ROMEŊ 5:1 - JAA TƏMARWAŊ

¹ Bədoona ana, Pepeŋ wəra bə kolə-kole áŋ ɗeker duru gud deŋa tə pə moŋ, kəkaɓiŋ máŋ hebkəna aduubə də áŋa də Pepeŋ gud Barkaŋ náŋ Yeesu Kristuŋa.

ROMEŊ 5:1 Iomraidhean Croise

LIKI 19:38

«Pepeŋ gaa pisi la cəərə Kumna bə minti bəŋ a sam Barkaŋaŋ! Kəkaɓiŋ jəə la apəya, ko bə apəyaŋ keɗe tokɗə Pepeŋ la!»

LIKI 19:42

«Te vil də Zeruzalem, te sə a asə la nuutu təwa dər hi bə daynaŋa minti karman bə əyəy kəkaɓiŋ a haa muntu moŋ! Səma, bə hebkənaŋ, karman toŋ wəra bə metə-mete diriya.

LIKI 2:14

«Tokɗeŋ jəə la kə Pep bə minti apəy naŋ; kəkaɓiŋ jəə la cəərə seŋkaŋa, cəərə kaa gə minti wə bələy.»

Kel pəsaŋ kəmarwaŋ gə minti Zaŋ jiiriniy 14:27

Ten ayaŋ kəkaɓi ku tarməyaŋa, ten ayaŋ haa kəkaɓi katən. Ten ayaŋ dəŋ haa paapa damdi kaa gə cəərə seŋkaŋ ayta a kaŋ anaŋ ba. Ɗiki dəŋ a ceme wəra ba, walka a jəŋ bə gəm.

Kel pəsaŋ kəmarwaŋ gə minti Zaŋ jiiriniy 16:33

Ten waatənaŋ kel teŋ haa minti tarməyaŋ jəə la kəkaɓi gud tepe nəətiŋa dəərən. Yə ləsaŋ yaŋ cəərə seŋkaŋa. Səma aŋ teŋə dərəŋ la, Ten wəra bə pəə-pi bulum cəərə kar gə cəərəŋa keɗe!»

Kel pəsaŋ kəmarwaŋ gə minti Zaŋ jiiriniy 20:31

Miɗi bə minti kel də toŋ a wəra gə jeerə-jeereŋ, ten jiirunu haa minti aŋ kolə la bə de gud Yeesu minti wə haa Kristu, *Hulum bə minti Pepeŋ ŋəmnuŋ, wə haa Kormə Pepeŋ, daana minti aŋ doŋ ne guuduŋ, aŋ falə dədərgəŋ la də səmuŋ.

Kel pəsaŋ kəmarwaŋ gə minti Zaŋ jiiriniy 5:24

Gəəzi, gəəzi, ten waataŋ, hulum bə minti iski kel gə minti ten wəətəy, wə doŋ ne gud Barən bə minti gaanan daŋ gəm, hulum toŋ fəlaŋ dədərgə də bay teweŋ ne wəra ɗaw. Kəəti daw pəda, wə cakɗaŋ da ne warda cəərə meŋ da, wə máŋ wəra a dədərgəŋa ɗaw.

JOŊRE 10:36

Pepeŋ waataŋ kel nuutuŋ wəra a kaanə *Israyel, kel teŋ haa *Kel pəsaŋ kəmarwaŋ gə minti waate minti yə neke bə fele kəkaɓi gud Yeesu Kristuŋ; wə haa Barkaŋ kə kaŋ keɗe.

ROMEŊ 1:17

Gud maa mo, Pepeŋ kole kaŋ duru ɗeker naanaanə moŋ, Kel pəsaŋ kəmarwaŋ wəra gə vaɗə-veɗe diiri. Kəkəy bə ɗeker toŋ mele guudu haa də deŋ, wə raawe hãã a tewe du na də deŋ gəm, damdi wəra bə jeerə-jeere giidə Kefter kə Pepeŋa ana minti: «Hulum bə minti dər ten Pepeŋa ɗeker ji yaŋ caw gud de nuutu bə guudəna.»

ROMEŊ 1:7

Ten jeere kefter toŋ haa a aŋ gə giidə vil də Rom, aŋ gə minti giidə Pepeŋ bəlaŋ keɗeŋ, daana wə mantənaŋ wəra minti aŋ jəə la kaa kə toŋ. Pisiŋ, də kəkaɓiŋ kə Bar áŋ Pepeŋ daana kə Barkaŋ Yeesu Kristuŋ jəə la cəərəŋa!

ROMEŊ 10:10

Gud maa mo hulum bə minti jəəne bə doo-de wəra ku tərmuyuŋ, Pepeŋ kulu hulum ɗekeri duru. Wə waataŋ ne wəra kəkər də ku cəərə de nuutuŋaŋ, Pepeŋ siiru wəra.

ROMEŊ 10:15

Yə ɗe a wəətu səmu wəra naanaanə mo jəəne minti hulum vəənəy baŋ? Kel teŋ damdi wəra bə jeerə-jeere giidə Kefter kə Pepeŋa ana minti: «Waaleŋ nuutu gil faɗi bə minti kaa kə waate *Kel pəsaŋ kəmarwaŋ tuluŋ neŋ.»

ROMEŊ 14:17

Gud maa mo *Kumna kə Pepeŋ waate paapa cəərə aye bə kəkəy bə kar kə hameŋ daana gə seŋa ba. Kəmtəŋ də kel haa minti áŋ jəə la gə kolə-kole dər Pepeŋa ɗeker, áŋ jəə la kəkaɓi daana dər waaleŋa. Aye kar teŋ a áŋ haa Tiiru Cetcetaŋ.

ROMEŊ 15:13

Pepeŋ, hulum bə minti mele bə ɗikiŋ bi haa kəəsu daŋ, ɗosoŋ tarməyaŋ la wəra də waaleŋ daana kəkaɓiŋ gud de nəəti bə guuduŋa. Kəya ɗiki dəŋ bə malə-meleŋ ji yaŋ wəra ablaw hasi gud səɓaki kə Tiiru Cetcetaŋa.

ROMEŊ 15:33

Pep bə kəkaɓiŋ jəə la dəərəŋ keɗe! *Amen.

ROMEŊ 3:22

Pepeŋ kole kaŋ duru ɗeker haa gud de neete bə gud Yeesu Kristuŋa. Wə ji də hulum mundu mundu mo bə minti doŋ neŋ haa bədoona ana, gud maa mo wə gole kaŋ gəga'-gəga'i

ROMEŊ 3:30

gud bə minti wə məna haa tó faɗi. Wə kole kaanə Ziwifiŋ duru ɗeker haa gud deŋa, wə kole kaa gə minti paapa gə Ziwifi baŋ duru ɗeker haa gud deŋa gəm.

ROMEŊ 4:5

Kə hulum bə minti məlaŋ ɗiki du paapa cəərə kar gə minti wə bə jiya baŋ, wə məlnu ana ɗaw cəərə Pep bə minti kole kaa kə ji baymeleŋ wəra duru ɗeker, wə aŋke haa de kə hulum toŋ bə kulu wəra duru ɗeker.

ROMEŊ 5:11

Kəm ada pə ɗaw haa minti, Pepeŋ jəŋ kir minti áŋ ufi ku áŋ la gud bə minti Barkaŋ náŋ Yeesu Kristu haraŋ bə tepe áŋa duuru haa toŋ.

ROMEŊ 5:18

Áŋ asaŋ ne, gud baymele kə huluma məna, kəətiŋ doŋ kaŋ wəra keɗe. Bədoona ana gəm, gud joŋre bə kel ɗeker kə huluma məna, kaŋ keɗe wəra gə bədə-bidi ku kəətiŋa daana yə fele dədərgəŋ.

ROMEŊ 6:23

Gud maa mo werke bə gud baymeleŋ haa meŋ. Səma karman bə minti Pepeŋ əyu a kaŋ booboŋ haa dədərgə də bay tewe də minti wəra də tapə-tepe də Yeesu Kristu Barkaŋ náŋ.

ROMEŊ 9:30

Bədoona ana, karman bə minti áŋ bele wəətuŋ haa minti: kaa gə minti paapa gə Ziwifi baŋ a paapa bə golde kəkəya bə ji ɗeker tiinə Pepeŋa ba, səma wə kulnuy wəra ɗeker duru gud de neeteŋa.

GALATIŊ 2:16

Səma, áŋ gə Ziwifi də dər kusrə áŋ, wəra də dər áŋ gəm minti Pepeŋ kole hulum duru ɗeker haa bə minti wə doŋ haa ne də joŋre bə minti Yeesu Kristu juunu təwa faɗi, paapa gud bə minti wə doŋ ku giliŋ kə *Moyisiŋ wəra keɗe a kuɗuŋa ba. Áŋ gəm tá, áŋ doŋ gud Yeesu Kristu kir minti áŋ kolə la dər Pepeŋa ɗeker haa gud joŋre bə minti Kristu juunu, paapa gud bə minti áŋ ɗeŋ gud ku giliŋa a kuɗuŋa ba. Gud maa mo, hulum kole dər Pepeŋa anə məna ɗeker gud ɗe nuutu bə gud ku giliŋa ba.

GALATIŊ 3:25

Hebkəna haa ko bə minti are de gud Kristuŋ, bədoona ta ku giliŋ paapa akas hulum bə gole cəərə are ana pəda.

GALATIŊ 5:22

Səma kar gə minti Tiiru Cetcetaŋ jəy giidə hulumaŋ, yə haa kəna: kaŋ kole wəra bə bele kumsi, yə wəra də waale, yə isi kəkaɓiŋ aduubə di, yə ase mi bə kusri bə ku kel, yə ɗiki də kumsi pisi, yə ji pisi sar kumsi, yə kaa gə minti yə ɗeketi,

EFESIŊ 2:7

Wə jəŋ teŋ bədoona haa bə ge dər kaa gə dər ko bə adoroŋ naŋ, minti tó jəŋ pisi kə toŋ ablaw wəra hasi sar kaŋa ŋaanaanə mo. Wə gaŋ dər áŋ cəərə kel teŋa a kəkəy bə minti wə jəŋ pisiŋ sar áŋa gud tepe náŋa də Kristuŋ.

FILIPIŊ 3:9

ten jəə la bə tapə-tepe wəra duuru kaŋkaŋ gəm. Ten paapa bə ɗiki minti ten ɗeker dər Pepeŋa ha'aŋ gud ɗe bə gud ku giliŋaŋ ba. Ten ɗeker duru haa gud bə minti ten doŋ gud Kristuŋ. Kolon ɗeker haa Pepeŋ gud bə minti ten doŋ gud Kristuŋ.

KOLOSIŊ 1:20

Wə bəlaŋ pa minti aduubə də té jəə la wəra də tapə-tepe də kar gə minti cəərə seŋkaŋa də kaayaŋ gə minti apəyaŋ wəra keɗe haa duuru gəm. Wə jəŋ kir minti kəkaɓiŋ jəə la cəərə kara keɗe haa də kor də Kurmuyu bə minti gaŋ wəra a kəbaŋ gə largaŋaŋ.

KOLOSIŊ 3:15

Kəkaɓi də minti Kristu aynaŋ dəŋ jəə la haa karman bə kəyaŋ bə ase kel gə minti aŋ kir jəy. Pepeŋ bəlaŋ minti aŋ asə kəkaɓi taŋ la wəra. Wə mantənaŋ warda minti aŋ bəə la a kole wəra kusrə hulum bə məna haa sə teŋ. Aŋ kir ji suuse a Pepeŋ saksaki.

1 TESALONIKIŊ 5:23

Pepeŋ də kusru bə minti aye kəkaɓiŋ, koloŋ la wəra keɗe *cetceti. Wə amaŋ la neŋneŋ keɗe ku baymeleŋa, kusrəŋ, ɗiki dəŋ, daana dədərgə deŋ bə mi hi bə minti Barkaŋ náŋ Yeesu Kristu hare duru daŋ.

II TESALONIKIŊ 3:16

Barkaŋ bə minti kəkaɓiŋ nuutuŋ, wə ayaŋ dəŋ la tó də kusru saksaki, a ko muntu muntu mo keɗe gəm. Barkaŋ jəə la dəərəŋ keɗe.

HEBEREŊ 13:20

Pepeŋ bə kəkaɓiŋ haraŋ Barkaŋ náŋ Yeesu wəra dədərgə adordə meŋa. Wə kulnu hulum boblo bə ameŋ bə gole cəərə áŋ, daana wə doŋ *jaa təmarwa də faɗnə-faɗna də kaŋ haa gud kor du.