ROMEŊ 5:2 - JAA TƏMARWAŊ

² Bəŋəŋ kəkəy wəra cəərə áŋa minti áŋ falə pisi bə minti Pepeŋ jəw sar kaŋaŋ la boobo faɗiŋ haa tó, gud bə minti áŋ gə doo-de guuduŋ. Áŋ gə əsə-isi də səɓaki haa dər pisi toŋa gəm, daana áŋ ufi ku áŋ haa gud ɗiki də áŋ bə malə-mele bə cəərə Pepeŋa minti wə ɗe a ɓarse boblo nuutuŋ yaŋ də áŋ.

ROMEŊ 5:2 Iomraidhean Croise

MATIYE 25:21

Burduŋ hərnu kel minti: ‹Tam jəŋ kel teŋ pəsaŋ, tam haa hulum bə joŋre pisi daana ɓeti. Gud bə minti tam jəŋ joŋreŋ a kuɗuŋa də karman weseki bə minti ten aynam dəm, hebkəna ten əsəm bə gole cəərə kara ablaw, bəəda a ji waale də bərdəm.›

Kel pəsaŋ kəmarwaŋ gə minti Zaŋ jiiriniy 10:7

Yeesu waataŋ pa minti: «Gəəzi, gəəzi, ten waataŋ, ten haa damdi ku hiw kə kaamaŋ ana.

Kel pəsaŋ kəmarwaŋ gə minti Zaŋ jiiriniy 10:9

Ten haa damdi ku kuli ana, hulum bə minti kəlaŋ ne cəərəna tew, toŋ seere yaŋ wəra. Wə neke yaŋ bə kele a hiwa daana bə kele wardaŋ, wə fele hame yaŋ gəm.

Kel pəsaŋ kəmarwaŋ gə minti Zaŋ jiiriniy 14:6

Wə minti: «Ten haa kəkəy, ten haa gəəziŋ, ten haa dədərgəŋ. Hulum neke bə ɗe sar Abaŋ bay ten ba.

Kel pəsaŋ kəmarwaŋ gə minti Zaŋ jiiriniy 5:24

Gəəzi, gəəzi, ten waataŋ, hulum bə minti iski kel gə minti ten wəətəy, wə doŋ ne gud Barən bə minti gaanan daŋ gəm, hulum toŋ fəlaŋ dədərgə də bay teweŋ ne wəra ɗaw. Kəəti daw pəda, wə cakɗaŋ da ne warda cəərə meŋ da, wə máŋ wəra a dədərgəŋa ɗaw.

JOŊRE 14:27

Də ko bə minti yə tuluŋ Antiyosi na anəkay, yə təpaŋ cəərə kaa kə Tapiŋ faɗi. Yə əsəŋ bə tupuy bəlam də kel gə minti Pepeŋ jəŋ joŋreŋ keɗe də té naanaanə ji moŋ. Yə wəətənəy daŋgeŋ haa kel gə minti Pepeŋ a jəŋ kir minti kaa gə minti teŋ paapa gə Ziwifi baŋ nakə la bə de guudu gəm.

ROMEŊ 11:20

Gəəzi nuutu. Yə cəmaŋ kasi kəbaŋ teŋ wəra haa gud bay de neeteŋa. Nəmtiŋ ha'aŋ, tam saksaki kiiyi garaŋ haa gud de nəmtiŋa gəm. Səma a he cəərə kusrum apəya ba, jəə walka də kel məntəŋ gə minti jəm moŋ la ɗaw.

ROMEŊ 12:12

Aŋ jəə la də waale gud karman bə minti ɗiki dəŋ bə malə-mele cuuruŋ, aŋ məə la ku gəəliŋa, aŋ jəə la saksaki bə toose Pepeŋa gəm.

ROMEŊ 14:4

Tam haa mindi mo bə jeme kəəti də hulum bə joŋre kə hulum baalaŋ? Wə əsəŋ ne ku joŋre nuutuŋa pisi mo, wə awaŋ ne a kəkəy bə jəwa mo, cəərə kel teŋa haa burduŋ. Wə isi yaŋ nuutu ku pisi gud bə minti Barkaŋ bə nakə-neke bə kəyu minti wə a awe baŋ.

ROMEŊ 15:13

Pepeŋ, hulum bə minti mele bə ɗikiŋ bi haa kəəsu daŋ, ɗosoŋ tarməyaŋ la wəra də waaleŋ daana kəkaɓiŋ gud de nəəti bə guuduŋa. Kəya ɗiki dəŋ bə malə-meleŋ ji yaŋ wəra ablaw hasi gud səɓaki kə Tiiru Cetcetaŋa.

ROMEŊ 2:7

Wə aye dədərgə də bay teweŋ yaŋ a kaayaŋ gə minti ayaŋ kusri saksaki bə ji haa pisiŋ kir minti Pepeŋ aŋkə té laŋ, wə haa cəərə té la apəyaŋ, daana wə ayə dədərgə də minti me pədaŋ la a teŋ.

ROMEŊ 3:23

gud bə minti yə keɗe kaa kə ji baymeleŋ. Gud teŋa ta, yə wəra gə haa-he giidi tooto sar Pepeŋa dər boblo nuutuŋa.

ROMEŊ 5:5

Ɗiki də áŋ bə malə-mele toŋ kole kese a áŋ ba, gud bə minti Pepeŋ ayaŋ bele nuutuŋ ku tarmə áŋa də Tiiru Cetcetaŋ də minti wə a ayna a áŋ.

ROMEŊ 8:1

Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

ROMEŊ 8:24

Gud maa mo Pepeŋ seereŋ áŋ wəra, səma kəm haa dər ɗiki də áŋ bə malə-meleŋa. Jəəne minti karman bə minti áŋ məlaŋ ɗiki də áŋ cuuru meleŋ, áŋ bə əsu də dər áŋ, áŋ mante toŋ mele bə ɗiki pəda, gud bə minti hulum mele ɗiki du na mele cəərə karman bə minti wə bə əsu wəra də duruŋ pəda faɗi.

I KOREŊTƏŊ 15:1

Bə hebkənaŋ kəsaananti, ten bele ɗəkəŋ cəərəŋ cəərə *Kel pəsaŋ kəmarwaŋ gə minti ten a waatənaŋ di wəraŋ, aŋ duuniy daana aŋ hebkəna gə əsə-isi diri ŋəŋ.

II KOREŊTƏŊ 3:18

Áŋ keɗe gə minti dəməəmə paapa də əntə-ənti dər áŋa pədaŋ, áŋ veɗe wəra haa welɗe bə boblo kə Barkaŋ. Bədoona ana, áŋ gə kolə-kole wəra gə haa-he Barkaŋ, welɗe bə boblo nuutuŋ bə ze guudu pisi ze sar áŋa. Haa kəya joŋre bə minti Barkaŋ, bə minti haa Tiiruŋ, bə jəwaŋ.

II KOREŊTƏŊ 4:17

Lasi də minti are bə saara hebkənaŋ, a ŋəraŋ ne də boblo bə minti are fəlu yaŋ apəy na gud bə minti are saanaŋ, a gole dər are haa anə weseka daana bə isi anə sawəwa bagŋ. Bə ɗampe boblo tó bə bay teweŋa, haa tá faɗi.

EFESIŊ 2:18

Gud maa mo, gud Kristu ha'aŋ, áŋ ɓasi keɗe, də keye kə Tiiru Cetcetaŋ tá məna'aŋ, áŋ máŋ gə nakə-neke bə ze sar Bar áŋ Pepeŋa.

EFESIŊ 3:12

Gud tepe náŋa də Kristu daana gud de náŋ bə guuduŋa, kəkəy cəərə áŋa bə ɗe tiinə Pepeŋa gəəzə-gəəzi bay walka.

EFESIŊ 6:13

Gud teŋa ta, kar kə duuri gə minti Pepeŋ əyəy, aŋ gənəy la saraŋa keɗe kir minti, hi bə baymeleŋ tuluŋ neŋ, adordə bə minti aŋ a jəŋ karman bə minti aŋ a gə nakə-neke bə jəw, aŋ nakə la bə gerge tiinə hulum bə acukura hãã a tewe də duuriŋa.

II TESALONIKIŊ 2:16

Barkaŋ náŋ Yeesu Kristu də kusru daana Bar áŋ Pepeŋ bəlaŋ áŋ ablaw daana gud pisi bə minti yə jəw sar kaŋaŋ, yə ayaŋ teŋe bə dər daana ɗiki bə malə-mele pisi gə minti tewe baŋ a áŋ.

HEBEREŊ 3:6

Səma kə Kristuŋ ha'aŋ, wə jəŋ nuutuŋ a kuɗuŋa haa bə Kormə Pepeŋ ana bə minti gole cəərə kuli nuutuŋ. Áŋ jəəne gə əsə-isi ŋəŋ də karman bə minti áŋ əsnu wəra cəərə áŋa kaŋkaŋ, daana áŋ jəəne wəra holoŋ-holoŋ də karman bə minti áŋ gə malə-mele ɗiki də áŋ cuuruŋ, áŋ haa bə kuli nuutuŋ ana.

HEBEREŊ 6:18

Bədoona ana, kel té ɓasi gə minti Pepeŋ jiiniy haa kənaŋ, haa kel gə minti wə waataŋ sam karman daana wə kəlaŋ kuŋ, yə kole ba, daana wə neke bə ŋe kel ciiri ŋe bə pa. Áŋ gə minti yaakaŋ kar wəra keɗe bə de karman bə minti ɗiki də áŋ wəra bə malə-mele cuuruŋ, aye səɓaki də teŋe bə dər a áŋ bə isi ŋəŋ bə ji kel teŋ, haa té.

I PIYER 3:18

Kristu də kusru ləsaŋ warna gud baymele kə kaŋ na kampa məna faɗi. Tó bə minti jəŋ baymele hõy baŋ, wə ləsaŋ a koɗ kaa kə baymeleŋa kir minti tó ɗee la dəərəŋ a Pepeŋ. Kaŋ awaŋ haa kusuki du, səma Tiiru Cetcetaŋ haraŋ bə əyu dədərgəŋa.

VEƊE 21:11

A bə welɗe bəre'-bəre'a kas məyan kə Pepeŋ. Welɗe dəŋ damdi pərki pisi bə minti yə məntu «jaspəŋ» ana, wə seke anə həŋəl-həŋəl.

VEƊE 21:23

Vil paapa də caadə cəwa də wele koŋ kumundu ba də kitir minti yə walə koŋ la cəərə pəda, gud maa mo məyan kə Pepeŋ wele koŋ wəra, Kormə Taaməkaŋ welɗe damdi lampaŋ ana gəm.

VEƊE 21:3

Ten əskəŋ dordə karman kəman bə waate kel da koloŋ sar jaaŋa də kumnaŋ da minti: «Də ko toŋ hebkəna faɗi, Pepeŋ isi yaŋ aduubə də kaŋa, yə bə ji yaŋ kaa nuutu. Wə də kusru bə isi yaŋ diiri, wə bə ji yaŋ Pep neeteŋ gəm.

VEƊE 3:21

Hulum bə minti pəŋ bulum neŋ, ten əyu kəkəy yaŋ minti wə əsə la sarəna a jaaŋa də kumna katəna, damdi ten ɗeŋ a isi sar Barəna a jaaŋa də kumna nuutuŋa ana gəm adordə bə minti ten pəŋ bulum.