haa də kel du gə minti a wəra gə kaa-ke bəy-bəy. Ajew anə faɗi haa hulum bə minti gəənu kuŋ, Kristu. Adoro kəya, də hi bə hare nuutu daŋ, hare wəra haa kaa nuutuŋ.

I KOREŊTƏŊ 3:16

Aŋ gə asə-ase bə mo minti aŋ haa kuli kə Pepeŋ gadiŋ daana Tiiruŋ də əsə-isi giidəŋaŋ?

I KOREŊTƏŊ 6:17

Bədoona ana hulum bə minti təpaŋ ne də Barkaŋ, yə kole a tiiruŋa wəra məna gəm.

I KOREŊTƏŊ 6:19

Ana paŋ, paapa də dərəŋ bə mo minti kusrəŋ haa kuli kə Tiiru Cetcetaŋ də minti Pepeŋ aynaŋ dəŋ, də minti hebkəna giidəŋaŋ? Kusrəŋ paapa nəəti pəda, wə máŋ kə Pepeŋ.

II KOREŊTƏŊ 10:7

Aŋ golə kar la damdi aŋ əsəy ha'aŋ ana faɗi. Hulum jəəne bə waate minti tó kə Kristuŋ, wə harə la kəm bə ɗiki wəra pisi bə ase cuuru kaŋkaŋ minti wə jəəne kə Kristuŋ, are kə Kristu gəm.

II KOREŊTƏŊ 6:16

Kuli kə Pepeŋ də kar gə minti kaŋ guluy pepe neeteŋ, yə ji a ko bə məna naanaanə mo? Gud maa mo, áŋ də kusrə áŋ haa kuli kə Pep bə dədərgəŋ faɗi, damdi wə a waataŋ warda ana minti: «Ten isi yaŋ aduubə di, ten ɗe yaŋ aduubə di gəm. Ten bə ji yaŋ Pep neeteŋ, yə bə ji yaŋ kaa katən gəm.»

GALATIŊ 4:6

Aŋ haa kərmuyu gə gəəzə-gəəzi, gud maa mo wə ayaŋ Tiiru Cetcetaŋ kə kurmuyuŋ ku tarmə áŋa keɗe. Tiiru Cetcetaŋ taŋ ge áŋ bə waate wəra koloŋ minti: «Aba, barən!».

GALATIŊ 5:24

Kaa gə minti teŋ wəra kə Yeesu Kristuŋ, yə ŋoryoŋ kusri bə hatə-hate də baymeleŋ warna haa ŋorye faɗi. Yə ŋoryoŋ wəra haa kar gə bayməlaŋ gə minti yə a bə bələya ablaw gəm. Yə ɓəlnəy wəra apəya də Yeesu a kəbaŋ gə largaŋa.

EFESIŊ 1:13

Aŋ gə minti əskəŋ kel kə gəəziŋ, *Kel pəsaŋ kəmarwaŋ gə minti aŋ fele seereŋ guudiŋ, aŋ wəra gə tapə-tepe də Kristu. Bədoona ana, aŋ doŋ gud Kristu gəm, kəya Pepeŋ aynaŋ Tiiru Cetcetaŋ də minti wə a waatənaŋ sam wəra a nəənəŋ. A gaŋ dərəŋ haa minti aŋ wəra kaa kə tó.

EFESIŊ 2:22

Gud tepe nəətiŋa duuruŋ, aŋ wəra gə tarə-tere dər kumsəŋa bə kole wəra kuli bə minti Pepeŋ isi giidu haa də Tiiru Cetcetaŋ faɗi.

EFESIŊ 3:17

daana minti Kristu əsə la ku tarməyaŋa gud de nəətiŋa. Dədərgə dəŋ jəə la də vaa-ve kəsar də daana də əsə-isi ŋəŋ-ŋəŋ wəra haa dər beleŋa.

FILIPIŊ 1:19

Gud maa mo, ten wəra bə asə-ase minti, kel teŋ gila keɗe ɗe a awe ciiri haa bə seeren, gud bə minti aŋ bə toose cəərəna daana Tiiru kə Yeesu Kristu bə kəyana ada gəm.

II TIMOTE 1:14

Doo Kel pəsaŋ kəmarwaŋ gə minti Pepeŋ aynam dəm la pisi də səɓaki kə Tiiru Cetcetaŋ də minti ku tarmə áŋaŋ.

I PIYER 1:11

Tiiru kə Kristu də minti a jəŋ giidiŋ, a wəətənəy wəra ajewa cəərə lese bə minti Kristu bə ɗe a saw yaŋ daana minti adordə lese toŋa, wə ɗe a fele aŋke yaŋ gəm. Kaa kə jogte ku mini kə Pep teŋ, goldoŋ hel bə ase minti kel teŋ ɗe a ji haa kotnə mo, daana naanaanə moŋ.

I ZAŊ 3:24

Hulum bə minti bə ɗe gud ku gili kə Pepeŋa, wə bə tapə-tepe duuru saksaki, Pepeŋ bə əsə-isi giidu gəm. Áŋ asaŋ minti wə bə əsə-isi giidə áŋa ha'aŋ, gud Tiiru də minti wə ayna a áŋ.

I ZAŊ 4:13

Karman bə minti ge dər áŋ minti áŋ gə tapə-tepe duuru, wə bə tapə-tepe də áŋ gəm, haa Tiiru də minti wə ayna a áŋ.

I ZAŊ 4:4

Karmanti, aŋ haa kə Pepeŋ. Aŋ pəŋ bulum ne wəra cəərə kaa té gə jogte ku mini bə ceme teteŋa, gud bə minti Hulum bə minti giidiŋaŋ dəŋaŋ hulum kə kaa gə cəərə seŋkaŋ də səɓaki.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 20:15

Mindi mindi mo bə minti səmu paapa bə jeerə-jeere giidə kefter bə dədərgəŋa baŋ, yə gəənu dərə gəm.