ROMEŊ 4:11 - JAA TƏMARWAŊ

¹¹ Pepeŋ kulnu duru ɗeker gud de nuutuŋa haa də ko bə minti wə a kəm bay *jeme tənturuŋ faɗi. Adoro, wə wəətunu minti wə jamə la wəra bə ge dər minti tó kulnu wəra dər tó ɗeker. Bədoona ana ta, Abraham koloŋ bar kaa gə təntəri gə bay cemeŋ keɗe gə minti gə doo-de gud Pepeŋa gə minti wə kulnuy wəra duru ɗeker gəm.

ROMEŊ 4:11 Iomraidhean Croise

MATIYE 16:16

Kəya Simoŋ Piyer hərnu kel minti: «Tam haa Kristu, *Hulum bə minti Pepeŋ ŋəmnuŋ, Kormə Pep bə dədərgəŋ.»

MATIYE 8:11

Ten waataŋ ha'aŋ, kaa ablaw gə minti teŋ paapa kaanə Ziwifi baŋ pəəti yaŋ a gud koŋ da daana a tiinə koŋ da bə hame kəɗwəya a *Kumna kə Pepeŋa də *Abraham, *Izaki daana *Zakopi.

LIKI 19:9

Kəya Yeesu wəətunu minti: «Giidə kuli toŋ fəlaŋ seere ne dayna, gud bə minti hulum toŋ a kaasaw də *Abrahama gəm.

Kel pəsaŋ kəmarwaŋ gə minti Zaŋ jiiriniy 3:33

Hulum bə minti doŋ kel nuutuŋ neŋ, wə ge dər kaŋ wəra pəɗaki minti kel kə Pepeŋ haa kel gə gəəzə-gəəziŋ.

Kel pəsaŋ kəmarwaŋ gə minti Zaŋ jiiriniy 3:36

Hulum bə minti doŋ kel kə kurmuyuŋ neŋ, toŋ fəlaŋ dədərgə də bay teweŋ ne. Hulum bə minti humuŋ kosoŋ cəərə kel kə kurmuyuŋa baŋ, wə fele dədərgə taŋ ba, waŋ kə Pepeŋ ji cuuru saksaki.»

Kel pəsaŋ kəmarwaŋ gə minti Zaŋ jiiriniy 6:35

Yeesu wəətənəy minti: «Ten kəna hame bə minti aye dədərgəŋ a kaŋ. Hulum bə minti bəŋ da ne sarən daŋ daana wə doŋ ne guudənaŋ, tay ɗəmu hõy ba, kinkin daw hõy bə gəm.

Kel pəsaŋ kəmarwaŋ gə minti Zaŋ jiiriniy 6:40

Bədoona ana, karman bə minti giidə Barən bəluŋ haa minti, mindi mindi mo asaŋ ten kurmuyuŋ neŋ daana doŋ ne guudənaŋ, wə falə dədərgə də bay teweŋ la, daana ten həru la wəra dədərgə adordə meŋa dər hi bə adoroŋa.»

Kel pəsaŋ kəmarwaŋ gə minti Zaŋ jiiriniy 6:47

Gəəzi, gəəzi, ten waataŋ, hulum bə minti doŋ ne guudənaŋ, dədərgə də bay teweŋ máŋ nuutu ɗaw.

Kel pəsaŋ kəmarwaŋ gə minti Zaŋ jiiriniy 8:33

Yə hərnu kel minti: «Are kəna gidiirə *Abraham, are jəŋ kafkam kə hulum hõy ba anə hasi. Tam bə waate are minti are bidi yaŋ wəra ku kafkamaŋ haa naanaanə mo?»

ROMEŊ 10:11

Gud maa mo wəra bə jeerə-jeere giidə Kefter kə Pepeŋa minti: «Mindi mindi mo doŋ ne guuduŋ, wə kole kese hõy pəda anə ceki faɗi.»

ROMEŊ 10:4

Gud maa mo Kristu təwaŋ səɓaki də *ku giliŋ wəra, kir minti Pepeŋ kolə la duru ɗeker haa kaa gə minti doŋ neŋ keɗe.

ROMEŊ 10:6

Səma Kefter kə Pepeŋ waate cəərə kole bə huluma duru ɗeker də deŋ minti: «A waate ku tarməyama minti: ‹Minti ɗe yaŋ tarmə pepeŋ mo?›, ba.» (Haa minti: bə ɗe a waate Kristu minti wə vaa da warda sar áŋ daŋ.)

ROMEŊ 3:22

Pepeŋ kole kaŋ duru ɗeker haa gud de neete bə gud Yeesu Kristuŋa. Wə ji də hulum mundu mundu mo bə minti doŋ neŋ haa bədoona ana, gud maa mo wə gole kaŋ gəga'-gəga'i

ROMEŊ 3:26

səma tó məətəŋ. Wə ge dər pa minti wə kəm dayna ɗeker, gud maa mo wə bə balə-bele minti tó jəə la ɗeker, daana tó kole kaa gə minti doŋ gud Yeesu la wəra ɗeker dər tó gəm.

ROMEŊ 3:30

gud bə minti wə məna haa tó faɗi. Wə kole kaanə Ziwifiŋ duru ɗeker haa gud deŋa, wə kole kaa gə minti paapa gə Ziwifi baŋ duru ɗeker haa gud deŋa gəm.

ROMEŊ 4:10

Pepeŋ əŋkunu ɗeker haa də ko mundu mo? Ajew də jeme də tənturuŋa mo, adordə jeme dəŋa mo? Paapa adoro də ba, ajew də faɗi!

ROMEŊ 9:30

Bədoona ana, karman bə minti áŋ bele wəətuŋ haa minti: kaa gə minti paapa gə Ziwifi baŋ a paapa bə golde kəkəya bə ji ɗeker tiinə Pepeŋa ba, səma wə kulnuy wəra ɗeker duru gud de neeteŋa.

ROMEŊ 9:33

bə minti Pepeŋ a wəətunu səmu wəra giidə Kefter nuutuŋa minti: «Golə laŋ, ten ge pərki giidə vil də Siyoŋa, pərki bə minti kaŋ daste ada, pərki bə ke kaŋ. Hulum bə minti doŋ ne guuduŋ, wə kole kese hõy pəda anə ceki faɗi.»

ROMEŊ 9:6

Kar gə minti Pepeŋ a wəətənəy səməy wəra a kaanə Israyel, wə jiiniy bə moŋ, ten waate paapa bədoona ba. Wə jiiniy nuutu, səma koloŋ kaa kə Pep gə minti Israyel də gəəzə-gəəziŋ, paapa kaŋ keɗe gə minti waŋ a kaasaw də moomo di Israyelaŋ ba.

II KOREŊTƏŊ 1:22

Wə ayaŋ Tiiru Cetcetaŋ ku tarmə áŋa bə ge dər minti áŋ kə tó. Tiiru Cetcetaŋ taŋ haa karman bə minti wə deŋeŋ kar gə minti wə bə ɗe yaŋ a əyəy a áŋ dəərəŋ.

GALATIŊ 3:22

Kefter kə Pepeŋ waataŋ wəra minti baymeleŋ pəŋ bulum wəra cəərə kaŋa keɗe, kir minti kaa gə minti doŋ gud pisi bə minti Yeesu Kristu juunuŋ, yə falə karman bə minti Pepeŋ a wəətunu səmu wəraŋ la ɗaw.

GALATIŊ 3:29

Gud tepe nəətiŋa də Kristu tə bə moŋ, aŋ koloŋ máŋ haa kaasaw də *Abrahamaŋ. Bədoona kəya, kar gə minti Pepeŋ a waataŋ wəra minti tó bə əyəy yaŋ a Abraham, aŋ bə fələy yaŋ gəm.

GALATIŊ 3:7

Aŋ asə la wəra kaŋkaŋ minti, kaasaw də Abraham gə gəəzə-gəəziŋ, haa kaa gə minti doŋ gud Pepeŋaŋ.

GALATIŊ 5:5

Kə are kaa kə Kristuŋ, are wəra gə malə-mele ɗiki də are minti Pepeŋ bə kole are yaŋ wəra ɗeker duru. Wə bə kole are haa gud səɓaki kə Tiiru Cetcetaŋa gud bə minti are doŋ gud joŋre kə Kristu.

GALATIŊ 6:16

Bədoona ta, kaa gə minti əsəŋ ne cəərə kəmtəŋ də kela ta'i kənaŋ, yə haa kaa kə Pep gə gəəzə-gəəziŋ. Doŋ kir minti wə əyəy kəkaɓiŋ la, wə jəə giidu pəsaŋ la siri.

EFESIŊ 1:13

Aŋ gə minti əskəŋ kel kə gəəziŋ, *Kel pəsaŋ kəmarwaŋ gə minti aŋ fele seereŋ guudiŋ, aŋ wəra gə tapə-tepe də Kristu. Bədoona ana, aŋ doŋ gud Kristu gəm, kəya Pepeŋ aynaŋ Tiiru Cetcetaŋ də minti wə a waatənaŋ sam wəra a nəənəŋ. A gaŋ dərəŋ haa minti aŋ wəra kaa kə tó.

EFESIŊ 4:30

Aŋ a jəəti kel kə aye laawe a Tiiru Cetcetaŋ kə Pepeŋ ba. Gud maa mo, Pepeŋ maltaŋ tarwa wəra sarəŋa dəərə bə ge dər minti, dər hi bə minti tó bidi kaŋ wəra duuru bə faɗnə-faɗna, aŋ wəra kaa kə tó gəəzə-gəəzi.

FILIPIŊ 3:9

ten jəə la bə tapə-tepe wəra duuru kaŋkaŋ gəm. Ten paapa bə ɗiki minti ten ɗeker dər Pepeŋa ha'aŋ gud ɗe bə gud ku giliŋaŋ ba. Ten ɗeker duru haa gud bə minti ten doŋ gud Kristuŋ. Kolon ɗeker haa Pepeŋ gud bə minti ten doŋ gud Kristuŋ.

HEBEREŊ 11:7

Gud deŋa, Nowe jəŋ joŋreŋ də kel gə minti Pepeŋ a wəətunu du cəərə karman bə minti ɗe a ji yaŋ hõy na, səma wə kəm bay əsu də duru. Kəya wə ɗampaŋ turti mooto, yə luŋ giidə də gə girduŋ, yə seereŋ wəra ku meŋa faɗi. Bədoona ana, ɗe du gaŋ dər wəra minti ɗe də kaa kaayaŋ baymele daana wə goloŋ dər Pepeŋa hulum ɗekeri haa gud de nuutuŋa.

II PIYER 1:1

Jeere kefter toŋ haa ten Simoŋ Piyer, hulum bə joŋre daana bə *gaa-ge kə Yeesu Kristuŋ. Ten jeereneŋ kefter toŋ a nəənəŋ, aŋ kaa gə minti fəlaŋ deŋ gud ɗeker kə Pep náŋ Yeesu Kristuŋa daana hulum bə seere áŋ. De toŋ haa bə naareŋ ana dege'-dege'i faɗi gəm.

VEƊE 9:4

Kəya yə həənəy kuy wəra minti yə a ji kaɗəkaw bayməlaŋ ba, yə a ji kəbaŋ baymele bə gəm. Səma kaa gə minti tampoŋ kə Pepeŋ bay malte tiiniŋ, yə jəə teŋ la bayməlaŋ təwa.