ROMEŊ 8:7 - JAA TƏMARWAŊ

⁷ Gud maa mo kaa gə minti ɗe gud karman bə minti giidə kusri bə hatə-hate də baymeleŋ bəluŋ, yə acukur də Pepeŋ, yə humi kosoŋ cəərə ku gili nuutuŋa bə gəm. Yə bəlaŋ ne nuutu minti té humi kosoŋ cuuruŋ, yə paapa gə nakə-neke ba.

ROMEŊ 8:7 Iomraidhean Croise

MATIYE 12:34

Karmə akay! Aŋ neke bə waate kel pəsaŋ haa naanaanə mo bə minti aŋ də kusrəŋ, aŋ wəra kaa kə bayməlaŋ? Gud maa mo ku hulum waate ha'aŋ kel gə minti ɗusnu ku tərmuyu wəraŋ.

MATIYE 5:19

Haa gud teŋa ta minti, hulum bə minti ɓalkaŋ ku gili ne wəra anə məna gud koncoŋ də ku gili kə Pepeŋa, daana bə hate kaayaŋa minti yə jəə la bə tó ana gəm, wə ji yaŋ hulum konce dəŋaŋ kaayaŋ a *Kumna kə Pepeŋa. Səma hulum bə minti ji joŋreŋ də ku giliŋ daana hətu a kaŋ, wə ji yaŋ hulum boblo a Kumna kə Pepeŋa.

Kel pəsaŋ kəmarwaŋ gə minti Zaŋ jiiriniy 7:7

Kaa gə cəərə seŋkaŋ neke bə məlaŋ dərəŋ wəra ba, səma ten toŋ ha'aŋ, yə malnan dərən wəra gud maa mo ten kəətəy gud joŋre neete bə baymeleŋ wəra saksaki.

ROMEŊ 1:28

Yə bəyaŋ Pepeŋ wəra, yə bəlaŋ əsu ba ŋaanaanə moŋ, wə yəəkənəy warna ku ɗiki neete bə kuntə-kuntiŋ na. Bədoona ana, yə ji máŋ haa kar gə minti a paapa kir ji baŋ faɗi.

ROMEŊ 1:30

yə waate sam kumsi baymele, yə acukur də Pepeŋ, yə sarte kumsi, yə teke cəərə kusri apəya, yə hage sam kusri, yə wəra ada ɗəwa cəərə hel də fele baymele kimirwi bə jiŋa, yə de ku kəmni ba.

ROMEŊ 3:31

Áŋ jəəne gə doo-de bədoonaŋ, kel teŋ ge dər haa minti áŋ koloŋ ku giliŋ wəra karman bə bay keye mo? Paapa anə ceki. Áŋ bə ge dəra wəra cəərə keye du bə gəəzə-gəəziŋa ɗaw!

ROMEŊ 5:10

A dayday bə minti áŋ a kəm acukur də Pepeŋ, wə haraŋ bə tepe áŋa duuru də me də Kurmuyuŋ. Bədoona ta minti áŋ wəra gə tapə-tepe duuruŋ, wəra cəərə áŋa faɗi minti wə ɗe a de ku seere áŋ yaŋ wəra gud bə minti Kurmuyuŋ dədərgə caw gəm.

ROMEŊ 7:22

Gal giidən da anə nemnem ha'aŋ, ten wəra də waale anə fənay-fənay də ku gili kə Pepeŋ.

ROMEŊ 8:4

Wə jəŋ teŋ bədoona haa minti, kel gə minti ku gili kə Moyisiŋ bele minti áŋ jəy laŋ, jəə la wəra gə doo-de kuy sar áŋ gə minti Tiiru Cetcetaŋ máŋ abay cəərə áŋaŋ, paapa kusrə áŋ bə hatə-hate də baymeleŋ pəda.

I KOREŊTƏŊ 2:14

Hulum əsəŋ ne cəərə ase nuutuŋa təwaŋ, wə neke bə de haa də karman bə minti bəŋ sar Tiirə Pepeŋ daŋ ba. Karman toŋ gole wəra duru haa karman bə tiniini faɗi. Jəəne minti Tiirə Pepeŋ paapa duuru baŋ, wə neke bə usku guudu ba, wə neke bə ase disi duŋ bə gəm.

I KOREŊTƏŊ 9:21

Ten jəŋ ne də kaayaŋ gə minti ku gili kə Moyisi paapa də diri baŋ, ten ɗe haa bə té ana gəm bə fələy da. Ten jəŋ teŋ ne bədoonaŋ, ge dər minti ten paapa bə humi kosoŋa cəərə ku gili kə Pepeŋa pəda moŋ, paapa. Ana ha'aŋ, ten bə humi kosoŋa cəərə ku gili kə Kristuŋa ɗaw.

KOLOSIŊ 1:21

Ana aŋ ha'aŋ, a dayday Pepeŋ a paapa də dərəŋ ba. Aŋ a koloŋ wəra kaa kə acukur nuutu gud ɗiki nəəti bə minti bə maltaŋ bə jəəti kar kə bayməlaŋaŋ.

KOLOSIŊ 2:18

Aŋ a yaake kusrəŋ minti kaa kəman ɓətəŋ aŋke nəətiŋ la wəra ba. Kumsə kaa teŋ ha'aŋ, bele ji kusri wəra kəna anəkayya gal taakawa minti té yaŋ bə hare cəərə kusrə té adawra, yə gə ayə-aye kusri haa bə toose *kaa kə digi kə Pepeŋa, daana bə ɗe gud kel neete gə minti vaɗte diriŋ. Ɗiki neete bə minti a kusukiŋa gay bə teke cəərə kusri apəya wəra giidə ko bə booboŋa anəkay faɗi.

II TIMOTE 3:4

Yə bə jəəti akoloki cəərə kumsi, yə kole wəra kaa kə ji hãy-hãy, ku tərməyi wəra də ɗostə-ɗoste də aŋke bə kusriŋ. Yə bele kar gə minti giidi bələy dəŋaŋ Pepeŋ.

HEBEREŊ 8:10

Jaa də minti ten bə doora yaŋ də kaanə Israyel dər hi bə ajew naŋ bə ji haa bə ha'aŋ ana: ten bə əyəy ku gili katən haa dər ɗiki di, ten jiiriy di yaŋ haa ku tərməyi faɗi gəm. Ten bə ji yaŋ Pep neeteŋ, té bə ji yaŋ kaa katən gəm. Waataŋ kel teŋ haa ten Barkaŋ.

ZAKI 4:4

Aŋ kaa teŋ gə minti paapa bə isi gud Pepeŋa ɗeketi baŋ! Aŋ nuutu gə asə-ase minti tam jəəne jaa də kar gə cəərə seŋkaŋ tam wəra acukur də Pepeŋ mo? Bədoona ta, hulum bə minti bəlaŋ ne minti tó jəə la jaa də kar gə cəərə seŋkaŋ kənaŋ, wə kole kusru wəra haa acukur də Pepeŋ.

II PIYER 2:14

Yə golde saksaki haa jəəti bə piwpiw, yə paapa bə seepe kas jəəti bə baymeleŋ ba. Kaa gə minti de neeteŋ paapa də səɓaki baŋ, yə təɗtəy wəra guudi. Yə hataŋ kusri wəra də kurfuki. Kəəti kə Pepeŋ bə doo-de diiri.