ROMEŊ 4:12 - JAA TƏMARWAŊ

¹² Wə haa bar kaa gə təntəri gə camə-ceme wəraŋ gəm. Ten waataŋ bədoona paapa gud təntəri də camə-cemeŋa təwa ba, səma gud bə minti yə bə ɗe a bəlam də bar áŋ Abrahama bə minti a bə doo-de gud Pepeŋa ajew də jeme bə tənturuŋ.

ROMEŊ 4:12 Iomraidhean Croise

MATIYE 3:9

Aŋ a ɗiki ku tarməyaŋa minti moomo dəŋ kəna *Abrahamaŋa kel pa pədaŋ, paapa ana ba! Gud maa mo ten waataŋ minti Pepeŋ bə nakə-neke bə ji kaasaw də Abraham də karmə pərkiŋ laka.

ROMEŊ 4:11

Pepeŋ kulnu duru ɗeker gud de nuutuŋa haa də ko bə minti wə a kəm bay *jeme tənturuŋ faɗi. Adoro, wə wəətunu minti wə jamə la wəra bə ge dər minti tó kulnu wəra dər tó ɗeker. Bədoona ana ta, Abraham koloŋ bar kaa gə təntəri gə bay cemeŋ keɗe gə minti gə doo-de gud Pepeŋa gə minti wə kulnuy wəra duru ɗeker gəm.

ROMEŊ 4:13

Pepeŋ a waataŋ *Abraham daana kaasaw du warda minti tó əyəy seŋkaŋ wəra keɗe. Wə a wəətunu wəra bədoona haa paapa gud bə minti wə humuŋ kosoŋ cəərə *ku giliŋaŋ ba, səma gud bə minti wə a kulnu wəra duru ɗeker gud de nuutuŋaŋ.

II KOREŊTƏŊ 12:18

Ten haŋ gud Titi haa heŋ faɗi minti wə ɗee na gerdeŋ naŋ, ten gaanaŋ seenə áŋ bə minti ten a wəətunu səmu kandaŋ guudu na gəm. Titi humtunuŋ kar nəətiŋ mo? Are ɗeŋ haa paapa gud ɗiki bə məna daana də kəkəy bə məna bə mo?

I PIYER 2:21

Pepeŋ mantənaŋ haa bə hale gəəli tó bə gul-gulaŋ, gud maa mo Kristu də kusru saŋ gəəli guudəŋa gəm. Bədoona ana, wə gaanaŋ dərəŋ wəra cəərə kəkəya kir minti aŋ haa bəlam də tó la.