ROMEŊ 2:6 - JAA TƏMARWAŊ

⁶ Də hi toŋa ateŋaŋ, wə werke mindi mindi mo yaŋ də aŋar də kel gə minti wə a jiitiniy.

ROMEŊ 2:6 Iomraidhean Croise

MATIYE 16:27

Gud maa mo *Kormə Hulúm dər məyan kə Buruŋa bə tuuki yaŋ də *kaa kə digi nuutuŋ guudu. Kəya wə bə werke mindi mindi keɗe haa gud joŋre bə minti wə a juunuŋ.

ROMEŊ 14:22

Karman bə minti tam bə ɗuku minti wə yaŋ pisi cəərə kar teŋaŋ, bəsu la ku tarməyama kir minti wə jəə la də dərəŋ ɓasi də Pepeŋ təwa. Waaleŋ haa kə hulum bə minti ji karman bay awəy ku tərmuyu cəərə pisi duŋaŋ.

I KOREŊTƏŊ 3:8

Hulum bə minti gaŋ dər karman adawraŋ, hulum bə minti kəənu kan, bə daŋə-deŋe kumsu paapa guudi ba. Pepeŋ bə ɗe a aye werkeŋ a mindi mindi mo guudi haa də aŋar də joŋre bə minti wə a juunuŋ.

I KOREŊTƏŊ 4:5

Gud teŋa ta, aŋ a jeme kəəti də hulum wəra ajew-ajew ba jamə ba, aŋ məə hare kə Barkaŋ la kəm. Bi a ke gud kar gə minti gə ŋoyə-ŋoye wəra dər tilməŋa daana bi a veɗe ɗiki bə ku tarmə kaŋ wəra haa tó. A ko toŋa, mindi mindi mo fele aŋke nuutu yaŋ kasi Pepeŋa də aŋar də joŋre bə minti wə a juunuŋ.

II KOREŊTƏŊ 11:15

Bədoona ana, paapa kel kə ŋili hulum ba minti kaa kə joŋre naataŋ ji kusri bə kaa kə ji joŋre ɗekeri ana gəm. Səma yə fele daŋgay haa də aŋar də joŋre neeteŋ faɗi.

II KOREŊTƏŊ 5:10

Gud maa mo áŋ keɗe kir ɗe tiinə Kristu bə ɗe a waate sam kusrə áŋ wəra. A ko toŋa ta, mindi mindi mo fele werke nuutuŋ haa də aŋar də kel pəsaŋ ɗawba gə bayməlaŋ gə minti wə a jiiniy kanna adawra naŋ.

II TIMOTE 4:14

Aleksandərə, hulum bə ce duktiŋ, jəənən baymele ablaw. Barkaŋ wirku yaŋ damdi joŋre nuutu bə minti wə juunuŋ ana gəm.

VEƊE 2:23

Ten bə awa karməyaŋ yaŋ wəra. Kəya kaa kə Tapiŋ keɗe ase yaŋ wəra minti ten haa hulum bə gole dər ɗikiŋ daana dər kel gə minti hulum bələy. Ten werke mindi mindi mo aduubə dəŋa də aŋar də joŋre bə minti wə a juunuŋ.

VEƊE 20:12

Kəya ten asaŋ kaa kə mee-me, kəmtəŋ də koncoŋ, gil-gil tiinə jaaŋa də kumnaŋa. Kəya yə pəŋtəŋ kefter kəman ada, joŋre kə kaŋ bə jeertə-jeerte giidu. Yə bəŋəŋ baalaŋ kəman ada məna, toŋ haa kefter bə dədərgəŋ. Kəya Pepeŋ jəmaŋ kəəti də kaa kə mee-meŋ haa gud joŋre neete bə minti a wəra bə jeerə-jeere giidə kefteraŋ.

VEƊE 22:12

Yeesu minti: «Aŋ jeɓrə la pisi! Ten wəra maŋ bə bi. Ten bi haa də werke kə kaŋ kaasəna, ten werke mindi mindi mo haa də aŋar də joŋre bə minti wə a juunuŋ.