ROMEŊ 7:6 - JAA TƏMARWAŊ

⁶ A dayday áŋ a a daŋgaya kasi ku giliŋa, səma bə hebkənaŋ adəwaldə áŋ wəra də ɓarsə-ɓarse duuru, wə paapa abay cəərə áŋa pəda. Kəya áŋ gə nakə-neke bə ji joŋre a Pepeŋ də kəkəy kimirwi bə minti Tiiru Cetcetaŋ ge dər áŋ cuuruŋ, paapa də nayto bə tawə-tewe bə minti bə əsə-isi cəərə kel gə jeerə-jeere gə giidə ku giliŋ pəda.

ROMEŊ 7:6 Iomraidhean Croise

ROMEŊ 1:9

Pep bə minti ten bə jəw joŋreŋa wəra də ku tarman keɗe a kəkəy bə waate *Kel pəsaŋ kəmarwaŋ gə cəərə Kurmuyuŋa wəraŋ, bə asə-ase minti kel gə minti ten waataŋ diŋ yə gəəzi: ten saksaki bə ɗiki cəərəŋa dər toose katəna.

ROMEŊ 12:2

Aŋ a tepe ɗe dəŋ də kə kaa gə dər ko bə hebkənaŋ ba. Aŋ yaakə Pepeŋ la bə koloŋa də ɗiki kimirwi bə minti wə bə ayaŋ dəŋaŋ ɗaw, kir minti aŋ nakə la bə ase karman bə minti giidə Pepeŋ bəluŋ, haa karman bə minti pisi, bə minti daw duruŋ, daana bə minti a kuɗuŋa damdi wə sə a ji bədoona anaŋ.

ROMEŊ 6:11

Bədoona ana, aŋ gəm ha'aŋ, aŋ golə kusrəŋ la damdi me dəŋ wəra bə ɓarsə-ɓarse dəərəŋ də baymeleŋ ana daana aŋ máŋ dədərgə haa a Pepeŋ gud tepe nəətiŋa də Yeesu Kristu.

ROMEŊ 6:19

Ten humtuŋ kar gə minti bə jəəti sar aŋ kaa kəsarkaŋa kənaŋ bə waataŋ kel, gud bə minti aŋ iski cəlam baŋ. A dayday aŋ ayaŋ kar də kusrəŋ damdi kafkam ana bə jəəti gidiirə baymeleŋa daana kar kə bay koloŋ cetcetiŋ gəm. Kel teŋ kəya malnaŋ a bay humi bə kosoŋ bə cəərə Pepeŋa faɗi. Bə hebkənaŋ, aŋ ayə kar də kusrəŋ la wəra keɗe a Pepeŋ bədoona ana gəm, bə ji kel ɗekeri gə ɗe a məlaŋ cəərə ɗe cetcetiŋaŋ.

ROMEŊ 6:2

Paapa anə ceki! Me bə minti áŋ miinuŋ cəmaŋ adəwaldə áŋ wəra də baymeleŋ tə bə moŋ, áŋ neke bə raawe duru naanaanə mo?

ROMEŊ 6:22

Səma aŋ wəra hebkəna gə bədə-bidi ku baymeleŋa, aŋ máŋ gə kolə-kole kafkam kə Pepeŋ. Karman bə minti aŋ fəlu adaŋ haa minti ɗe dəŋ kole wəra cetceti daana wə ɗe a awe cuuru dəərəŋ a dədərgə də bay teweŋa.

ROMEŊ 6:4

Bə minti yə jəŋ batem a áŋ, áŋ meŋ wəra haa duuru faɗi, yə vaŋ áŋ a tələŋkə wəra haa duuru gəm kir minti Pep Abaŋ harə áŋ la wəra dədərgə adordə meŋa damdi wə a haraŋ Kristu wəra dədərgə də səɓaki nuutu də daŋə-deŋeŋ ana gəm. Wə haraŋ áŋ wəra dədərgə haa minti ɗe də áŋ jəə la kimirwi.

ROMEŊ 7:1

Kəsaananti, karman bə minti ten waataŋ dəŋ, aŋ wəra gə asə-ase duuru ɗaw, gud maa mo aŋ gə asə-ase *ku giliŋ. Wə bə əsə-isi abay haa cəərə hulum bə minti kəm caw dədərgəŋ təwa.

ROMEŊ 7:2

Aŋ gosə gole la kəm cəərə həlgəŋa də gedraŋ. Bə minti wə kəm caw dədərgəŋ, ku giliŋ bə əntə-ənti dəərə suru. Səma wə meŋ ne wəraŋ, a wəra də bədə-bidi ku ku gili tó bə minti a əntənə duuruŋa.

ROMEŊ 7:4

Kəsaananti, kel dəərəŋ haa bədoona ana gəm. Gud tapi nəətiŋa də Kristuŋ, aŋ meŋ wəra duuru bə minti wə meŋ wəra a kəbaŋ gə largaŋaŋ, kəya me dəŋ ɓarsənaŋ wəra də ku giliŋ. Aŋ máŋ kə hulum baalaŋ, hulum tó bə minti haraŋ wəra dədərgə adordə meŋaŋ, kir minti aŋ jəə la haa kar gə keye agal kə Pepeŋa.

II KOREŊTƏŊ 3:6

Koloŋ are wəra gə nakə-neke bə ji joŋre tó bə waate sam *jaa təmarwaŋ haa tó. Jaa taŋ, guudə gaŋ paapa cəərə *ku gili kəmana bə jeerə-jeere wəra lam ba, guudə gaŋ haa cəərə Tiiru Cetcetaŋa. Ku gili bə jeerə-jeereŋ ɗe a mele hulum a meŋa; kə Tiiruŋ, taŋ ɗe a məlu haa a dədərgə də bay teweŋa gəm.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

GALATIŊ 3:13

Kəəti kə Pepeŋ a humuŋ áŋ gud bə minti áŋ paapa bə ɗe gud ku giliŋa wəra ɓet-ɓeti keɗe ba. Bə hebkəna, Kristu bəŋ a kole kusru wəra a koɗ áŋa minti kəəti toŋ doo la máŋ haa tó. Bədoona ta, wə ɓətəŋ áŋ wəra ku. Gud maa mo Kefter kə Pepeŋ wəra bə jeerə-jeere minti: «Hulum bə minti kaŋ ɓəlnu ne wəra a kəbaŋaŋ, kəəti kə Pepeŋ duunu ne wəra ɗaw.»

GALATIŊ 6:15

Hulum jəə la nuutu wəra bə jamə-jeme tənturuŋ ɗaw, wə jəə laŋa bay jama ɗaw, teŋ keɗe kəm paapa kel ba. Kel kəmtəŋ haa minti aŋ koloŋ ne máŋ kaa kəmarwaŋ.

EFESIŊ 4:24

Aŋ darə tiirəŋ təmarwaŋ la cəərəŋa, tiirəŋ tá də minti Pepeŋ a jəənə bə tó ana'iŋ, kir minti ɗe dəŋ tapə la də kel kə gəəzə-gəəziŋ. Kel teŋ haa minti ɗe dəŋ jəə la wəra ɗeker daana *cetceti.

FILIPIŊ 3:3

Kaa gə camə-ceme tantaŋ gəəziŋ haa áŋ, gud bə minti áŋ ke awalnaŋ a Pepeŋ haa də Tiiru faɗi daana cəərə áŋ gə haa-he apəya haa gud tepe náŋa də Yeesu Kristuŋ. Áŋ paapa gə malə-mele ɗiki də áŋ cəərə to'osi kə kaa kəsarkaŋa bə gəm.

KOLOSIŊ 3:10

Aŋ koloŋ hebkəna damdi kaa kəmarwaŋ ana faɗi. Pep bə minti a jəənəŋ, kolnoŋ wəra kəmarwaŋ haa tó. Wə bə ji joŋre sarəŋa saksaki bə koloŋ wəra damdi tó ana kir minti aŋ nakə la bə əsu wəra kaŋkaŋ.