ROMEŊ 7:5 - JAA TƏMARWAŊ

⁵ Bə minti áŋ a kəm bə ɗe a kusukiŋaŋ, ɗiki bə baymele bə ku tarmə áŋ a koloŋ də səɓaki haa gud ku giliŋa. Wə jəŋ joŋreŋ də áŋ daana cuuru awaŋ haa me bə kaŋ.

ROMEŊ 7:5 Iomraidhean Croise

MATIYE 15:19

Gud maa mo haa ku tarmə hulum da minti kar ha'iŋ feke warda də adaŋ: anə ɗiki bə baymeleŋ, awe bə titiŋ, piwpiw, jəəti bə booboŋ, dəgaayaŋ, ŋete bə kel sar kumsumaŋ, sarte bə kaŋ.

Kel pəsaŋ kəmarwaŋ gə minti Zaŋ jiiriniy 3:6

Beebe bə minti hulum kisirkiŋ wəənuŋ, suru haa kusuki kə kəmnu. Hulum bə minti Tiirə Pepeŋ wəənuŋ, toŋ haa a tiiruŋa gəm.

ROMEŊ 1:26

Gud teŋa ta, Pepeŋ yəəkənəy warna ku kel neete gə kes-kese gə minti yə də kinkin di bə jəy. Kəram yaakaŋ əsti də kaŋkar wəra bə əsti máŋ də kumsi ɗaw; a haa karman bə minti paapa kir ji ba.

ROMEŊ 3:20

Haa gud teŋa ta minti, jəəne nuutu minti hulum kəman a ɗee la gud ku giliŋa keɗeŋ, Pepeŋ kole hulum anə məna duru ɗeker cəərə teŋ ba. Gud maa mo ku giliŋ keye hulum haa bə ase minti wə jəŋ baymeleŋ təwa faɗi.

ROMEŊ 4:15

Gud maa mo, ji minti Pepeŋ kolə waŋ la cəərə kaŋa haa ku giliŋ. Ku giliŋ a jəə la paapaŋ, hulum sə a neke bə ɓəlku bə gəm.

ROMEŊ 5:20

Bə minti ku giliŋ əsəŋ bə ji joŋreŋ, baymeleŋ jəwaŋ ablaw faɗi. Baymeleŋ jəwaŋ kəya ŋaanaanə moŋ, pisi bə minti Pepeŋ jəw cəərə kaŋaŋ dəŋnu cuuru máŋ pisi daŋə ɗaw.

ROMEŊ 6:13

Aŋ a yaake kəkəy a karman dəŋ anə məna bə ji baymele minti wə kolə la wəra karman bə joŋre bə kel kə gul-gulaŋ ba. Ana ɗaw ha'aŋ, aŋ haraŋ wəra dədərgə adordə meŋa tə kəm, aŋ ayə kusrəŋ la wəra keɗe a Pepeŋ kir minti wə jəə joŋre la dəərəŋ bə jəəti kel ɗekeriŋ.

ROMEŊ 6:19

Ten humtuŋ kar gə minti bə jəəti sar aŋ kaa kəsarkaŋa kənaŋ bə waataŋ kel, gud bə minti aŋ iski cəlam baŋ. A dayday aŋ ayaŋ kar də kusrəŋ damdi kafkam ana bə jəəti gidiirə baymeleŋa daana kar kə bay koloŋ cetcetiŋ gəm. Kel teŋ kəya malnaŋ a bay humi bə kosoŋ bə cəərə Pepeŋa faɗi. Bə hebkənaŋ, aŋ ayə kar də kusrəŋ la wəra keɗe a Pepeŋ bədoona ana gəm, bə ji kel ɗekeri gə ɗe a məlaŋ cəərə ɗe cetcetiŋaŋ.

ROMEŊ 6:21

Dər ko bə ateŋa daŋ, aŋ fəlaŋ haa maa gud jəəti bə kar gə minti jəŋ keseŋ dayna mo? Kel teŋ ɗe a awe ciiri dəərəŋ haa a meŋa ɗaw.

ROMEŊ 6:23

Gud maa mo werke bə gud baymeleŋ haa meŋ. Səma karman bə minti Pepeŋ əyu a kaŋ booboŋ haa dədərgə də bay tewe də minti wəra də tapə-tepe də Yeesu Kristu Barkaŋ náŋ.

ROMEŊ 7:23

Səma ten bə ase kel gaalaŋa bə ji joŋre gal giidəna gə minti bə duuri də kaayaŋ gə minti ten bə doo-de haa guudi də ɗiki dən. Kel gaalaŋ té gə minti ji joŋreŋ giidənaŋ, kolnon kafkam kə baymele bə minti cəərəna abay.

I KOREŊTƏŊ 15:56

Meŋ fele səɓaki nuutu də awe kaŋ haa gud ji bə baymeleŋa. Baymeleŋ fele səɓaki nuutuŋ haa gud *ku gili kə Pepeŋa gəm.

II KOREŊTƏŊ 10:3

Are nuutu kaa kəsarkaŋ, səma are duuri naareŋ paapa cəərə ɗiki bə kusukiŋa ba.

GALATIŊ 3:10

Səma kə kaa gə minti bə ɗiki minti ku giliŋ kole té yaŋ wəra ɗeker dər Pepeŋaŋ, kəəti kə Pepeŋ duuniy ne wəra ɗaw. Gud maa mo, Kefter kə Pepeŋ wəra bə jeerə-jeere minti: «Hulum bə minti paapa bə ji joŋre də kel gə giidə kefter bə ku gili kə Moyisiŋa wəra saksaki keɗe baŋ, kəəti kə Pepeŋ daw la.»

GALATIŊ 5:24

Kaa gə minti teŋ wəra kə Yeesu Kristuŋ, yə ŋoryoŋ kusri bə hatə-hate də baymeleŋ warna haa ŋorye faɗi. Yə ŋoryoŋ wəra haa kar gə bayməlaŋ gə minti yə a bə bələya ablaw gəm. Yə ɓəlnəy wəra apəya də Yeesu a kəbaŋ gə largaŋa.

EFESIŊ 2:11

Gud teŋa ta, aŋ gə minti a paapa gə Ziwifi baŋ, aŋ a jəŋ dayday naanaanə mo, aŋ harə la kəm bə ɗiki kel teŋa. Kaanə Ziwifiŋ a jəŋ bə mantəŋa minti: «kaa kə *tantəraŋ də bay ceme». Yə mante kusri minti té teŋ kaa gə tanta də camə-ceme gud tarwa tá də minti yə kaara a kusuki diŋ.

EFESIŊ 2:3

Áŋ keɗe, áŋ a jəŋ haa bə kaa teŋ ana gəm. Áŋ a bə ɗe haa gud kel gə minti kusrə áŋ bə hatə-hate də baymeleŋ a bə bələyaŋ. Kar məntə məntə mo keɗe minti kusukiŋ daana ɗiki dəŋ bələy, áŋ jiitiniy anə faɗ-faɗi. Bədoona ana, gud kusrə áŋ toŋa ta, áŋ a wəra gə sokə-soke haa minti kəəti kə Pepeŋ sə a humi áŋ damdi kaa kaayaŋ teŋ ana gəm.

KOLOSIŊ 3:5

Bədoona ana ta, ɗiki bə kar gə minti cəərə seŋkaŋa kənaŋ, aŋ əwəy kəsar di la wəra sarəŋa. Haa anə ji bə booboŋ, kel kə zeɓə-zeɓeŋ, kel kə sesewsesew, ɗiki bə ji baymeleŋ daana kel kə həryəm-həryəm (gud maa mo həryəm haa ke bə awalna a kar gə minti kaŋ guluy pepe neeteŋ toki).

TITI 3:3

Gud maa mo, áŋ də kusrə áŋ ha'aŋ, áŋ a jəŋ dayday haa kaa gə minti kel paapa də dər áŋ ba, paapa bə de ku huluma ba, áŋ a wəra gə lentə-lente. Áŋ a jəŋ kafkam gə saane gidiirə kar keɗe gə minti giidə áŋ bələy. Áŋ a zugi haa dər sərkəŋa daana də lemlem də kar kə kaa. Kaŋ a maltaŋ dər áŋ wəra, áŋ maltaŋ dər kumsə áŋ wəra gəm.

ZAKI 1:15

Ɗiki bə baymeleŋ haŋ məənə ne giidə hulumaŋ, wə ɗe a we wəra haa baymeleŋ gəm. Bə minti baymeleŋ suŋ ne wəra giiduŋ, wə ɗe a awe cuuru wəra haa meŋ.

ZAKI 4:1

Awəy daana gəbaŋ bə minti awte kaasəŋaŋ, kəsar di feke haa da ane də mo? Kəsar di feke da haa a ɗiki nəəti bə baymele bə minti saksaki bə duuri də kusuki dəŋ.

I ZAŊ 3:4

Hulum bə minti ji baymeleŋ, wə ɓalke wəra haa *ku gili kə Pepeŋ, gud bə minti ji bə baymeleŋ haa ɓalke bə ku gili kə Pepeŋ.