ROMEŊ 5:8 - JAA TƏMARWAŊ

⁸ Səma Pepeŋ gaŋ gud bele nuutu bə cəərə áŋ wəra haa də bə minti Kristu bəŋ a me wəra gud áŋa də ko bə minti áŋ kəm kaa kə bayməlaŋ ɗaw.

ROMEŊ 5:8 Iomraidhean Croise

Kel pəsaŋ kəmarwaŋ gə minti Zaŋ jiiriniy 15:13

Bele bə deŋe kumsuŋ haa bə minti hulum aye kusru a meŋ gud gədəəruŋaŋ.

Kel pəsaŋ kəmarwaŋ gə minti Zaŋ jiiriniy 3:16

Gud maa mo Pepeŋ bəlaŋ kaa gə adawraŋ wəra kə ablaw. Gud teŋa ta, wə ayaŋ kurmuyu məna'iŋ da minti mindi mindi mo doŋ ne guuduŋ, wə a bese wəra ba, səma wə falə nuutu la haa dədərgə də bay teweŋ.

ROMEŊ 3:5

Hebkəna ten waate kel haa də aŋar də ɗiki bə minti cəərə kaŋaŋ. Yə waataŋ ne minti baymele bə minti áŋ bə jəwaŋ keye bə ge gud ɗeker kə Pepeŋ wəra pəɗaki a kaŋ, áŋ neke bə waate minti harmə mo? Haa minti Pepeŋ paapa ɗeker ba bə minti wə kole waŋ daana wə ji daŋgay də áŋ mo?

ROMEŊ 4:25

Pepeŋ əynu wəra a meŋ gud baymele náŋa, wə hərnu wəra dədərgə haa minti tó kole áŋ la wəra dər tó ɗeker.

ROMEŊ 5:20

Bə minti ku giliŋ əsəŋ bə ji joŋreŋ, baymeleŋ jəwaŋ ablaw faɗi. Baymeleŋ jəwaŋ kəya ŋaanaanə moŋ, pisi bə minti Pepeŋ jəw cəərə kaŋaŋ dəŋnu cuuru máŋ pisi daŋə ɗaw.

ROMEŊ 5:6

Gəəzi, bə minti áŋ a saksaki paapa bə he baymele bə sar áŋa wəra baŋ, Kristu bəŋ a me wəra gud áŋ kaa kə ji baymeleŋa bə pəw wəraŋ. A ŋəmaŋ ko toŋ haa Pepeŋ.

ROMEŊ 5:7

Aŋ wəra gə asə-ase minti hulum jəəne nuutu ɗeker, gəəli ablaw minti kumsu bə me wəra a kuɗuŋ. Jəəne minti hulum ji pisiŋ, ɗalba hulum de haa bə aye kusru wəra a meŋ gud toŋa ɗawmay.

ROMEŊ 8:32

Wə yaakaŋ Kurmuyu derra'iŋ eŋ bay ɗoote ba, wə əynu wəra a meŋ gud áŋa keɗe. Wə ayaŋ Kurmuyuŋ wəra gud áŋa ɗaw tə kəm, wə bə aye kar kaayaŋ keɗe a áŋ baŋ naanaanə mo?

ROMEŊ 8:39

koo ko bə minti apəya kəna baŋ, də nayto bə minti adawra gud seŋkaŋa kəna baŋ, koo karman baalaŋ bə minti Pepeŋ a juunuŋ neke bə ɓarse áŋ wəra də bele kə Pepeŋ ba, bele toŋ bə minti wə juunu sar áŋa gud tepe náŋa də Yeesu Kristu Barkaŋ náŋaŋ.

GALATIŊ 2:20

Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

EFESIŊ 2:7

Wə jəŋ teŋ bədoona haa bə ge dər kaa gə dər ko bə adoroŋ naŋ, minti tó jəŋ pisi kə toŋ ablaw wəra hasi sar kaŋa ŋaanaanə mo. Wə gaŋ dər áŋ cəərə kel teŋa a kəkəy bə minti wə jəŋ pisiŋ sar áŋa gud tepe náŋa də Kristuŋ.

EFESIŊ 5:2

Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

I TIMOTE 1:16

Səma də teŋ keɗe, Kristu Yeesu jəŋ giidu pəsaŋ sarəna. Ten bə minti baymele nin dəŋaŋ kə kaa kaayaŋ keɗeŋ, wə jəŋ teŋ sarəna haa bə ge dər kaŋ minti tó haa hulum bə minti mi ku kelaŋ. Wə jəŋ bədoona haa bə teŋe dər kaa gə minti bə de yaŋ dəmaŋ guuduŋ minti yə fele dədərgə də bay tewe yaŋ.

HEBEREŊ 8:3

Hulum boblo bə keere muntu muntu mo bə əsə-isi haa bə aye kar daana bə ji keere a Pepeŋ. Bədoona ana gəm, hulum náŋ boblo bə ji keereŋ doŋ kir ji də karman bə aye a nuunu gəm.

I PIYER 3:18

Kristu də kusru ləsaŋ warna gud baymele kə kaŋ na kampa məna faɗi. Tó bə minti jəŋ baymele hõy baŋ, wə ləsaŋ a koɗ kaa kə baymeleŋa kir minti tó ɗee la dəərəŋ a Pepeŋ. Kaŋ awaŋ haa kusuki du, səma Tiiru Cetcetaŋ haraŋ bə əyu dədərgəŋa.

I ZAŊ 3:16

Yeesu ayaŋ kusru wəra a meŋ gud áŋa. Haa kel gə minti ge dər áŋ minti beleŋ haa bədoona anaŋ. Áŋ gəm, áŋ kir aye kusrə áŋ wəra a meŋ gud kəsaanə áŋa gəm.