ROMEŊ 3:5 - JAA TƏMARWAŊ

⁵ Hebkəna ten waate kel haa də aŋar də ɗiki bə minti cəərə kaŋaŋ. Yə waataŋ ne minti baymele bə minti áŋ bə jəwaŋ keye bə ge gud ɗeker kə Pepeŋ wəra pəɗaki a kaŋ, áŋ neke bə waate minti harmə mo? Haa minti Pepeŋ paapa ɗeker ba bə minti wə kole waŋ daana wə ji daŋgay də áŋ mo?

ROMEŊ 3:5 Iomraidhean Croise

ROMEŊ 12:19

Aŋ gə minti giidən bəlaŋ, aŋ a ge abal də kusrəŋ aŋ ba, aŋ yaakə kəkəy də waŋ də koleŋ la a Pepeŋ. Gud maa mo wə waataŋ giidə kefter nuutuŋa minti: «Hulum bə ke abal haa ten, werke mindi mindi mo haa ten gəm.»

ROMEŊ 2:5

Gud tete nəmtiŋa daana minti tam bele ke kum wəra cəərə baymele nəmtiŋa baŋ, tam bə ɗampe cəərəma haa daŋgay mooto-mooto də minti ɗe a jəm yaŋ dər hi bə minti Pepeŋ ge gud waŋ nuutuŋ yaŋ wəraŋ, daana wə jeme kəəti də kaŋ yaŋ a kuɗuŋa faɗiŋ.

ROMEŊ 3:19

Ana áŋ wəra gə asə-ase minti, kel gə minti *ku giliŋ hətəy keɗeŋ, wə hətəy haa a kaa gə minti bə ɗe guuduŋ. Kel teŋ bədoona ana'i kir minti kəkəy a ji cəərə huluma anə məna bə biŋi ku ba daana minti kaŋ neŋneŋ keɗe asə la wəra minti kəəti kə Pepeŋ bə doo-de diiri.

ROMEŊ 3:7

Kumundu ba hulum neke bə waate pa minti: jəəne minti baymele bə minti ten bə jəwaŋ keye kaŋ bə ase minti Pepeŋ ji haa saksaki ɗeker daana wə fele tokɗeŋ a ko toŋaŋ, ten bə ji naanaanə bə doo-de də kəəti gud bə minti ten hulum bə baymeleŋ pə mo?

ROMEŊ 4:1

Áŋ ɗəkə la kəm cəərə moomo də áŋ *Abrahama. A hulum kisirki du kəm caw, wə fəlaŋ haa maa mo?

ROMEŊ 5:8

Səma Pepeŋ gaŋ gud bele nuutu bə cəərə áŋ wəra haa də bə minti Kristu bəŋ a me wəra gud áŋa də ko bə minti áŋ kəm kaa kə bayməlaŋ ɗaw.

ROMEŊ 6:1

Áŋ waate ta'i kənaŋ minti harmə mo? Áŋ raawə la də ji bə baymeleŋ kir minti pisi bə minti Pepeŋ jəw cəərə kaŋaŋ zulə la mo?

ROMEŊ 6:19

Ten humtuŋ kar gə minti bə jəəti sar aŋ kaa kəsarkaŋa kənaŋ bə waataŋ kel, gud bə minti aŋ iski cəlam baŋ. A dayday aŋ ayaŋ kar də kusrəŋ damdi kafkam ana bə jəəti gidiirə baymeleŋa daana kar kə bay koloŋ cetcetiŋ gəm. Kel teŋ kəya malnaŋ a bay humi bə kosoŋ bə cəərə Pepeŋa faɗi. Bə hebkənaŋ, aŋ ayə kar də kusrəŋ la wəra keɗe a Pepeŋ bədoona ana gəm, bə ji kel ɗekeri gə ɗe a məlaŋ cəərə ɗe cetcetiŋaŋ.

ROMEŊ 7:7

Áŋ waate hebkəna minti harmə mo? *Ku giliŋ baymele mo? Paapa anə ceki faɗi! Səma wə a jəə la baŋ, baymeleŋ a haa karman maa moŋ, a paapa də dərən ba. Wə minti: «A saane karman kə kumsum ba.» Wə a waatə la bədoona baŋ, ten sə a ase baymele toŋ bə gəm.

ROMEŊ 8:31

Áŋ də kel məntəŋ gə waate pə mo? Jəəne minti Pepeŋ gud áŋaŋ, mindi neke bə gerge tiinə áŋa pə mo?

ROMEŊ 9:30

Bədoona ana, karman bə minti áŋ bele wəətuŋ haa minti: kaa gə minti paapa gə Ziwifi baŋ a paapa bə golde kəkəya bə ji ɗeker tiinə Pepeŋa ba, səma wə kulnuy wəra ɗeker duru gud de neeteŋa.

I KOREŊTƏŊ 15:32

Kel gə minti kaŋ jəənən diiri giidə seŋka də Efesiŋaŋ haa damdi kuuri bə minti kaŋ kuuri kar kə waraŋ duuruŋ ana. Jəəne minti ten hale kel haa gud ɗiki bə kusukiŋa təwa faɗiŋ, ten fele maa ada mo? Jəəne minti kaŋ hare wəra dədərgə adordə meŋa baŋ, áŋ jəə la damdi kaŋ bə waate wəraŋ ana: «Áŋ hamə la, áŋ saa la nuutu ta, gud maa mo dibiini yaakaŋ cəərə áŋa haa meŋ!»

I KOREŊTƏŊ 9:8

Kel gə minti ten wəətənəy haa kənaŋ paapa gə əsə-isi cəərə karman bə minti kaa kəsarkaŋ bə ɗuku təwa ba. *Ku gili kə *Moyisiŋ wəra bə waatə-waate bədoona ana gəm.

II KOREŊTƏŊ 6:4

Ana ɗaw ha'aŋ, də ko muntu muntu mo keɗe, are vəɗaŋ kusrə are wəra minti are kaa kə joŋre kə Pepeŋ. Gud teŋa ta are məŋ dər gəəliŋa, dər lasiŋa, dər kel kə kalə-kele cəərə areŋa gəm.

II KOREŊTƏŊ 7:11

Haa kənaŋ kar gə minti laawe bə minti de giidə Pepeŋ jiiniy sarəŋaŋ: aŋ gə doo-de cəwaŋ! Aŋ bə bele ge dəra minti aŋ bele baymele pədaŋ! Aŋ gə kolə-kole waŋ cəərə jəəti bə baymeleŋaŋ! Aŋ jəŋ walka wəraŋ! Aŋ də caadə minti áŋ ŋafə laŋ! Aŋ bə bande wəra bandeŋ! Aŋ ke daŋgay a kaa kə ji baymeleŋ! Aŋ jəŋ wəra də gidiirə hel anə dəra'-dəra'i keɗe bə veɗe wəra minti aŋ paapa gə tapə-tepe də kel teŋ ba faɗi.

GALATIŊ 2:18

Gud maa mo, hulum bə minti a yaakaŋ humi bə kosoŋ bə cəərə ku giliŋ ne wəra, wə waataŋ wəra cuuru minti wə paapa bə nakə-neke bə seere hulum baŋ. Wə bə haraŋ ne bə ɗe guudu toki faɗi paŋ, wə gaŋ kusru bə ji baymele haa tó də kusru faɗi.

GALATIŊ 3:15

Kəsaananti, bə kaŋ gud kel wəraŋ, ten he karman bə minti áŋ bə ase toŋa bə jəəti sar áŋa kəna saksakiŋ: bə minti kaa kəman ɓasi doŋ jaa ne wəra də kumsiŋ, yə jeerəna kel dəŋ a keftera daana yə maltaŋ kəəsi ne wəra adaŋ, hulum neke bə ge kel cəərə neeteŋa ada pəda daana wə neke bə ɓalka pəda gəm.

VEƊE 15:3

Yə bə ge gudul kə *Moyisiŋa, hulum bə joŋre kə Pepeŋ, daana gudul kə Kormə Taaməkaŋ gəm minti: «Barkaŋ Pepeŋ, Bar Səɓakiŋ, joŋre nəmtiŋ boblo, wə bə ŋili kaa kas pisi duŋ. Kumna kə gidiirə kaŋ, gədəəgi də kel nəmtiŋ wəra ɗeker, yə gə tapə-tepe də gəəziŋ.

VEƊE 18:20

Aŋ kaa gə apəyaŋ, aŋ waalə la gud bə minti a wəra də ɓalkə-ɓalkeŋ. Aŋ kaa kə Pepeŋ, aŋ *kaa gə vaa-veŋ, aŋ *kaa kə jogte ku mini kə Pepeŋ, aŋ waalə la. Gud maa mo, bə minti Pepeŋ jəmaŋ kəəti də vil taŋ ha'aŋ, wə kaanaŋ gədəəgi də kel nəətiŋ wəra minti aŋ ɗeker.