ROMEŊ 6:4 - JAA TƏMARWAŊ

⁴ Bə minti yə jəŋ batem a áŋ, áŋ meŋ wəra haa duuru faɗi, yə vaŋ áŋ a tələŋkə wəra haa duuru gəm kir minti Pep Abaŋ harə áŋ la wəra dədərgə adordə meŋa damdi wə a haraŋ Kristu wəra dədərgə də səɓaki nuutu də daŋə-deŋeŋ ana gəm. Wə haraŋ áŋ wəra dədərgə haa minti ɗe də áŋ jəə la kimirwi.

ROMEŊ 6:4 Iomraidhean Croise

Kel pəsaŋ kəmarwaŋ gə minti Zaŋ jiiriniy 11:40

Wə minti: «Ten a wəətənəy wəra minti te doŋ neŋ, te ase boblo kə Pepeŋ yaŋ bə mo?»

Kel pəsaŋ kəmarwaŋ gə minti Zaŋ jiiriniy 2:11

Haa kəya miɗi bə minti wə juunu giidə vil də Kaanaŋa, seŋka də Galileŋ. Wə haa miɗi bə ge dər bə cəərə abay nuutuŋ minti Yeesu məlaŋ guudu bə jəwa ajew aduubə də kumsuŋaŋ. Wə vəɗaŋ boblo nuutuŋ wəra haa bədoona ana, kaa gə guuduŋ koloŋ bə de guudu haa sə teŋ.

JOŊRE 2:24

Səma Pepeŋ hərnu wəra dədərgə adordə meŋa. Wə budnu warda kasi me da, gud bə minti səɓaki də meŋ nəkaŋ kir jeme waŋ duuru ba.

JOŊRE 2:32

Yeesu tó bə minti ten bə waataŋ səmu ha'aŋ, Pepeŋ hərnu warda dədərgə adordə meŋa. Are neŋneŋ keɗe kəmnə də kəkəy də kel teŋ.

ROMEŊ 6:19

Ten humtuŋ kar gə minti bə jəəti sar aŋ kaa kəsarkaŋa kənaŋ bə waataŋ kel, gud bə minti aŋ iski cəlam baŋ. A dayday aŋ ayaŋ kar də kusrəŋ damdi kafkam ana bə jəəti gidiirə baymeleŋa daana kar kə bay koloŋ cetcetiŋ gəm. Kel teŋ kəya malnaŋ a bay humi bə kosoŋ bə cəərə Pepeŋa faɗi. Bə hebkənaŋ, aŋ ayə kar də kusrəŋ la wəra keɗe a Pepeŋ bədoona ana gəm, bə ji kel ɗekeri gə ɗe a məlaŋ cəərə ɗe cetcetiŋaŋ.

ROMEŊ 6:3

Jəə la də dərəŋ minti, bə minti yə jəŋ batem a áŋ keɗe bə tepe áŋ də Yeesu Kristuŋ, áŋ təpaŋ wəra duuru a me nuutuŋa gəm.

ROMEŊ 6:8

Áŋ meŋ wəra də Kristu ŋaanaanə moŋ, wəra cəərə áŋa faɗi gəm minti áŋ bə ji haa zugi dədərgə duuru.

ROMEŊ 6:9

Gud maa mo áŋ wəra gə asə-ase minti, Kristu bə minti haraŋ wəra dədərgə adordə meŋaŋ me hõy pəda; meŋ paapa bə nakə-neke bə ji abay cuuru pəda.

ROMEŊ 7:6

A dayday áŋ a a daŋgaya kasi ku giliŋa, səma bə hebkənaŋ adəwaldə áŋ wəra də ɓarsə-ɓarse duuru, wə paapa abay cəərə áŋa pəda. Kəya áŋ gə nakə-neke bə ji joŋre a Pepeŋ də kəkəy kimirwi bə minti Tiiru Cetcetaŋ ge dər áŋ cuuruŋ, paapa də nayto bə tawə-tewe bə minti bə əsə-isi cəərə kel gə jeerə-jeere gə giidə ku giliŋ pəda.

ROMEŊ 8:11

Ada pa, jəəne minti Tiirə Pep bə minti a haraŋ Yeesu wəra dədərgə adordə meŋaŋ də əsə-isi giidəŋaŋ, tó bə minti haraŋ Yeesu Kristu wəra dədərgəŋ aye dədərgəŋ yaŋ a kusrəŋ bə minti me wəraŋ. Bə ji kel teŋ haa Tiiru də minti də əsə-isi giidəŋaŋ.

I KOREŊTƏŊ 6:14

Gud maa mo Pep bə minti haraŋ Barkaŋ náŋ wəra dədərgə adordə meŋaŋ, wə hare áŋ yaŋ wəra dədərgə adordə meŋa də səɓaki nuutuŋ gəm.

II KOREŊTƏŊ 13:4

Bə minti yə ɓəlnu wəra a kəbaŋ kə largaŋaŋ, kusru jəŋ də nalnal gəəzi, səma bə hebkənaŋ, wə caw dədərgə haa gud səɓaki kə Pepeŋa. Are gə tapə-tepe duuru gəm ŋaanaanə moŋ, are dər nalnal nuutuŋa gəm, səma guudu ha'aŋ, aŋ ase yaŋ gud joŋre naareŋa aduubə dəŋa minti are zugi dədərgə haa gud səɓaki kə Pepeŋa gəm.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

EFESIŊ 4:17

Bədoona ana, day ta'i kənaŋ haa karman bə minti ten jəŋ kamkam cuuru gud sam Barkaŋaŋ minti: aŋ a ji kusrəŋ damdi kaa gə minti Pepeŋ paapa də diri baŋ ana pəda. Ɗiki neete bə minti yə bə ɗe guuduŋ wəra haa ko bə boobo.

EFESIŊ 5:8

A dayday, ko bə tilməŋ a jəŋ haa aŋ faɗi. Səma bə hebkənaŋ ha'aŋ, gud tepe nəətiŋa də Barkaŋ, ko bə pəɗakiŋ máŋ haa aŋ faɗi gəm. Gud teŋa ta, ɗe dəŋ jəə la haa kə kaa kə ko bə pəɗakiŋ.

KOLOSIŊ 3:10

Aŋ koloŋ hebkəna damdi kaa kəmarwaŋ ana faɗi. Pep bə minti a jəənəŋ, kolnoŋ wəra kəmarwaŋ haa tó. Wə bə ji joŋre sarəŋa saksaki bə koloŋ wəra damdi tó ana kir minti aŋ nakə la bə əsu wəra kaŋkaŋ.

KOLOSIŊ 4:1

Aŋ kəmnə də kafkam, aŋ jəy guudi la pisi a kuɗiŋa, də kel ɗekeriŋ, gud bə minti aŋ wəra gə asə-ase minti Bərdəŋ yaŋ apəy da gəm.

I PIYER 3:21

Kan té gə minti yə seereŋ diri daŋ, ge dər haa cəərə batema. Baade bə minti tam fəlu a ji bə batema ha'aŋ, toŋ paapa bə baadam zodi bə səram wəra ba. Wə haa bə ge dər minti hulum bə doo-deŋ haa ɗiki du wəra bay kel tiinə Pepeŋa, bə aye kusru a ɗe bə guuduŋa. Kel teŋ nəkaŋ bə ji wəra keɗe haa gud bə minti Yeesu Kristu haraŋ wəra dədərgə adordə meŋa.

I ZAŊ 2:6

Hulum bə minti waate minti tó bə tapə-tepe də Pepeŋ saksakiŋ, jəəne nuutu naanaanaŋ, wə haa bəlam də Yeesu la bə jəəti damdi wə a jəətəŋ ana.