ROMEŊ 4:9 - JAA TƏMARWAŊ

⁹ Sam waale toŋ bə waatə-waate haa a kaa gə *camə-ceme təntəri wəraŋ təwa mo? Paapa, wə kə kaa gə təntəri gə bay cemeŋ gəm. Gud maa mo áŋ a waataŋ kanda minti: Pepeŋ aŋkaŋ Abraham ɗeker haa gud bə minti wə doŋ guuduŋ.

ROMEŊ 4:9 Iomraidhean Croise

LIKI 2:32

Wə haa pəɗaki bə minti ge dər kaa gə minti paapa gə Ziwifi baŋ cəərəma. Gud pəɗaki toŋa, kaanə Israyel, kaa nəmtiŋ, fele aŋkeŋ yaŋ.»

ROMEŊ 4:10

Pepeŋ əŋkunu ɗeker haa də ko mundu mo? Ajew də jeme də tənturuŋa mo, adordə jeme dəŋa mo? Paapa adoro də ba, ajew də faɗi!

ROMEŊ 4:3

Gud maa mo, wəra bə jeerə-jeere giidə Kefter kə Pepeŋa minti: «Abraham doŋ gud Pepeŋa, gud teŋa ta Pepeŋ əŋkunu hulum ɗekeri.»

GALATIŊ 3:14

Yeesu Kristu jəŋ teŋ bədoona haa minti, pisi bə minti Pepeŋ a wəətunu səmu wəraŋ minti tó jəw sar Abrahamaŋ, wə jəw la sar kaa gə minti paapa gə Ziwifi baŋ gəm. Wə jəŋ teŋ haa kir minti áŋ falə Tiiru də minti Pepeŋ a waatəna sama wəraŋ la, gud de náŋ bə guuduŋa.

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

KOLOSIŊ 3:11

Gud teŋa ta, hulum jəəne nuutu bə Ziwifiŋ, kumundu ba paapa bə Ziwifiŋ ba; tənturu jəəne də jamə-jeme, kumundu ba a bay jeme; wə jəəne nuutu hulum bə dəhãy, kumundu ba hulum bə seŋka də dərə də bay jeme; wə jəəne nuutu kafkam, kumundu ba paapa kafkam ba, ceme bə dər paapa a ko toŋa pəda. Kel máŋ haa Kristu ŋel məna faɗi: wə haa karman bə daŋə-deŋe kumsuŋ, wə giidə kaa gə minti doŋ guuduŋ keɗe gəm.