ROMEŊ 5:6 - JAA TƏMARWAŊ

⁶ Gəəzi, bə minti áŋ a saksaki paapa bə he baymele bə sar áŋa wəra baŋ, Kristu bəŋ a me wəra gud áŋ kaa kə ji baymeleŋa bə pəw wəraŋ. A ŋəmaŋ ko toŋ haa Pepeŋ.

ROMEŊ 5:6 Iomraidhean Croise

ROMEŊ 11:26

Haa bədoona ana minti tanta də Israyel keɗe bə seere yaŋ wəra, damdi wəra gə jeerə-jeere giidə Kefter kə Pepeŋa ana minti: «Hulum bə minti bə de kaŋ yaŋ wəraŋ, fe haa Siyoŋ da. Wə pi baymele bə cəərə kaa gə minti a kaasaw də *Zakopiŋ yaŋ wəra.

ROMEŊ 4:25

Pepeŋ əynu wəra a meŋ gud baymele náŋa, wə hərnu wəra dədərgə haa minti tó kole áŋ la wəra dər tó ɗeker.

ROMEŊ 4:5

Kə hulum bə minti məlaŋ ɗiki du paapa cəərə kar gə minti wə bə jiya baŋ, wə məlnu ana ɗaw cəərə Pep bə minti kole kaa kə ji baymeleŋ wəra duru ɗeker, wə aŋke haa de kə hulum toŋ bə kulu wəra duru ɗeker.

ROMEŊ 5:10

A dayday bə minti áŋ a kəm acukur də Pepeŋ, wə haraŋ bə tepe áŋa duuru də me də Kurmuyuŋ. Bədoona ta minti áŋ wəra gə tapə-tepe duuruŋ, wəra cəərə áŋa faɗi minti wə ɗe a de ku seere áŋ yaŋ wəra gud bə minti Kurmuyuŋ dədərgə caw gəm.

ROMEŊ 5:7

Aŋ wəra gə asə-ase minti hulum jəəne nuutu ɗeker, gəəli ablaw minti kumsu bə me wəra a kuɗuŋ. Jəəne minti hulum ji pisiŋ, ɗalba hulum de haa bə aye kusru wəra a meŋ gud toŋa ɗawmay.

ROMEŊ 5:8

Səma Pepeŋ gaŋ gud bele nuutu bə cəərə áŋ wəra haa də bə minti Kristu bəŋ a me wəra gud áŋa də ko bə minti áŋ kəm kaa kə bayməlaŋ ɗaw.

ROMEŊ 8:32

Wə yaakaŋ Kurmuyu derra'iŋ eŋ bay ɗoote ba, wə əynu wəra a meŋ gud áŋa keɗe. Wə ayaŋ Kurmuyuŋ wəra gud áŋa ɗaw tə kəm, wə bə aye kar kaayaŋ keɗe a áŋ baŋ naanaanə mo?

ROMEŊ 8:34

Hulum neke bə doy də kəəti pəda, gud maa mo Yeesu Kristu meŋ wəra, ada pa wə haraŋ wəra dədərgə adordə meŋa, wə bə əsə-isi a kasi kemer kə Pepeŋa daana wə bə waate kela gud áŋa haa tó.

GALATIŊ 2:20

Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

GALATIŊ 4:4

Səma, hi bə minti Pepeŋ a ŋəmnuŋ nəkaŋ wəra kəyaŋ, wə gaŋ kurmuyu da faɗi. Wəənu wəra cəərə seŋkaŋa haa həlgə. Wə humuŋ kosoŋ cəərə *ku gili kə kaanə Ziwifiŋa,

EFESIŊ 5:2

Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

KOLOSIŊ 2:13

Aŋ a jəŋ wəra gə mee-me a tiiruŋa gud baymele nəətiŋa daana gud bə minti aŋ a haa kaa gə minti tantəraŋ a paapa də camə-ceme baŋ, kaa gə minti Pepeŋ a paapa də dərəŋ baŋ gəm. Pepeŋ aynaŋ dədərgəŋ də Kristu keɗe'i. Baymele náŋ keɗe fəlaŋ vəəgi bə giiduŋ kəəsu gəm.

1 TESALONIKIŊ 5:9

Gud maa mo Pepeŋ ŋəmaŋ áŋ paapa bə ve áŋ dər waŋ də kəəti nuutuŋa ba, wə ŋəmaŋ áŋ haa minti áŋ falə seere la gud Yeesu Kristu Barkaŋ náŋa.

I TIMOTE 1:9

Bədoona ana ta, áŋ asə la wəra minti, Pepeŋ jəmaŋ ku giliŋ ha'aŋ, paapa cəərə kaa kə ji kel ɗekeriŋa ba. Wə jəmnu haa cəərə kaa gə minti paapa bə ɗe də ku baŋ, də gə minti ɓalke ku giliŋ; kaa gə minti paapa bə humi kosoŋa cəərə ku giliŋa baŋ, də kaa kə bayməlaŋ; kaa gə ji kel gə minti de dər Pepeŋ baŋ, də kaa gə minti awte hin cəərə de bə gud Pepeŋaŋ. Ku giliŋ haa cəərə kaa gə minti awte kəmni wəra, daana kaa kə awe titiŋ keɗe faɗi.

TITI 2:12

Pisi nuutu toŋ kəya hate áŋ minti áŋ yaakə ji bə baymele la wəra də ɗiki bə kar gə cəərə seŋkaŋ, kir minti áŋ əsə la cəərə seŋkaŋa dogoyna kəna də ɗiki pisiŋ ku tarmə áŋa, bə ji kel ɗekeriŋa, daana bə ɗe haa ɗe bə minti giidu bəluŋ.

HEBEREŊ 8:3

Hulum boblo bə keere muntu muntu mo bə əsə-isi haa bə aye kar daana bə ji keere a Pepeŋ. Bədoona ana gəm, hulum náŋ boblo bə ji keereŋ doŋ kir ji də karman bə aye a nuunu gəm.

HEBEREŊ 9:26

A jəə la bədoona ana'iŋ, hãã bə minti seŋkaŋ a məlaŋ guudə daŋ, wə a kəna bə dogte se lasiŋ da anə hãã gəm. Səma wə vəɗaŋ kusru wəra hebkəna a tewe bə hitiŋa, bə he baymele kə kaŋ wəra də keere bə minti wə juunu də kusru kampa ɗaaməna faɗi.

I PIYER 1:20

Də ko bə minti Pepeŋ a kəm bay ji seŋkaŋ, wə a ŋəmaŋ Kristu warda hãã daana wə vəɗnu wəra dər ko tó bə adoroŋa haa guudəŋa.

II PIYER 3:7

Ko bə apəyaŋ də seŋkaŋ də hebkəna ha'aŋ, Pepeŋ bə guluy ciiri də kel nuutu teŋ pa minti tó bə ɗe a ɓəlkəy wəra də cəwaŋ. Wə guluy ciiri hãã də hi bə minti wə bə ɗe a jeme kəəti də kaa kə bay usku kuŋ bə bəsəy wəra.

ZUDI 1:15

bə bi a jeme kəəti də kaŋ keɗeŋ. Kaa gə minti paapa bə ɗe haa də ku Pepeŋ baŋ, wə bə jəy daŋgay di gud baymele neete bə wələk-wələkiŋa bə minti kulnuy wəra paapa cetceti ba daana gud kuy bə minti yə wəətu bə ɗəmuŋ.»

ZUDI 1:18

«A tewe bə koŋaŋ, kaa kə dafɗaŋ ji yaŋ. Kel kə bayməlaŋ gə minti giidi bələy, ɗe diiri haa té.»

ZUDI 1:4

Gud maa mo sərdə kaa gə bay iski ku Pepeŋ, ɓəlwətəŋ aduubə dəŋ na dəgaaya-dəgaaya. Kel gə minti waate sam pisi kə Pepeŋ, yə kulnuy wəra dəra'i də ɗiki neeteŋ minti té jəŋ dəgləŋ ne nuutuŋ, cəərə Pepeŋ gaara yaŋ wəra. Yə koloŋ kirki a Yeesu Kristu, Barkaŋ náŋ, Bərdə náŋ ɗaaməna'iŋ. Kel gə jeerə-jeereŋ a waataŋ warda anə hãã faɗi minti kəəti kə Pepeŋ bə doy.