ROMEŊ 5:9 - JAA TƏMARWAŊ

⁹ Pepeŋ koloŋ áŋ wəra duru ɗeker haa gud kor də Kristu gəm. Bədoona ana, wəra cəərə áŋa faɗi minti wə de áŋ yaŋ wəra ku kəəti kə Pep bə minti sə a ɗe a de áŋ.

ROMEŊ 5:9 Iomraidhean Croise

Kel pəsaŋ kəmarwaŋ gə minti Zaŋ jiiriniy 5:24

Gəəzi, gəəzi, ten waataŋ, hulum bə minti iski kel gə minti ten wəətəy, wə doŋ ne gud Barən bə minti gaanan daŋ gəm, hulum toŋ fəlaŋ dədərgə də bay teweŋ ne wəra ɗaw. Kəəti daw pəda, wə cakɗaŋ da ne warda cəərə meŋ da, wə máŋ wəra a dədərgəŋa ɗaw.

ROMEŊ 1:18

Apəya da, Pepeŋ wəra bə ge dəra minti tó də waŋ daana tó jeme kəəti də kaa gə minti paapa bə humi kosoŋa cəərə tó baŋ daana gə minti jəəti kel kə gul-gulaŋ. Yə gisi koŋ wəra dər kaŋa bay ase gəəziŋ də baymele bə minti yə bə jəwaŋ.

ROMEŊ 5:1

Bədoona ana, Pepeŋ wəra bə kolə-kole áŋ ɗeker duru gud deŋa tə pə moŋ, kəkaɓiŋ máŋ hebkəna aduubə də áŋa də Pepeŋ gud Barkaŋ náŋ Yeesu Kristuŋa.

ROMEŊ 5:10

A dayday bə minti áŋ a kəm acukur də Pepeŋ, wə haraŋ bə tepe áŋa duuru də me də Kurmuyuŋ. Bədoona ta minti áŋ wəra gə tapə-tepe duuruŋ, wəra cəərə áŋa faɗi minti wə ɗe a de ku seere áŋ yaŋ wəra gud bə minti Kurmuyuŋ dədərgə caw gəm.

ROMEŊ 8:1

Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

ROMEŊ 8:30

Kaayaŋ gə minti wə haŋ ɗikiŋ bə zey wəra dəra'i a kusruŋ, wə məntənəy wəra gəm minti yə kolə la kə tó. Té gə minti wə a məntənəy wəraŋ, wə kulnuy wəra duru ɗeker gəm. Té gə minti wə kulnuy wəra duru ɗeker, wə əynəy boblo nuutuŋ gəm.

EFESIŊ 2:13

Səma, bə hebkənaŋ, gud tepe nəətiŋa də Kristu Yeesu, aŋ gə minti a dayday wəra tooto sar Pepeŋaŋ, aŋ koloŋ ne máŋ hebkəna suru maŋ gud keere bə minti Kristu kiirunu wəra də kusruŋ.

EFESIŊ 2:3

Áŋ keɗe, áŋ a jəŋ haa bə kaa teŋ ana gəm. Áŋ a bə ɗe haa gud kel gə minti kusrə áŋ bə hatə-hate də baymeleŋ a bə bələyaŋ. Kar məntə məntə mo keɗe minti kusukiŋ daana ɗiki dəŋ bələy, áŋ jiitiniy anə faɗ-faɗi. Bədoona ana, gud kusrə áŋ toŋa ta, áŋ a wəra gə sokə-soke haa minti kəəti kə Pepeŋ sə a humi áŋ damdi kaa kaayaŋ teŋ ana gəm.

1 TESALONIKIŊ 1:10

daana bə mi kurmuy Yeesu bə minti bi yaŋ da apəy daŋ, kurmuy tó bə minti wə hərnu wəra dədərgə adordə meŋaŋ. Wə haa hulum bə minti bə de áŋ wəra ku waŋ də kəəti kə Pep də minti bə biŋ.

HEBEREŊ 9:14

Jəəne doloy bədoona ana tə kəm, səɓaki də kor də Kristu bə ji naanaanə ba ga'i pə mo! Də səɓaki kə Tiiru də bay teweŋ, wə ayaŋ kusru wəra a Pepeŋ damdi karman bə keere bə minti bay kel kə malə-mele suru ana'i. Kor du kole ɗiki də áŋ wəra cetceti kir minti áŋ a jəəti joŋre bə minti ɗe a mele áŋ a meŋa pəda, áŋ jəə joŋre la máŋ a Pep bə dədərgəŋ ɗaw.

HEBEREŊ 9:22

Giidə ku giliŋaŋ ha'aŋ, daŋge də kar keɗe kole wəra *cetceti haa də kor me'i. Baymeleŋ fele vəəgə bə giidu ha'aŋ, kor ãye wəra kəm me'i gəm.

I ZAŊ 1:7

Səma jəəne minti áŋ bə ɗe dər pəɗakiŋa damdi Pepeŋ də kusru dər pəɗakiŋa anaŋ, áŋ wəra gə tapə-tepe də kumsə áŋ, kəya kor də Kurmuyuŋ Yeesu pi baymele náŋ wəra neŋneŋ keɗe.