ROMEŊ 7:7 - JAA TƏMARWAŊ

⁷ Áŋ waate hebkəna minti harmə mo? *Ku giliŋ baymele mo? Paapa anə ceki faɗi! Səma wə a jəə la baŋ, baymeleŋ a haa karman maa moŋ, a paapa də dərən ba. Wə minti: «A saane karman kə kumsum ba.» Wə a waatə la bədoona baŋ, ten sə a ase baymele toŋ bə gəm.

ROMEŊ 7:7 Iomraidhean Croise

MATIYE 5:28

 Səma ten waataŋ nin haa minti, hulum bə minti saanaŋ həlgə daalaŋ ne minti tó jəə piwpiw la dəərəŋ, wə wəra bə jəə-ji piwpiw dəərə dər ɗiki nuutuŋa ɗaw.

LIKI 12:15

Kəya wə waataŋ kaŋ keɗe minti: «Golə la! Aŋ amə kusrəŋ la pisi ku həryəm bə begeŋa, gud bə minti dədərgə də hulum haŋ sə begeŋa ba, wə jəə la nuutu də bege ablaw ɗaw.»

LIKI 20:16

Wə bə bi haa tó də kusru gadi faɗi, wə awe kaa teŋ yaŋ wəra, wə aye aka nuutuŋ máŋ kasi kaa gaalaŋa bə gole cəərə.» Bə minti kaŋ əskəŋ kel teŋ kəyaŋ, yə minti: «Teŋ kəya ji ba!»

JOŊRE 20:33

Ɗiki dən məlaŋ hõy cəərə soloya bə gəm, cəərə maaway bə gəm, daana cəərə dəməəmə kə huluma bə gəm.

ROMEŊ 13:9

Gud maa mo Pepeŋ ayaŋ *ku gili kayiŋ a áŋ minti: «A ji piwpiw ba, a awe titi ba, a ji dəgaaya ba, a saane karman kə kumsum ba.» Ku gili toŋ kəya də naytoŋ keɗe gaŋ cuuru wəra giidə ku gili bə məna'iŋa kəya minti: «Balə kumsum la damdi kusrum ana faɗi.»

ROMEŊ 3:20

Haa gud teŋa ta minti, jəəne nuutu minti hulum kəman a ɗee la gud ku giliŋa keɗeŋ, Pepeŋ kole hulum anə məna duru ɗeker cəərə teŋ ba. Gud maa mo ku giliŋ keye hulum haa bə ase minti wə jəŋ baymeleŋ təwa faɗi.

ROMEŊ 3:5

Hebkəna ten waate kel haa də aŋar də ɗiki bə minti cəərə kaŋaŋ. Yə waataŋ ne minti baymele bə minti áŋ bə jəwaŋ keye bə ge gud ɗeker kə Pepeŋ wəra pəɗaki a kaŋ, áŋ neke bə waate minti harmə mo? Haa minti Pepeŋ paapa ɗeker ba bə minti wə kole waŋ daana wə ji daŋgay də áŋ mo?

ROMEŊ 4:1

Áŋ ɗəkə la kəm cəərə moomo də áŋ *Abrahama. A hulum kisirki du kəm caw, wə fəlaŋ haa maa mo?

ROMEŊ 4:15

Gud maa mo, ji minti Pepeŋ kolə waŋ la cəərə kaŋa haa ku giliŋ. Ku giliŋ a jəə la paapaŋ, hulum sə a neke bə ɓəlku bə gəm.

ROMEŊ 5:20

Bə minti ku giliŋ əsəŋ bə ji joŋreŋ, baymeleŋ jəwaŋ ablaw faɗi. Baymeleŋ jəwaŋ kəya ŋaanaanə moŋ, pisi bə minti Pepeŋ jəw cəərə kaŋaŋ dəŋnu cuuru máŋ pisi daŋə ɗaw.

ROMEŊ 6:15

Áŋ bə waate haa minti harmə mo? Áŋ ɗee la a ji baymeleŋ gud bə minti áŋ paapa kir kasi *ku giliŋ pəda, áŋ máŋ kir kasi pisi bə minti Pepeŋ jəw cəərə kaŋaŋ tə mo? Paapa anə ceki faɗi!

ROMEŊ 7:11

Baymeleŋ fəlaŋ duru bə kan kun də ku giliŋ, kəya wə haŋ ku giliŋ bə ɗe dəərən a meŋa.

ROMEŊ 7:13

Kəya karman pisiŋ koloŋ karman bə minti ɗeŋ dəərən a meŋa haa tó mo? Paapa anə ceki! Ɗeŋ dəərən ada haa baymeleŋ. Kəya wə haŋ karman pisiŋ bə ɗe a məlan ku meŋa. Yə haa bədoona kir minti baymeleŋ naanaanə moŋ, kaŋ asə la wəra pis-pisi. Bədoona ana, gud ku giliŋa ta, gud baymeleŋ gaŋ wəra minti wə wəra bə daŋə-deŋe baymele hasi.

ROMEŊ 7:5

Bə minti áŋ a kəm bə ɗe a kusukiŋaŋ, ɗiki bə baymele bə ku tarmə áŋ a koloŋ də səɓaki haa gud ku giliŋa. Wə jəŋ joŋreŋ də áŋ daana cuuru awaŋ haa me bə kaŋ.

ROMEŊ 7:8

Bə minti ten əskəŋ ku gili toŋ kəyaŋ, baymeleŋ fəlaŋ duru bə zogton guudən a gidiirə saane bə kara ablaw faɗi. Gud maa mo ku giliŋ a jəə la baŋ, baymeleŋ a haa karman bə mee-me wəra.

I KOREŊTƏŊ 15:56

Meŋ fele səɓaki nuutu də awe kaŋ haa gud ji bə baymeleŋa. Baymeleŋ fele səɓaki nuutuŋ haa gud *ku gili kə Pepeŋa gəm.

EFESIŊ 5:3

Aŋ haa kaa kə Pepeŋ tə bə moŋ, gidiirə kel kə bayməlaŋ daana gə zeɓə-zeɓeŋ keɗe, koo kel kə həryəm-həryəm, a kele wəra ku huluma bə anə ceki faɗi a ko bə nele nəətiŋa də kumsəŋ.

KOLOSIŊ 3:5

Bədoona ana ta, ɗiki bə kar gə minti cəərə seŋkaŋa kənaŋ, aŋ əwəy kəsar di la wəra sarəŋa. Haa anə ji bə booboŋ, kel kə zeɓə-zeɓeŋ, kel kə sesewsesew, ɗiki bə ji baymeleŋ daana kel kə həryəm-həryəm (gud maa mo həryəm haa ke bə awalna a kar gə minti kaŋ guluy pepe neeteŋ toki).

1 TESALONIKIŊ 4:5

Wə a yaake kusru bə he bəlam də ɗiki bə piwpiwa damdi kaa gə minti Pepeŋ paapa də diri baŋ həənu ana ba.

HEBEREŊ 7:19

Gud maa mo ku gili kə Moyisiŋ doŋ ku karman anə məna wəra kaŋkaŋ ba. Bə hebkənaŋ, karman baalaŋ bə minti áŋ gə malə-mele ɗiki də áŋ cuuruŋ yaŋ bə minti dəŋaŋ ku giliŋ. Áŋ gə nakə-neke bə ze sar Pepeŋa haa guudu.