ROMEŊ 7:4 - JAA TƏMARWAŊ

⁴ Kəsaananti, kel dəərəŋ haa bədoona ana gəm. Gud tapi nəətiŋa də Kristuŋ, aŋ meŋ wəra duuru bə minti wə meŋ wəra a kəbaŋ gə largaŋaŋ, kəya me dəŋ ɓarsənaŋ wəra də ku giliŋ. Aŋ máŋ kə hulum baalaŋ, hulum tó bə minti haraŋ wəra dədərgə adordə meŋaŋ, kir minti aŋ jəə la haa kar gə keye agal kə Pepeŋa.

ROMEŊ 7:4 Iomraidhean Croise

MATIYE 26:26

Bə minti yə bə hameŋ, wə toosoŋ bə ge pisiŋ cəərə mappaŋa, wə ɗoklona dərə, wə ayna a kaa gə guuduŋ. Wə wəətənəy minti: «Aŋ doorə la, aŋ hamə la, haa kəya kusrən.»

MARKƏ 4:20

Surdu vaŋ a ko bə cimə-cimiŋa. Ko bə cimə-cimiŋ, haa kaa gə minti əski kel kə Pepeŋ, yə doy ku tərməyi faɗi. Ɗe neeteŋ ɗe ajewa pisi damdi kolɓoy bə minti dəyaŋ wəra, kəəsu məna we hor-hor soope, hor-hor kənki, kəsi mo, bədoona ana'iŋ.»

Kel pəsaŋ kəmarwaŋ gə minti Zaŋ jiiriniy 15:8

Karman bə minti veɗe boblo kə Barən wəraŋ, haa bə minti aŋ bə jəəti kar pəsaŋa ablaw gə minti veɗe wəra minti aŋ *kaa gə guudən.

Kel pəsaŋ kəmarwaŋ gə minti Zaŋ jiiriniy 3:29

Aŋ gosə gole la kəm, a ko bə kəɗwəy gə de həlgəŋaŋ, hulum bə dooraŋ haa gedraŋ bə mo? Bərdə kəkəy nuutuŋ isi máŋ maŋ suru ha'aŋ, bə usku ku. Kusru ji wəra də waale anə holoŋ-holoŋ bə minti wə bə iski ku dəəruŋaŋ. Waale katən bə gud Hulum bə minti Pepeŋ ŋəmnuŋ, wə haa bədoona ana gəm, wə wəra bə doo-de ku anə kaŋkaŋ faɗi.

Kel pəsaŋ kəmarwaŋ gə minti Zaŋ jiiriniy 6:51

Ten də kusrən haa hame bə minti aye dədərgəŋ, bə minti bəŋ apəy daŋ gəm. Hulum bə minti hamaŋ hame tó neŋ, toŋ ji yaŋ caw bə faɗnə-faɗna. Hame bə minti ten bə əyu kir minti kaa gə cəərə seŋkaŋ falə dədərgəŋ laŋ, haa kusuki dən gadi faɗi.»

ROMEŊ 6:11

Bədoona ana, aŋ gəm ha'aŋ, aŋ golə kusrəŋ la damdi me dəŋ wəra bə ɓarsə-ɓarse dəərəŋ də baymeleŋ ana daana aŋ máŋ dədərgə haa a Pepeŋ gud tepe nəətiŋa də Yeesu Kristu.

ROMEŊ 6:14

Bədoona ana ta, baymeleŋ bə ji abay cəərəŋa pəda gud bə minti aŋ paapa kir kasi *ku giliŋ ba, aŋ máŋ kir kasi pisi bə minti Pepeŋ jəw cəərə kaŋaŋ.

ROMEŊ 6:2

Paapa anə ceki! Me bə minti áŋ miinuŋ cəmaŋ adəwaldə áŋ wəra də baymeleŋ tə bə moŋ, áŋ neke bə raawe duru naanaanə mo?

ROMEŊ 6:22

Səma aŋ wəra hebkəna gə bədə-bidi ku baymeleŋa, aŋ máŋ gə kolə-kole kafkam kə Pepeŋ. Karman bə minti aŋ fəlu adaŋ haa minti ɗe dəŋ kole wəra cetceti daana wə ɗe a awe cuuru dəərəŋ a dədərgə də bay teweŋa.

ROMEŊ 7:3

Bədoona ana, jəəne minti gedraŋ kəm caw, a kooroŋ ne a isi gud koŋkor baalaŋaŋ, yə manta həlgə də jəə-ji piwpiw. Səma gedraŋ meŋ ne wəraŋ, a wəra də bədə-bidi ku ku giliŋa. Kəkəy cəərə bə ɗe a de koŋkor baalaŋ, a jəŋ paapa piwpiw ba.

ROMEŊ 7:6

A dayday áŋ a a daŋgaya kasi ku giliŋa, səma bə hebkənaŋ adəwaldə áŋ wəra də ɓarsə-ɓarse duuru, wə paapa abay cəərə áŋa pəda. Kəya áŋ gə nakə-neke bə ji joŋre a Pepeŋ də kəkəy kimirwi bə minti Tiiru Cetcetaŋ ge dər áŋ cuuruŋ, paapa də nayto bə tawə-tewe bə minti bə əsə-isi cəərə kel gə jeerə-jeere gə giidə ku giliŋ pəda.

ROMEŊ 8:2

Gud maa mo Tiiru Cetcetaŋ də minti aye dədərgəŋ a kaŋ gud tepe neeteŋa də Yeesu Kristuŋ, abay cəərəna haa tá, daana doonon wəra ku abay kə baymele bə minti bə əsə-isi cəərəna bə ɗe a məlan a meŋa, haa tá gəm.

I KOREŊTƏŊ 10:16

Aŋ ɗəkə la cəərə kooso bə se bə minti aŋ ji joŋreŋ duuru a hame kə Barkaŋa bə minti aŋ ji suuse a Pepeŋ cuuruŋ. Bə minti áŋ bə se adaŋ, wə kole áŋ gə nakə-neke bə tepe də kumsə áŋ keɗe bə tepe áŋ də Kristu gud kor du. Mappa də minti áŋ ɗoklə dərə bə hameŋ, a kole áŋ gə nakə-neke bə tepe də kumsə áŋ bə tepe áŋ də kusrə Kristu gəm.

II KOREŊTƏŊ 11:2

Gud maa mo bele katən bə cəərəŋ paapa bə yaakana bə ayaŋ kəkəy bə hare ɗiki dəŋ na warna cəərə hulum baalaŋ na ba. Pepeŋ bə balə-bele haa bədoona gəm. Aŋ haa bə tər tew də minti əsəŋ kəm də koŋkor baŋ ana. Ten bə jəŋ kel dəŋa bə bəlaŋ a hulum ɗaaməna, hulum toŋ haa Kristu.

GALATIŊ 3:13

Kəəti kə Pepeŋ a humuŋ áŋ gud bə minti áŋ paapa bə ɗe gud ku giliŋa wəra ɓet-ɓeti keɗe ba. Bə hebkəna, Kristu bəŋ a kole kusru wəra a koɗ áŋa minti kəəti toŋ doo la máŋ haa tó. Bədoona ta, wə ɓətəŋ áŋ wəra ku. Gud maa mo Kefter kə Pepeŋ wəra bə jeerə-jeere minti: «Hulum bə minti kaŋ ɓəlnu ne wəra a kəbaŋaŋ, kəəti kə Pepeŋ duunu ne wəra ɗaw.»

GALATIŊ 5:18

Səma, jəəne minti aŋ máŋ bə yaake Tiiru Cetcetaŋ bə ɗe dəərəŋ, *ku giliŋ neke bə ape səɓaki cəərəŋa pəda.

EFESIŊ 2:15

daana wə arsaŋ *ku gili kə *Moyisiŋ wəra də təbay duŋ daana kel du gə minti a wəra də gədəəgi di bəy-bəy. Wə jəŋ teŋ bədoona haa minti kaanə Ziwifiŋ, də kaa gə minti paapa gə Ziwifiŋ baŋ, tapə la wəra məna'i giidə kusul kimirwi bə minti təpnəy wəra duuruŋ daana bə əyəy kəkaɓiŋ aduubə diŋ.

FILIPIŊ 1:11

Kəya ɗe dəŋ ji yaŋ saksaki ɗeker gud səɓaki kə Yeesu Kristuŋa, kir minti kaŋ haa cəərə Pepeŋ la apəya, yə tukɗu la gud teŋa gəm.

FILIPIŊ 4:17

Ten waataŋ kel teŋ haa kənaŋ paapa gud bə minti ten bə golde karman bə kaasəŋaŋ ba, ten golde haa ɗaw minti Pepeŋ gaŋ pisiŋ la cəərəŋa pisi gaa gud kar nəəti gə ayə-ayeŋa.

KOLOSIŊ 1:10

Bədoona ta, aŋ ji yaŋ wəra gə nakə-neke a ɗe dəŋa damdi kə Barkaŋ ana, bə daw duru wəra cəərə kara keɗe gəm. Gud maa mo, ɗe dəŋ ɗe a awe cuuru haa cəərə gidiirə pisiŋa keɗe, aŋ zeede yaŋ pisi zeeda bə ase Pepeŋa wəra gəm.

KOLOSIŊ 1:22

Səma bə hebkənaŋ, Pepeŋ təpaŋ adəwaldu wəra dəərəŋ haa də me bə minti Kurmuyuŋ miinu də kusuki kə kaa kəsarkaŋ suruŋ. Wə jəŋ teŋ dəərəŋ bədoona haa kir minti tó koloŋ la wəra tiinə tó cetceti, bay kel sarəŋa, daana hulum a neke bə məlaŋ kel sarəŋa bə gəm.

KOLOSIŊ 1:6

Kel pəsaŋ kəmarwaŋ teŋ wəra bə duusi daana bə aye pisiŋa a kaŋ giidə seŋkaŋa keɗe'i. Yə jəŋ wəra adəwaldəŋa haa bədoona gəm də anə hãã bə minti aŋ əskəŋ sam pisi bə minti Pepeŋ bə jəwa sar kaŋa daana aŋ əsnəy wəra sarəŋa minti yə naanaanə gəəzə-gəəzi moŋ gəm.

KOLOSIŊ 2:14

Gud maa mo, kefter bə waate sam kel gə minti áŋ a jiitiniy a kuɗiŋa damdi ku giliŋ waate ana baŋ, wə ɓəlkunu wəra. Kefter toŋ paapa bəy pəda, gud bə minti wə ɓəlnu wəra də Kristu a kəbaŋ gə largaŋa.

KOLOSIŊ 2:20

Aŋ wəra gə mee-me də Kristu daana aŋ wəra gə bədə-bidi ku səɓaki kə kəwal gə minti gə əsə-isi kəkamna cəərə seŋkaŋaŋ. Bədoona ana tə kəm, aŋ bə ji kusrəŋ damdi aŋ kəm kir kasi kar té gə cəərə seŋka ana, bə tope haa də sar ku gili tó kay-kayiŋ minti:

HEBEREŊ 10:10

Haa gud giidə Pep gə balə-bele teŋa minti áŋ wəra gə kolə-kole cetceti ku baymeleŋa, gud bə minti Yeesu Kristu ayaŋ kusru wəra damdi keere ana kampa ɗaaməna faɗi.

I PIYER 2:24

Wə də kusru, wə haŋ baymele náŋ cuuru, wə saŋ lasiŋ də baymele náŋ toŋ warna suru na də bə minti yə ɓəlnu wəra a kəbaŋ gə largaŋaŋ, kir minti aŋ jəə la wəra gə mee-me agal də ji bə baymeleŋa, səma aŋ jəə la máŋ dədərgə agal də ɗe ɗekeriŋa ɗaw. Wə saŋ lasiŋ bədoona tə bə moŋ, aŋ seereŋ wəra haa gud teŋa.

VEƊE 19:7

Áŋ waalə la wəra dagna'-dagna'i. Áŋ tukɗu la! Gud maa mo hi bə ji kəɗwəy gə de həlgə kə Kormə Taaməkaŋ nəkaŋ ne. Muruŋ ɗampaŋ da ne warda.

VEƊE 21:9

Kəya kumundu məna gud *kaa kə digi kə Pepeŋ seeɗa'iŋa gə minti a jəŋ wəra də taasə kəəsi bə ɗosə-ɗose də lasi də adoroŋ, bəŋ a waatan minti: «Bəəda, ten gam dərəm cəərə tər də minti Kormə Taaməkaŋ bə doora muruŋ.»