ROMEŊ 3:2 - JAA TƏMARWAŊ

² Gəəzi, yə kəyu ablaw cəərə kara keɗe! Gud maa mo, məna, Pepeŋ ayaŋ kel nuutuŋ anə faɗi haa kasi kaanə Ziwifiŋa.

ROMEŊ 3:2 Iomraidhean Croise

Kel pəsaŋ kəmarwaŋ gə minti Zaŋ jiiriniy 5:39

Aŋ vərgi gud Kefter kə Pepeŋ wəra anə ke'-ke'i də ɗikiŋ minti aŋ fele dədərgə də bay teweŋ haa giidu. Kel gə giidə kefter toŋ anə derra bə jəəti bar kəkəya cəərəna daw!

JOŊRE 7:38

Də ko bə minti kaa náŋ təpaŋ wəra gil giidə fulaŋ, hulum bə minti jəŋ joŋreŋ aduubə də hulum bə digi kə Pepeŋ bə minti bə wəətu kel da cəərə pərki bə Sinay da, də kəmoomo də áŋ, haa tó pa. Kəya Pepeŋ ayaŋ kel kə dədərgəŋ da haa kəəsu da, minti wə juguy la wəra a áŋ.

ROMEŊ 1:2

Pepeŋ a wəətənəy səməy wəra dayday bə əyəy a kaŋ ku *kaa kə jogte ku mini nuutuŋa, yə jiiriniy wəra giidə Kefter nuutuŋa gəm.

ROMEŊ 2:18

Tam bə asə-ase karman bə minti giidu bəluŋ, ku giliŋ bə hatə-hate dəərəm minti tam ŋamə karman pisi la naanaanə moŋ gəm.

ROMEŊ 3:1

Jəəne bədoona anaŋ, karman bə minti hulum bə Ziwifi dəŋaŋ kaa kaayaŋ duuruŋ, haa maa mo? Keye bə minti tanta də jamə-jeme kəynu duuruŋ, haa a maa toŋa mo?

ROMEŊ 3:3

Gəəzi sirdi jəŋ ɓeti gud kel teŋa ba. Ana gud kel teŋ haa minti Pepeŋ bə ji saksaki ɓeti pəda gud bə minti yə a əsəŋ ɓeti baŋ mo?

ROMEŊ 9:4

Yə haa kaasaw də moomo di *Israyel, Pepeŋ jəŋ kir minti yə kolə la wəra karmə tó, wə gəənəy diri wəra cəərə boblo nuutuŋa, wə topoŋ *jaa diiri, wə əynəy *ku giliŋ, wə kəənəy diri a kəkəy bə kaw awalnaŋa, wə wəətətənəy sam kar gə minti tó bə jiitiy di yaŋ gəm.

I KOREŊTƏŊ 9:17

Gəəzi, a haa ɗiki bə ji digi də kaasən la kəyaŋ kəna ten, ten a sə a mi werke guudə nuutu. Ten haŋ ɗiki bə jəərəŋ paapa ten ba tə bə moŋ, ten ji haa digi də minti Pepeŋ aynan dən minti ten jəərə la bədoonaŋ təwa faɗi.

II KOREŊTƏŊ 5:19

Gud maa mo Pepeŋ haraŋ bə tepe aduubə di də kaa kəsarkaŋ haa də Kristu, wə əŋkənəy baymele neeteŋ ciiri ba. Wə ayaŋ joŋre toŋ a are bə wəətəy cəərə tepe bə aduubə diŋa duuruŋ.

GALATIŊ 2:7

Ana ɗaw ha'aŋ, yə asaŋ faɗi minti Pepeŋ aynan joŋre bə waate Kel pəsaŋ kəmarwaŋ wəra a kaa gə minti teŋ paapa gə Ziwifi baŋ, damdi wə əynu a Piyer bə ɗe a wəətəy wəra a kaanə Ziwifiŋ ana gəm.

I TIMOTE 6:20

Tam Timote, karman bə minti Pepeŋ aynam dəm kaasəmaŋ, jəw guudu la pisi. A kalte kum awəy də boobo də bay bəlam dəŋa ba. Awəy taŋ, yə manta minti kəna kel kə ase, anaaŋa doloy kəna awəy də bay bəlam dəŋ.

HEBEREŊ 5:12

Hitiŋ gila keɗe a máŋ bə nakə-neke bə minti aŋ a máŋ kəna kaa kə hate. Ana pə ɗaw, aŋ bə jəŋ kəm də caadə minti hulum hataŋ kel kə Pep gə minti kaŋ hətəy a kəkəy bə minti yə de kəm deŋ. Bə minti aŋ a sə a hame máŋ karman gagraŋiŋ, aŋ haraŋ də caadə kaw damdi kəmar koncoŋ koloy-koloy ana.

I PIYER 4:11

Hulum a fəlaŋ ne haa hel də waate bə kel, wə waatə la wəra haa kel gə minti bəŋ kasi Pepeŋ daŋ. Hulum baalaŋ a fəlaŋ ne haa ji bə digiŋ a kaŋ, wə jəərə la haa də səɓaki də minti Pepeŋ əynu duŋ. A ji bə kar teŋa keɗe'iŋ, aŋ jəy la kir minti kaŋ tokɗə Pepeŋ la gud Yeesu Kristu haa guudiya faɗi. Gud maa mo, tokɗeŋ daana səɓakiŋ haa kə Pepeŋ bə faɗnə-faɗna. *Amen.

VEƊE 19:10

Kəya ten vaŋ də gəgəərən tiinə hulum bə digiŋa bə kaw awalna, səma wə waatənan minti: «A ji teŋ ba! Ten haa hulum bə joŋreŋ damdi tam daana kəsaanam ana toki gə minti doŋ gud kel gə minti Yeesu a jəŋ bar kəkəy diŋ. Kaa awalna la haa a Pepeŋ!» Gud maa mo kel gə minti Yeesu jəŋ bar kəkəy ciiriŋ, haa kel gə minti Pepeŋ kəltənəy warda ku *kaa kə jogte ku mini nuutu daŋ.

VEƊE 22:6

Kəya *hulum bə digi kə Pepeŋ waatənan minti: «Kel teŋ keɗe yə gəəzi, yə ɓeti. Gud maa mo Barkaŋ Pep bə minti a yaakaŋ kel nuutuŋ bə kalte wəra ku *kaa kə jogte ku miniŋaŋ, wə gaŋ hulum bə digi nuutuŋ minti wə ɗee la a ke gud kel gə minti wəra maŋ bə tuliŋ a kaa kə joŋre kə toŋ.»