ROMEŊ 8:1 - JAA TƏMARWAŊ

¹ Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

ROMEŊ 8:1 Iomraidhean Croise

Kel pəsaŋ kəmarwaŋ gə minti Zaŋ jiiriniy 14:20

Ten haraŋ ne wəra dədərgəŋ, aŋ ase yaŋ minti ten bə tapə-tepe də Barən, aŋ gə tapə-tepe dəərən, damdi ten bə tapə-tepe dəərəŋ ana gəm.

Kel pəsaŋ kəmarwaŋ gə minti Zaŋ jiiriniy 15:4

Aŋ jəə la gə gargə-garge sarəna saksaki, damdi ten bə gargə-garge sarəŋa ha'aŋ ana gəm. Kasi atələələma jəəne paapa a kəbaŋ dəŋa baŋ, yə bay ciiri neke bə we ba. Aŋ haa bədoona ana gəm, aŋ jəəne paapa gə gargə-garge sarəna baŋ, aŋ neke bə ji kar pəsaŋ bə gəm.

Kel pəsaŋ kəmarwaŋ gə minti Zaŋ jiiriniy 5:24

Gəəzi, gəəzi, ten waataŋ, hulum bə minti iski kel gə minti ten wəətəy, wə doŋ ne gud Barən bə minti gaanan daŋ gəm, hulum toŋ fəlaŋ dədərgə də bay teweŋ ne wəra ɗaw. Kəəti daw pəda, wə cakɗaŋ da ne warda cəərə meŋ da, wə máŋ wəra a dədərgəŋa ɗaw.

ROMEŊ 16:3

Ten bə mirki Pirsila daana Akilasi gə minti are a joŋre kə Yeesu Kristuŋa keɗe diiriŋ.

ROMEŊ 16:7

Ten bə mirki Andoronikisi daana Zuniya gəm, kaasaw də areŋ. Yə haa kaa gə minti are hamaŋ daŋgay də kumsi. Yə ɓasi keɗe haa *kaa kə vaa-ve gə minti səməy hagaŋ ba ga'i ba, daana yə doŋ gud Kristu haa ajew dən ɗaw.

ROMEŊ 5:1

Bədoona ana, Pepeŋ wəra bə kolə-kole áŋ ɗeker duru gud deŋa tə pə moŋ, kəkaɓiŋ máŋ hebkəna aduubə də áŋa də Pepeŋ gud Barkaŋ náŋ Yeesu Kristuŋa.

ROMEŊ 5:16

Karman bə minti Pepeŋ əyu a kaŋ, wə wəra hal də nayto bə minti kaŋ fəlu gud baymele bə minti hulum məna'i toŋ a juunuŋ. Gud maa mo, gud baymele kə hulum məna'iŋaŋ, Pepeŋ jəmnu kəəti du, kəətiŋ duunu. Səma karman bə minti kaŋ fəlu gud aye bə minti Pepeŋ əyu booboŋ, haa minti wə kuluy wəra ɗeker duru, koo jəəne nuutu minti yə a jəŋ baymeleŋ ablaw.

ROMEŊ 7:17

Bədoona ana ta, baymele bə minti ten jəw, jəw paapa ten ba. Baymele bə giidənaŋ jəw haa tó.

ROMEŊ 7:20

Jəəne minti ten ji haa karman bə minti ten bele jəw baŋ, ji bədoona haa paapa ten ba, baymele bə giidən jəw haa tó.

ROMEŊ 8:11

Ada pa, jəəne minti Tiirə Pep bə minti a haraŋ Yeesu wəra dədərgə adordə meŋaŋ də əsə-isi giidəŋaŋ, tó bə minti haraŋ Yeesu Kristu wəra dədərgəŋ aye dədərgəŋ yaŋ a kusrəŋ bə minti me wəraŋ. Bə ji kel teŋ haa Tiiru də minti də əsə-isi giidəŋaŋ.

ROMEŊ 8:14

Gud maa mo kaa gə minti Tiirə Pepeŋ bə ɗe diiri haa taŋ, yə karmə Pepeŋ.

ROMEŊ 8:2

Gud maa mo Tiiru Cetcetaŋ də minti aye dədərgəŋ a kaŋ gud tepe neeteŋa də Yeesu Kristuŋ, abay cəərəna haa tá, daana doonon wəra ku abay kə baymele bə minti bə əsə-isi cəərəna bə ɗe a məlan a meŋa, haa tá gəm.

ROMEŊ 8:34

Hulum neke bə doy də kəəti pəda, gud maa mo Yeesu Kristu meŋ wəra, ada pa wə haraŋ wəra dədərgə adordə meŋa, wə bə əsə-isi a kasi kemer kə Pepeŋa daana wə bə waate kela gud áŋa haa tó.

ROMEŊ 8:39

koo ko bə minti apəya kəna baŋ, də nayto bə minti adawra gud seŋkaŋa kəna baŋ, koo karman baalaŋ bə minti Pepeŋ a juunuŋ neke bə ɓarse áŋ wəra də bele kə Pepeŋ ba, bele toŋ bə minti wə juunu sar áŋa gud tepe náŋa də Yeesu Kristu Barkaŋ náŋaŋ.

ROMEŊ 8:4

Wə jəŋ teŋ bədoona haa minti, kel gə minti ku gili kə Moyisiŋ bele minti áŋ jəy laŋ, jəə la wəra gə doo-de kuy sar áŋ gə minti Tiiru Cetcetaŋ máŋ abay cəərə áŋaŋ, paapa kusrə áŋ bə hatə-hate də baymeleŋ pəda.

ROMEŊ 8:9

Aŋ teŋ ha'aŋ, cəərəŋa abay haa paapa kar gə minti a kusukiŋaŋ ba, cəərəŋa abay haa Tiirə Pepeŋ gud bə minti a də əsə-isi giidəŋaŋ. Hulum bə minti Tiirə Kristu taŋ kəya jəŋ giidu baŋ, wə paapa kə Kristu ba faɗi.

I KOREŊTƏŊ 1:30

Pepeŋ ayaŋ aseŋ a áŋ haa gud Yeesu Kristu faɗi. Gud maa mo, gud tepe náŋa də Kristu, áŋ koloŋ bə gole duru ɗeker, kaa gə minti wəra dəra'i a nuunu daana gə bədə-bidi wəra ku baymeleŋa.

I KOREŊTƏŊ 15:22

Kaŋ keɗe me haa gud tepe neeteŋa də Adam. Bədoona ana gəm, kaŋ keɗe hare wəra dədərgə adordə meŋa haa gud tepe neeteŋa də Kristu.

II KOREŊTƏŊ 12:2

Hulum yaŋ də dərən bə minti bə tapə-tepe də Kristu. Laate hebkəna hor cuuru waaɗe, Pepeŋ həənu warna a ko bə daŋə-deŋe kumsuŋ na apəy na girdu na. Wə həənu haa də kusuki du keɗe mo, ɗalba tiiru təwa mo, teŋ paapa də dərən ba, ase teŋ haa Pepeŋ təwa.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

GALATIŊ 3:13

Kəəti kə Pepeŋ a humuŋ áŋ gud bə minti áŋ paapa bə ɗe gud ku giliŋa wəra ɓet-ɓeti keɗe ba. Bə hebkəna, Kristu bəŋ a kole kusru wəra a koɗ áŋa minti kəəti toŋ doo la máŋ haa tó. Bədoona ta, wə ɓətəŋ áŋ wəra ku. Gud maa mo Kefter kə Pepeŋ wəra bə jeerə-jeere minti: «Hulum bə minti kaŋ ɓəlnu ne wəra a kəbaŋaŋ, kəəti kə Pepeŋ duunu ne wəra ɗaw.»

GALATIŊ 3:26

Aŋ keɗe, aŋ koloŋ wəra karmə Pepeŋ haa gud bə minti aŋ doŋ gud Yeesu Kristuŋ. Kəya aŋ máŋ wəra tapi duuru.

GALATIŊ 3:28

Bədoona ta, hulum bə Ziwifiŋ paapa hal də hulum bə minti paapa bə Ziwifi baŋ ba. Kafkam paapa hal də hulum bə minti paapa kafkam baŋ ba. Hulum koŋkor paapa hal də həlgəŋ bə gəm. Gud maa mo aŋ təpaŋ wəra də Yeesu Kristu, kəya aŋ koloŋ wəra hulum məna'i.

GALATIŊ 5:16

Ten bele waataŋ haa minti: aŋ yaakə Tiiru Cetcetaŋa la bə ɗe dəərəŋ. Bədoona kəyaŋ, aŋ bə ɗe a kəkəy bə minti kusrə áŋ bə hatə-hate də baymeleŋ bəluŋ pəda.

GALATIŊ 5:25

Tiiru Cetcetaŋ ayaŋ dədərgəŋ a áŋ haa tá, haa pisi minti áŋ yaakə la bə ɗe də áŋ.

EFESIŊ 1:1

Jeere kefter toŋ haa ten Pol, ten bə minti Pepeŋ bəlaŋ minti ten kolə la *hulum bə gaa-ge kə Yeesu Kristuŋ. Ten gaw a kaa kə Pep gə minti giidə vil də Efesiŋaŋ, gə minti ɓeti a tepe neeteŋa də Yeesu Kristuŋ.

FILIPIŊ 3:9

ten jəə la bə tapə-tepe wəra duuru kaŋkaŋ gəm. Ten paapa bə ɗiki minti ten ɗeker dər Pepeŋa ha'aŋ gud ɗe bə gud ku giliŋaŋ ba. Ten ɗeker duru haa gud bə minti ten doŋ gud Kristuŋ. Kolon ɗeker haa Pepeŋ gud bə minti ten doŋ gud Kristuŋ.